2012年9月8日星期六

《衝上雲霄II》張智霖「露鳥」

張智霖「露鳥」 師奶受驚掟菜

張智霖(Chilam)昨日罕有為劇集剝衫拍攝,劇情講述他下身摟着的浴巾不幸鬆脫,慘被師奶睇「全相」,受驚師奶大鬧又掟菜,完全唔Enjoy!

Chilam昨日一大早到石澳拍攝新劇《衝上雲霄II》,罕有地赤裸上身露兩點示人。劇情講述他在屋內沖涼時突然停水,只好用毛巾摟着下身出門搵救兵。恰巧當時一名師奶路過,Chilam欲借電話求救之際,毛巾忽然甩掉,「露鳥」人前,嚇得師奶大鬧「變態佬」又掟菜,認真倒楣!

為表達Chilam甩毛巾後「光脫脫」,導演要拍多個鏡頭,又盡量拉下Chilam的短褲褲頭,令Chilam有點避忌。

《衝上雲霄II》張智霖「露鳥」
Chilam的褲頭愈拉愈低,令他顯得有點尷尬。


《衝上雲霄II》張智霖「露鳥」
Chilam出動私伙性感女郎毛巾。
《衝上雲霄II》張智霖「露鳥」
「露鳥」嚇師奶的Chilam被掟菜。
《衝上雲霄II》胡杏兒與Chilam再度合作。
胡杏兒與Chilam再度合作。

冇腹肌夠真實

問Chilam有否為今次的剝衫鏡頭而操fit?他笑言:「我就係特登唔去操!希望盡量唔好有六舊腹肌,咁樣會真實啲、人性啲。(大犧牲?)男人之家有乜所謂?女仔就話唔好啫,(露兩點喎!)成日都有啦,不過唔係鏡頭前,同個仔去游水都係咁。」

Chilam又表示曾在電影中僅穿底褲上陣,所以不會因此而感到尷尬,可能要全裸才會有「感覺」,但遇到好導演、好劇本、好對手,都不介意全裸拍攝。

與杏兒肉帛相見

及至下午,胡杏兒與吳卓羲加入拍攝另一場戲,記者說杏兒「走寶」,錯過Chilam的兩點,她笑言:「我見過啦!之前喺《魚躍在花見》有一場戲講我同佢分別扮小龍女同楊過,要肉帛相見添!」

Orignal From: 《衝上雲霄II》張智霖「露鳥」

沒有留言:

發佈留言