2012年9月2日星期日

「2012香港小姐 全民參與獎名車」得獎者

港姐監場送首部歐洲名車
[22:53] 2012/09/02

【on.cc 東方互動 專訊】 早前一人一票投票選港姐弄至滿城風雨,TVB補鑊送車「息民憤」,剛於晚上10時45分成功送出第一部價值49萬元的歐洲名車,司儀崔建邦在港姐三甲港姐陪同下見證電腦抽獎,並致電得獎者梁先生。另一部名車將於晚上11時35分送出。

出爐港姐冠軍張名雅(中)、亞軍黃心穎(左)及季軍朱千雪代表送出名車。
出爐港姐冠軍張名雅(中)、亞軍黃心穎(左)及季軍朱千雪代表送出名車。

120萬人抽籤爭車
[23:41] 2012/09/02

【on.cc 東方互動 專訊】 《2012香港小姐全民參與獎名車》晚上在電視城進行,巿民透過TVB.Com及TVB Fun登記參與,截至晚上9時15分,無綫公布成功登記人數為1,270,850人。於晚上11時35分第二部歐洲名車就由陳小姐奪得。

出爐港姐冠軍張名雅(中)、亞軍黃心穎(左)及季軍朱千雪代監場送名車。
出爐港姐冠軍張名雅(中)、亞軍黃心穎(左)及季軍朱千雪代監場送名車。

Orignal From: 「2012香港小姐 全民參與獎名車」得獎者

2012年9月1日星期六

劉家輝子女探望受阻 驚動警方 爭產一觸即發

著名武打明星劉家輝中風入院後,其第二任妻子及子女揚言未能探望,昨日一對子女第三度到護老院欲探望父親,但遭院方阻止,兩兄妹控訴有人從中作梗!

劉家輝(原名冼錦熙)的第二任泰籍妻子及兒子冼峻龍,日前澄清奪家產傳聞,並指有人阻止他們見劉家輝。昨午5時許,冼峻龍與妹妹冼詠珊到護老院探望父親,但再度受阻,院方更禁止記者採訪及報警,警員到場後記下相關人士的資料便離去,而兩兄妹則與院方舉行閉門會議,要求盡快見父親。院方職員解釋只是跟從病人意願辦事,要先聯絡保證人,亦擔心刺激到情緒不穩的病人,令他病情惡化。

劉家輝子女到護老院欲見父親,院方卻因有記者在場而報警。

護老院阻見面

事後冼峻龍兄妹表示非常希望一家團圓,冼峻龍指父親搬入護老院前曾傾偈食飯,但之後便沒有見面,兩度探訪亦被阻撓,覺得受到不公平對待:「上月中我知道曾志偉都有得見,點解我哋仔女唔得?於是嚟咗一次,之後第二次嚟又唔畀見,仲話爹哋唔想見任何人。」對於第三次叩門被拒,冼峻龍表示曾聯絡父親的經理人Eva,但一直被Cut線:「我有留低電話號碼,但一直冇消息。(你點知地址?)保證人冇講,係由登記傷殘津貼得知。」

經理人拒回應

冼詠珊則直斥有人從中阻撓:「院方話唔知有呢對子女,但佢中咗風,腦唔清晰,可能有人背住我哋做咗啲嘢!(搵演藝人協會幫手?)未決定,要睇院方點處理。(報警?)阿哥聯絡過香港嘅朋友,認為未必幫到手,依家搵院方駁電話畀爹哋,佢唔肯接都冇辦法。」

對於冼氏兄妹的言論,Eva接受電話訪問時拒絕回應,只說:「我保留法律追究權利。(保證人阻止劉家輝同子女見面?)唔係保證人阻止,劉師傅想見邊個,係佢自己決定。」

冼峻龍與妹妹冼詠珊十分無助。
冼峻龍與妹妹冼詠珊十分無助。
劉家輝中風後是非不斷。
劉家輝中風後是非不斷。

爭產一觸即發

劉家輝中風入院後引爆爭產風波,是非沒完沒了。

去年8月
劉家輝受傷入院,有指他是醉酒跣親傷頭,亦有傳是撞車。他與前妻所生的大女Angie,探病後拒透露父親受傷的真正原因。

今年7月
劉家輝中風致半身不遂後,有指其第二任泰籍妻子打算趁機謀奪其財產,包括數百萬元物業。

上月28日
劉家輝的第二任妻子與兒子冼峻龍在泰國否認爭產,並踢爆有人阻止一對子女與父親見面。

昨日
冼峻龍與妹妹冼詠珊到護老院探望父親受阻,院方更報警。

Orignal From: 劉家輝子女探望受阻 驚動警方 爭產一觸即發

無綫又搞一人一票選視帝視后 黎耀祥同陳豪爭做民選視帝

無綫再構思公投選視帝后
「獎名車」24小時70萬人登記


2012全民投票選港姐雖然因網絡系列癱瘓而失敗,無綫未放棄並繼續努力,目標鎖定台慶頒獎禮的視帝、視后,將投票權交還觀眾作公投。由於港姐公投失敗的經驗,今次不再冒險行事,先以「港姐全民參與獎名車」活動作測試。由前晚8時公布開始在tvb.com與TVBfun登記,截至昨晚8時,24小時內已有70.1萬人成功登記;預計至今晚9時15分截止登記的人數會再飈升。

以證沒有高層幫派

無綫非戲劇製作總監余詠珊稱,今次「獎名車」的登記過程順利,觀眾反應很熱烈。過往透過TVBfun與觀眾也有互動,但原來由節目帶動參與投票人數是更多的,一個家庭會有幾個人一起投票。問及是否計劃將一人一票推行到選視帝、視后?余詠珊承認有此構思,但經一事長一智,目前仍要先完成「獎名車」活動,視乎運作情况,並要等港姐投票網絡癱瘓原因的報告再作部署。

需要更多時間研究

余詠珊表示未來節目跟觀眾增加互動是勢在必行的,今次港姐事件後,接觸到更多電腦專家。有專家提議以「會員制」投票可減少被攻擊的危機,這也會作考慮。過往選視帝、視后不乏黑幕傳聞,又涉無綫高層黨派角力,今次是否將投票權交還於觀眾?余詠珊稱看電視收視報告,可見TVB的收視率佔香港觀眾8、9成,故讓觀眾投票決定心目中的視帝、視后,更見證到TVB是開明的平台;屆時沒有什麼高層幫派,由觀眾選出來的得獎者就是「觀眾派」。她補充說公投選視帝、視后的機制更複雜,故需要更多時間研究。

登記人數破紀錄

無綫外事部副總監曾醒明稱,前晚開始的「港姐全民參與獎名車」登記的人數是破高紀錄,在開放登記開始時,有觀眾反映意見未能登入。無綫工程人員檢查是運作一切正常,故呼籲未能登入的觀眾向個別寬頻供應商了解;或下載TVBfun應用程式參加更方便。今晚於10時45分、11時35分的廣告時段會分別由冠軍張名雅、亞軍黃心穎跟季軍朱千雪抽出兩輛名車的得主。

去年由胡杏兒(左)及鄭嘉穎(右)奪得視帝視后,若然TVB落實將投票權交還給觀眾,未知這對好拍檔會否能再下一城呢?(資料圖片)
去年由胡杏兒(左)及鄭嘉穎(右)奪得視帝視后,若然TVB落實將投票權交還給觀眾,未知這對好拍檔會否能再下一城呢?(資料圖片)
余詠珊指公投選視帝、視后的機制更複雜,故需要更多時間研究。(資料圖片)
余詠珊指公投選視帝、視后的機制更複雜,故需要更多時間研究。(資料圖片)

無綫又搞一人一票 網民踩台 祥仔要同陳豪 爭做民選視帝

無綫「普選港姐」雖然爛尾,但依然決定今年用「一人一票」選出台慶的視帝視后,歷屆視帝視后黎耀祥、陳豪與胡杏兒對全城投票均表示期待,覺得有新意,亦對自己充滿信心。不過,部分網民對無綫「普選視帝視后」則欠缺信心, 只怕無綫重蹈覆轍,再令網絡癱瘓。

今年無綫「一人一票選港姐」難產,更慘被友台now TV抽水搞出一個由民意選港姐活動,無綫不甘示弱,在即將舉行的台慶頒獎禮的視帝視后寶座,準備以「一人一票」方式選出,希望一雪前恥。

連奪兩次視帝的黎耀祥,年初已有代表作《造王者》,其主演的《大太監》更是今年焦點劇集,他信心十足地表示,即使是全民投票,此劇亦可令他再奪視帝。祥仔說:「全民投票好壞見仁見智,可能有人鍾意偶像,唔鍾意演員,鍾意靚仔都唔定,無論點我都對自己有信心,《大太監》將是台慶劇,我對自己在此劇的演出好滿意,講真我忙住拍劇,好少睇其他劇集,不過我知陳豪啲劇都有好多輿論,可能唔係我就係佢啦!哈哈!」

問到會否擔心電腦再次出現問題引來爭議?祥仔說:「任何選舉制度都會有問題,我一直都尊重任何遊戲規則,就算選出來的不是我,我都沒所謂。」

胡杏兒:期待完善機制

胡杏兒接受本報記者訪問時亦表示:「對於公司的決定我都好贊成,這個也算是好的新嘗試,若然只由巿民投票的話,我希望機制會完善一點,要想清楚有幾多人投票及會否分香港、內地與外國觀眾呢啲問題。」她坦言不擔心全民投票令無綫親生仔女少了獲獎機會。她說:「就算是親生仔女都要睇演得好唔好的,相信也要看演技,不然選了出來也會畀人鬧。」

問到睇好哪個奪視后?杏兒表示今年還有很多劇集未播,此時揀視后言之尚早,無綫已吸取過港姐選舉網絡癱瘓的經驗,之後一定會有進步。

陳豪差不多求婚

陳豪亦表示視帝視后的心水言之尚早,因為很多劇集尚未推出,仍沒看到觀眾反應,相信所有人都有得視帝機會,包括自己在內,而他當然亦渴望得獎。

陳豪前晚出席「Yahoo感情品牌大獎慶祝10周年」活動,問到假若一人一票投選視帝會否有信心勝出?他表示不知道,但想跟更多觀眾有聯繫,他說:「我們接近世界舞台,其他地方也是觀眾投選出來,就算沒有禮物,觀眾也想參與,感覺就是那人是我選出來的。(奪獎信心呢?)沒有想過,做幕前的我,演好一點戲就算,希望觀眾選我喇!我也會很開心。」此外,談及女友陳茵媺,陳豪表示已努力儲錢,表示男人多點錢,信心會多點,力量也會多點,還說:「我衝到出口了(意指向女友求婚)!」

網民:無綫唔知驚

部分網友對於無綫準備以「一人一票選視帝視后」有不少意見。

醉樂:「可能變咗鬥Fans多,但係搞都唔拘,睇吓再有無黑客都好。」
warren_a:「我覺得好啊!!!選視帝視后,唔使焗住 10分鐘投票……應該Work,但就可能變咗小圈子,因年輕人才玩!!」
Haviland:「話就話一人一票,其實就係鬥邊個Fans多鬥擦票。而家係選視帝視后,要睇演技,唔係睇邊個最受歡迎最多Fans。」
d04939052w:「無綫死得,咩都想搞一人一票,搞好啲網絡保安仲實際啦!」
UC-u120903:「余詠珊仲唔知死喎,搞咁多嘢出嚟,衰咗又唔出嚟孭飛。」

無綫又搞一人一票 網民踩台 祥仔要同陳豪 爭做民選視帝
《護花危情》、《怒火街頭2》及《大太監》都是今年台慶各獎項的大熱門。

Orignal From: 無綫又搞一人一票選視帝視后 黎耀祥同陳豪爭做民選視帝

無綫黃金檔兩劇齊穿崩 宋朝造王者隊港產名酒

無綫近年製作屢被爆抄橋,劇集則被爆不時穿崩,黃金時段的古裝劇《造王者》,前晚一集竟出現香港老字號的酒瓶,十分搞笑又離譜。《巴不得媽媽》則用度假村冒充醫院場景,本來沒問題,但偏偏卻穿崩出現度假村名字,馬上被眼利觀眾發現。

無綫自易主後,招惹不少是非,今年港姐首創一人一票選冠軍,觀眾有機會抽名車,可惜最後網頁系統癱瘓,有傳無綫搞server為慳30萬,結果爆全城。黃金檔期的兩劇《造王者》和《巴不得媽媽》又同時被踢爆粗製濫造,頻頻穿崩,不知是監製不力,還是又再慳皮。

無綫出名是是旦旦,《造王者》現代酒樽扮古代,《巴不得媽媽》又度假中心扮醫院,真係流到爆。電視圖片
【今日我至流】
無綫出名是是旦旦,《造王者》現代酒樽扮古代,《巴不得媽媽》又度假中心扮醫院,真係流到爆。電視圖片

《巴》劇中汪明荃(左)和黃淑儀在醫院爭拗,背景卻是度假村,仲大大隻字寫明(箭嘴示),認真失策。
《巴》劇中汪明荃(左)和黃淑儀在醫院爭拗,背景卻是度假村,仲大大隻字寫明(箭嘴示),認真失策。

醫院變度假村


梁材遠監製的《造》劇,明明背景是宋朝,可是黎諾懿前晚的飲酒戲卻離晒大譜,酒壺竟被發現寫上香港永利威,雖然它是有百年歷史的老字號,但宋朝時期肯定未有,不過卻離奇穿越時光,道具部認真靠害。

至於《巴》大前晚的一集,講述黃淑儀和汪明荃在醫院嗌交,可是鏡頭前卻出現度假村的名字,令人莫名其妙。前晚一幕,羅仲謙反駁媽咪汪明荃時,發現她有點不對勁,他說:「點止有啲,直情efg。」這句爛gag對白,把啲諧音d,串起efg,認真無聊,難怪有觀眾睇唔明。對於無綫兩劇連環爆穿崩,無綫外事部副總監曾醒明昨日在電話中回應:「我哋會將意見轉交劇組,提醒佢哋多啲關注。」

羅仲謙(右)的對白大搞爛gag,令觀眾爆頭。
羅仲謙(右)的對白大搞爛gag,令觀眾爆頭。

監察安全系統


另外,無綫安排重抽名車,還加碼多送一部,今晚便會有兩名幸運兒瓜分兩部合共97萬的Mini Cooper。吸取上次網站出問題的教訓,無綫由前晚8時起至今晚9時15分為止,讓觀眾在tvb.com、tvb fun網頁及手機app登記,答中問題即有機會抽獎,曾醒明說:「截至昨晚8時為止,合共累積咗逾70萬觀眾登記參加。今日都仲有觀眾打嚟查詢話入唔到,工程人員查過系統正常,只係某些寬頻供應商有問題,我哋建議觀眾用手機登記。」

曾醒明表示今晚會直播出爐港姐冠軍張名雅先於10時45分抽出第一部名車,其後亞軍黃心穎和季軍朱千雪則負責抽第二部名車,抽出得獎者後會即時致電通知。為防黑客入侵,曾醒明說:「我哋已安排專人監察安全系統。」

Orignal From: 無綫黃金檔兩劇齊穿崩 宋朝造王者隊港產名酒

張名雅黃心穎朱千雪專訪 張名雅:一人一票朱千雪會贏

今年香港小姐大玩噱頭一人一票選港姐,可惜決賽夜冧server被全城狂插淪市民笑柄,令40周年港姐競選留下污點。冠軍張名雅、亞軍黃心穎、季軍朱千雪坦言以為當晚司儀公布冧server是講笑。根據網民反應及坊間意見,認為若由市民投票,朱千雪會奪得后冠。張名雅亦承認如果一人一票,朱千雪很大機會贏。

黃心穎(左起)、張名雅及朱千雪沒有因是非而影響友誼,反而令她們更團結。
黃心穎(左起)、張名雅及朱千雪沒有因是非而影響友誼,反而令她們更團結。

張=張名雅 黃= 黃心穎 朱= 朱千雪

黃:近來都睇到報道因為冧Server事件質疑我哋三甲名次。

朱千雪(右起)、張名雅及黃心穎認為賽果已定,無必要重選。
朱千雪(右起)、張名雅及黃心穎認為賽果已定,無必要重選。
「民意冠軍」朱千雪認為張名雅奪冠是實至名歸。
「民意冠軍」朱千雪認為張名雅奪冠是實至名歸。

張:其實TVB一人一票選港姐係好創新,公司係有心去嘗試,可惜最後失敗咗,只可以講冇辦法,惟有接受專業評判揀出嚟嘅冠亞季軍。其實每年港姐冠軍都有人唔鍾意,自己有時都會唔開心,但係最驚係千雪同心穎介意唔開心!不過之後同佢哋傾過,知佢哋冇唔開心,咁先放心。講真,投票真係好難講,都有可能係千雪攞冠軍,或者係心穎都唔定。

張名雅(中)得知兩女沒有為名次感到不開心,喜極而泣。
張名雅(中)得知兩女沒有為名次感到不開心,喜極而泣。
黃心穎坦言以為司儀宣布冧server是講笑。
黃心穎坦言以為司儀宣布冧server是講笑。

黃:其實唔能夠一人一票係有啲遺憾,因為永遠都留低一個問號,但係都係一種遺憾美,希望下年可以做到一人一票。我聽到外間質疑我攞亞軍,但係自己唔會咁諗,因為覺得自己決賽表現幾好,工作人員評語都讚我。依家唔會再諗邊個係冠軍、亞軍、季軍,因為諗嚟都冇用,三個女仔各有長處,張名雅攞冠軍係佢應該得到嘅。

唔會瞓唔着


朱:雖然選出嚟係有冠亞季軍分別,但係我覺得我哋冠亞季軍好似三位一體,所以由頭到尾都冇好差嘅感覺,所以唔會話覺得唔公平同唔開心。自己入到三甲已經冇遺憾,自己做到最好,個電腦系統又唔係我哋整嘅,所以冇遺憾。

張:其實歷屆好多港姐三甲都有人會質疑,因為每個人都有自己嘅心水。當選之後自己微博一晚多咗五千fans,所以真係各有所好,自己都冇因為報道困擾瞓唔着。

朱:哈哈,我哋三個一定唔會瞓唔着,食得瞓得。

無必要重選


張:大家點睇重選?

黃:都見facebook有人發起投票,大家都好關心今年嘅港姐,但係我覺得唔使重選。

朱:唔使重選,港姐呢個旅程去到8月26日已經結束,結果係張名雅攞冠軍。雖然好多人話我有機會攞冠軍,但係唔需要去諗一啲如果,有市民同fans認同,自己當贏咗。

張:有咗結果,都冇必要再去提,每年港姐都有人鍾意唔鍾意係正常反應,有人網上投票話千雪係冠軍,或者心穎冠軍,都未必代表到全部人嘅意見。

黃:冇錯,就算嗰晚千雪攞冠軍,都可能一樣有人講。

朱:我覺得可能啲人係嬲系統唔work,唔係覺得張名雅唔值得攞。

團結抗批評


張:其實嗰晚志偉、叻哥宣布冧server,由評判決定三甲,我以為係講笑,你哋呢?

黃:我都以為佢哋講笑,你知佢哋一向好幽默,冇諗過會有呢啲嘢發生,當時贏咗湯洛雯入三甲係全晚最開心嘅一刻,所以都未諗得切其他嘢。

朱:我都以為係講笑。

張:入到三甲都未開心完,嗰一刻仲發緊夢,之後先知道咁大件事,觀眾回響咁大。

朱:如果我哋三個互選唔知邊個輸贏呢?

黃:我會揀名雅,事實上佢參選以嚟表現都好穩定,我同千雪只係當晚表現好,所以覺得賽果合理。

朱:如果自己投票一定投自己,但係名雅當晚表現係好好,攞冠軍係實至名歸。

張:其實當晚唔知自己表現係點,之後睇番錄影帶覺得表現係比平時好,可以話超水準。自己平時其實幾騰雞,答問題係有啲驚,但嗰晚表現係幾淡定。不過,坦白講如果一人一票去選,千雪係好大機會贏,因為千雪畀人感覺親切,有時鍾意就係鍾意,冇得解釋。

朱:其實有今次經歷,我哋三個嘅感情都深厚咗。

黃:絕對係!因為好多嘢只係我哋三個一齊經歷過,出面嘅人唔會知。外人會覺得個個女仔一定想攞冠軍,其實唔係,有呢個結果已經好開心!

朱:有咗結果,依家唔會再諗係咪我可以攞冠軍。入到三甲喺後台一刻好難忘,見到大家嘅眼神都好滿足,有名次已足夠。傳媒、社會話要重選嘅聲音,反而令到大家更團結,希望大家向前看。

與偶像合作


張:我哋已經入咗行,大家有乜目標?

黃:自己對娛樂圈有興趣,可以嘅話乜都想試。

朱:我嘅目標係……

黃:你係想見林峯!

朱:冇錯,哈哈。自己一路都冇目標,選美係希望可以搵到自己嘅目標,好想試吓拍劇同做司儀。自己鍾意寫嘢,好想同人分享自己嘅睇法,有機會想出書做作家。

黃:我都鍾意林峯,名雅就鍾意陳展鵬。

張:我鍾意睇佢做戲,可能我鍾意四眼同正經啲嘅男仔。

黃:我係因為聽林峯喺《天涯俠醫》唱嘅主題曲《心呼吸》開始鍾意佢,但係第日如果有機會合作都驚怕醜不停NG。

後記:友誼第一


今年港姐三甲充滿爭議,負面新聞浪接浪,不過造就了張名雅、黃心穎和朱千雪的友情歲月。張名雅坦言最擔心是黃心穎和朱千雪因報道而不開心,朱千雪有感而發:「佢問過我哋有冇唔開心,其實冠軍佢已經攞咗,佢可以唔理我哋感受,真係好多謝佢。」張名雅聞言即忍不住哭泣,朱千雪和黃心穎亦感動得眼濕濕。誰說選美只有是非而沒友誼?

攝:沈健程

服裝:Sinequanone 髮型:HAiR@Derek Cheung

場地:Three on Canton(港威酒店)

Orignal From: 張名雅黃心穎朱千雪專訪 張名雅:一人一票朱千雪會贏

有話兒:江美儀倒貼打工

訪問最緊要有問必答,直腸直肚的江美儀不止肯答,還肯爆料,由亞視跳槽到無綫,人望高處,打工仔當然望薪酬倍增,誰不知過去三年,江美儀都捱低薪,人工僅及亞視一半,幸得男友吳君祥倒貼。 撰文:比華利

無綫近年向亞視招兵買馬,花旦小生,甚至綠葉王統統有殺錯冇放過,江美儀也於09年過檔無綫,過去三年一劇接一劇,火速洗底變「無記女」。從弱台走到強台,以為收入倍增,江美儀卻爆料指現在人工僅及亞視一半,一切只是表面風光。

娛圈打滾已15年的江美儀見盡新人輩出,她慨嘆現今藝人難撈,她日前在中環接受專訪時說:「家唱片唔賣碟,電影唔好收,新人唔易做,人工奀支出大,好多新人唔係有屋企支持,真係唔知點捱落去。家入行真係搵唔到錢,我喺無綫嘅人工都唔及以前亞視一半。」

江美儀坦言過檔無綫後,演出機會多了,可惜人工僅及亞視一半。
江美儀坦言過檔無綫後,演出機會多了,可惜人工僅及亞視一半。

攝影:陳志嵐
髮型:Ivan Lee of Headquarters
化妝:Ivan Lee
場地:The Whiskey Priest(蘭桂坊)
服裝:Vivienne Tam

剛播完的無綫劇《怒火街頭2》中,扮律師的江美儀與鄧梓峰鬧離婚,非常入戲。劇照
剛播完的無綫劇《怒火街頭2》中,扮律師的江美儀與鄧梓峰鬧離婚,非常入戲。劇照

靠積蓄過活


江美儀過檔無綫人工竟少過亞視,她心直口快說:「我過嚟預咗人工低,決定咗做就冇得怨,睇錢真係唔好入嚟,我諗無綫人工高,要數只有佘詩曼同林峯。」江美儀當年選擇跳槽無綫,明白有得必有失,她說:「我想要一個咁嘅平台,畀到好角色我發揮。」江美儀慶幸工作多年有積蓄,有財力支撐在無綫圓夢,問到男友吳君祥可有倒貼?江美儀得戚說:「梗係有,唔係點解同佢拍拖。」

性格樂天知命的江美儀,對任何決定都無怨無悔,她說:「開心一日得一日,我就算都係一陣間,我喪食一餐,又或者打電話同助手呻吓,好快就冇事。同嬲會好易攰,人都快老啲,我希望輸出多啲正能量畀身邊人。」

江美儀初出道先踩模界,拍洗頭水廣告獲影帝周潤發替她洗頭。
江美儀初出道先踩模界,拍洗頭水廣告獲影帝周潤發替她洗頭。

恨螢幕斷背


過檔無綫,江美儀喜歡這大家庭,她說:「嚟咗呢邊競爭大,推動咗我嘅動力,我喺呢度從來唔同人爭,可能冇殺傷力,同事間相處好融洽。」江美儀入職後,接劇不計較戲份輕重,成功洗走亞視底,她說:「嚟得就唔想hea住做,不過近排幾部劇嘅角色都比較複雜,要我花較多精神去揣摩角色。」

眾多角色中,江美儀最恨演女同性戀者,想跟誰來個螢幕斷背?她說:「桂綸鎂啦,佢咁鬼靚。我諗電視尺度好難,希望有機會喺電影發揮。」會接受兩女親嘴嗎?江美儀抵死說:「男對手都咀過啦,有乜驚?咀嗰個係角色,唔係江美儀嘛,我又唔過電,因為我真係好鍾意男人。」

江美儀和吳君如胞弟吳君祥拍拖七年,仍沒計劃結婚,視愛犬如小孩般痛錫。
江美儀和吳君如胞弟吳君祥拍拖七年,仍沒計劃結婚,視愛犬如小孩般痛錫。

七年不癢


江美儀和吳君如胞弟吳君祥的名字黐實七年,情侶關係仍未突破為夫妻,本月中41歲的江美儀不急於做吳太,她說:「你叫我吳太,我唔會介意,但千祈咪叫我祥嫂,因為男友都唔認係祥哥。」

江美儀非常享受跟吳君祥的同居關係,不怕面臨七年之癢,她邊搽潤手霜邊抵死說:「唔痕,乾(指玉手)啫,名份嘅嘢,要咗都會變,男女相愛最緊要享受過程,彼此對一世係一門好大嘅學問。如果我有80歲命,人生都行咗一半,大家唔啱就唔可以勉強,人生冇時間可以浪費。」

童年時的江美儀精靈可愛,她早前在微博放了跟媽咪和妹妹的舊照。微博圖片
童年時的江美儀精靈可愛,她早前在微博放了跟媽咪和妹妹的舊照。微博圖片

姿整男友


吳君祥的優點缺點,江美儀照單全收,她說:「我畀佢80分,因為佢比我姿整同貪靚,成日慢吞吞要扣分,佢又經常chok爆,次次出街都要我等番佢半粒鐘先出得門口。」江美儀已很包容男友,但論EQ她仍甘拜下風,江美儀說:「佢真係好好脾氣,我哋相處好少嗌交,都點到即止,嗌交好傷感情。」

Orignal From: 有話兒:江美儀倒貼打工

張智霖豪擲350萬買「玩具」

張智霖(Chilam)買車猶如買玩具,近日又眼都唔眨豪擲350萬買超級跑車。只見Chilam拍完《衝上雲霄II》收工取車時,把貴到癲的新「Toy」平治SLS AMG周街泊,難怪連同劇的視后胡杏兒也眼紅說:「嘩!架車好型呀!」

對於買新「Toy」一事,Chilam三緘其口,並笑說:「唔講呢啲喇!」問是否生日禮物?他說:「有人送畀我就好,你估人哋傻嘅!」被問是否獎勵自己?他又一笑帶過說:「買好耐喇,唔講呢啲!」

《衝上雲霄II》張智霖的「新玩具」連視后胡杏兒都非常羨慕。
張智霖的「新玩具」連視后胡杏兒都非常羨慕。
《衝上雲霄II》張智霖豪請工作人員食宵夜。
張智霖豪請工作人員食宵夜。
張智霖與胡杏兒為新劇《衝上雲霄II》趕工,任得「靚跑」周街泊。
張智霖與胡杏兒為新劇趕工,任得「靚跑」周街泊。

Orignal From: 張智霖豪擲350萬買「玩具」