2012年6月29日星期五

黃翠如變節豁出去

變節並非Laughing Gor專利,嬌滴滴的女兒身看似冇殺傷力,玩變節隨時勁過Laughing Gor。黃翠如就是好例子,從有線過檔世仇無綫前,竟拋波給舊東家替她決定應否過檔死敵,如此機關算盡,莫非翠如早已熟讀變節心理學?

橫看豎看,翠如都弱不禁風,絕不似是變節之人,她加盟有線9年,有時真想她會呆在有線一世。未為新東家拍劇,翠如已活生生上演了一幕《翠如2012之變節》,到底為何不做鎮台之寶,走向敵方做二打六炮兵?真的令人費解也!她說:「哈哈!我真係變節呀,由娘家有線嫁去夫家無綫囉!」簡潔的幾句,沒有任何矯飾,英雌也!

四方財路

其實翠如拍完有線一個旅遊特輯後,頓覺跌入五里霧中,人世間的不平等令她反思人生的種種,不願去想,也不願去做,更不願去理,改變才是唯一的出路,她說:「之前我喺Cable(有線)拍咗一年孭背囊節目,去過好多窮地方,拍完後好迷惘,仲試過因為抑鬱去睇醫生!我知道要重組人生,係時候停一停,做完呢個Project,我就休息咗半年。」半年後,翠如發現紅簿仔連錢都有麻煩,雖說思考人生重要,但有米落肚似乎更重要,坐食山崩真的說不過:「嗰時真係窮到燶,如果再唔工作真係連我都遺棄自己,係時候返回現實。咁啱有線、無綫、now同王維基都有搵我,但我好想試吓拍劇,會唔會去TVB同王維基比較好?」

翠如絞盡腦汁,認為變節事在必行,既然有選擇障礙症,倒不如由舊東家決定,她說:「我同Cable關係好好,所以問佢哋應該點揀,佢哋知我想拍劇,有高層同我講應該揀無綫,其實我都係咁諗,心思思想試吓TVB威力有幾大!」她續說:「Cable首肯,點傾都得,當時有前輩介紹我畀樂小姐(樂易玲),我話想拍劇,佢一口就答應,咁我就簽咗TVB!」

甘做綠葉

問題來了,翠如由一個開國功臣,變成敵國之兵,世間豈有今非昨是、每況愈下之理,但翠如不以為然,變節只想改變一下自己而已:「真係好想睇吓自己去到乜嘢影響力,喺無綫即使係二打六,隨時都好多人識,做一個有人識嘅綠葉都幾好。我初到貴境,呢度任何一個演員都有經驗過我,冇諗過去到邊個位置,我諗自己唔會做花旦喇,做花旦冇晒自己嘅生活,做綠葉幾好,壓力冇咁大,又可以坐享收成!」

後記:穩中求「變」

有時難聽是變節,好聽就是變通,做人千萬不要死板。我們去了一間餐廳歎茶,那裏甚麼餐都有,就是沒有翠如想吃的菠蘿油。小記說:「去第二間吧!」她說:「求其啦!唔想走來走去!」就如在有線冇劇拍一樣,結果她選擇走,倒是反常!

黃翠如
黃翠如獲舊東家有線支持拍劇,加強轉投無綫的決心!

黃翠如
對人生多了體會的黃翠如,毅然放棄做鎮台之寶。

黃翠如
黃翠如為旅遊特輯走訪世界各地,更一嘗泥漿浴的滋味!(資料圖片)

黃翠如(左起)與李思欣、莊思敏、羽翹及陳僖儀合作無綫節目,她並不介意「靠邊站」。(資料圖片)
黃翠如(左起)與李思欣、莊思敏、羽翹及陳僖儀合作無綫節目,她並不介意「靠邊站」。(資料圖片)

黃翠如

變出錢途

變節又豈只翠如一個,過往有很多藝人曾變節,即使穿梭幾個電視台,都一樣游刃有餘!

陳啟泰 TVB > ATV
陳啟泰在1990年經朋友介紹進入無綫,當主持並演出劇集,可惜發展平平。直到1998年約滿後決定過檔亞視,最後憑遊戲節目《百萬富翁》打響名堂。

田蕊妮 ATV > TVB
田蕊妮於1993年參加亞視舉辦的《未來偶像爭霸戰》而加入亞視,在劇集《縱橫四海》有突出表現,其後於2006年底轉投無綫,演出多套電視劇,並參與主持節目工作。

張可頤 TVB > CTI
張可頤於1994年參選港姐,2003年憑劇集《九五至尊》獲得「本年度我最喜愛的女主角」,今年她與無綫約滿後轉投王維基旗下的城市電訊,並成為「一姐」,與無綫結束近廿年的賓主關係。

Orignal From: 黃翠如變節豁出去

林曉峰重返無綫戒多口

陳志雲入咗商台做 CEO之後進行清洗行動,搵老友蘇施黃喺下個月主持新節目《大玩派》,接替林曉峰(阿 Lo)同車婉婉嘅《巴巴閉 Afternoon D》。雖然阿 Lo俾商台炒魷,但早年俾阿 Lo鬧爆嘅無綫,最近竟然搵阿 Lo重返娘家,真係塞翁失馬,焉知非福。

噚日阿 Lo同馮仁昭承認重返無綫,佢話:「好開心,其實呢個幾月蘊釀緊,不過自己冇講出嚟。」講到阿 Lo喺07年離開無綫之後曾經多次鬧爆 TVB,例如寸當年無綫總經理陳志雲搶藝員飯碗,又鬧過無綫裁員,對此阿 Lo話:「證明呢個世界係圓嘅,以前講過嘅嘢冇得收番,自己嗰陣係仔,好多嘢講到收唔到口,以後我會乖㗎啦,要安份守己,因為我要養家,屋企有三件,兩個仔同我太太(康子妮)!」

陳志雲(右)過檔商台後向林曉峰派大信封。 資料圖片
陳志雲(右)過檔商台後向林曉峰派大信封。 資料圖片

林曉峰話要養妻活兒,今後會盡力做好無綫嘅工作。 資料圖片
林曉峰話要養妻活兒,今後會盡力做好無綫嘅工作。 資料圖片

車婉婉同林曉峰噚日最後一日喺商台主持節目,婉婉話依依不捨。 微博圖片
車婉婉同林曉峰噚日最後一日喺商台主持節目,婉婉話依依不捨。 微博圖片

拍崔建邦做主持


阿 Lo今次同無綫再簽藝員約,主要係做綜藝節目,下個月佢會先同崔建邦做《翡翠歌星紅白鬥》司儀,之後再同許亦妮、金剛同蕭正楠等主持新節目《玩轉三周半》,馮仁昭聽落都覺得發展唔錯。阿 Lo噚日最後一日同車婉婉主持商台節目,婉婉仲將自己同阿 Lo嘅合照放上微博,話好唔捨得。

Orignal From: 林曉峰重返無綫戒多口

謝天華胡杏兒鄭嘉穎入圍《第7屆首爾電視節》

胡杏兒兩劇出擊等起孖

謝天華、胡杏兒、鄭嘉穎主演的三齣無綫劇,入圍《第7屆首爾電視節》,將與日本、韓國、台灣、美國、菲律賓等其他電視劇爭奪獎項,有望替經常被網友譏為「師奶劇」的無綫劇集一吐烏氣。

由謝天華主演的《潛行狙擊》、胡杏兒初登視后的《萬凰之王》,以及鄭嘉穎再登視帝的《怒火街頭》,入選由韓國廣播協會主辦,KBS、MBC及SBS等韓國電視台合辦,並將於8月30日在韓國舉行的《第7屆首爾電視節》。其中鄭嘉穎參演的內地劇《步步驚心》亦告入選,將與人氣韓劇如《屋塔房的王世子》及《月亮擁抱太陽》等,及來自中、台、日、美國及菲律賓等全球合共200多部作品,於短篇、長篇及韓流電視劇等組別中競逐獎項。

胡杏兒希望與韓國的fans會面,但又坦言對奪獎不敢期望過高。(資料圖片)
胡杏兒希望與韓國的fans會面,但又坦言對奪獎不敢期望過高。(資料圖片)


鄭嘉穎主演的《怒火街頭》及內地劇《步步驚心》入圍電視節爭獎。
鄭嘉穎主演的《怒火街頭》及內地劇《步步驚心》入圍電視節爭獎。

謝天華驚喜

謝天華得悉《潛》劇入圍,他說:「我未收到通知,冇諗過會入圍,好意外同驚喜,當然開心,打算去食韓國菜慶祝。入圍證明咗香港劇集有吸引力,語言唔係大問題,最緊要有質素。」

視后胡杏兒則因主演《萬》及《怒》而叫「雙飛」,隨時繼去年佘詩曼後,再在同一頒獎禮中榮獲香港地區人氣獎,她說:「有兩個劇叫兩飛,機會高啲,希望攞到獎,但唔敢期望過高,怕失望。我都想去首爾行番轉,好耐冇去韓國,想見吓韓國fans。過兩日我去北京出席華鼎獎,角逐女主角獎,信心OK,對手好強!」

Orignal From: 謝天華胡杏兒鄭嘉穎入圍《第7屆首爾電視節》

有話兒:陳茵媺低調談情

陳茵媺( Aimee)與陳豪的戀情浮面後,二人嘴巴上都說不想太公開談論對方,但卻常不自覺提起,單看一些小事,即可看出 Aimee心繫男友,就像她談到自己性格正面時,也會不期然提到陳豪:「我腦入面有好多啦啦隊打氣,就好似《心戰》阿 Mo(陳豪)咁,不過我分裂出嚟都係好人。」 Aimee確實掛男友掛到出面。

撰文:文國駿

陳茵媺的臉上常掛着甜到漏的笑容,蜜運中的女人,果然有樣睇!提到與陳豪拍拖近一年, Aimee坦言仍感受到無形的壓力:「我到家都會有壓力,我一向工作上都好努力、好盡力,唔希望外界嘅人同傳媒朋友注意呢樣嘢多過我嘅工作。」她謂身為藝人,本身已像一本攤開的書,但總希望留下最後的一頁作為私人空間,不被揭開, Aimee說:「我知道傳媒朋友要問乜我都會盡量配合,但我會留番一頁嘅私人空間好好珍惜,自己都盡量喺兩者之間拎一個平衡,不過要慢慢嚟,我仲要學習。」

06年當選港姐冠軍的陳茵媺不急於結婚,但同屆的亞軍周家蔚(左)、季軍呂慧儀(右)已嫁作人妻。資料圖片
06年當選港姐冠軍的陳茵媺不急於結婚,但同屆的亞軍周家蔚(左)、季軍呂慧儀(右)已嫁作人妻。資料圖片

陳茵媺稱與陳豪拍拖不會避忌,二人今年4月曾被本報拍得在赤柱逛街。資料圖片
陳茵媺稱與陳豪拍拖不會避忌,二人今年4月曾被本報拍得在赤柱逛街。資料圖片

陳茵媺坦言拍《心戰》時,跟本不知陳豪是誰。劇照
陳茵媺坦言拍《心戰》時,跟本不知陳豪是誰。劇照

陳茵媺與陳豪情侶檔搵銀,份外風騷。資料圖片
陳茵媺與陳豪情侶檔搵銀,份外風騷。資料圖片

志趣相投易相處


當初與陳豪發展時,有否因他是公認的筍盤,怕壓力大而卻步? Aimee表示:「咁又冇喎,識朋友點會諗咁多,哈哈, I feel bad to say that,但係我拍《心戰》時,真係唔係好知佢係邊個,之前真係唔熟,亦都冇乜睇佢拍嘅劇,我中文唔好嘛!」講到二人的相處, Aimee又甜笑不停說:「我哋相處好舒服,興趣同想法都差唔多,大家又會好似好朋友咁傾偈。」她稱即使一起出街亦不會特別避忌,只是恰巧記者拍不到:「咁我哋都會低調啲嘅,不過就冇專登去避,好似普通人咁出街咋嘛。」至於拍拖通常有何節目? Aimee笑言:「梗係唔話得你知,如果唔係咪仲多人跟,總之開心啦!」
31歲的 Aimee與41歲的陳豪年紀相差十年,亦已達適婚之齡, Aimee坦言家長冇催婚:「我哋其實都係一年,唔使咁快。而且兩方面都好開通,亦冇畀壓力我哋,開心就得,慢慢嚟啦!大家家都 enjoy life,而且想事業上更上一層樓先!」

蜜運中的陳茵媺,常掛着甜到漏的笑容。攝影:陳順禎
蜜運中的陳茵媺,常掛着甜到漏的笑容。攝影:陳順禎

中文進步不少的陳茵媺,珍惜每個演出機會。
中文進步不少的陳茵媺,珍惜每個演出機會。

棄高薪厚職選美


提到工作,已入行四年多的 Aimee表示越來越喜歡拍劇:「好開心呢幾年公司畀咗好多機會我,我覺得自己進步可以再快少少。」問到不諳中文的她剛拍劇時有何困難?她說:「梗係有啦,淨係劇本對白都搞咗好耐,不過好彩我都算正面,每次都希望做得比上一次好。我腦入面有好多啦啦隊打氣,就好似《心戰》阿 Mo咁,不過我分裂出嚟都係好人。」

其實 Aimee以前於多倫多任職設計師,高薪厚職令不少人羨慕,何解放下穩定收入及生活而參選港姐? Aimee表示:「我細細個都有睇港姐,都想去試,嗰時返嚟參加嘅心態係學嘢,希望再大膽啲,因為做設計師都要同客戶好好表達自己嘅作品,當時真係冇諗過會贏!」她又笑言正在學普通話,希望不久將來可到內地拍劇搵真銀。

Orignal From: 有話兒:陳茵媺低調談情

樂易玲53歲生日派對

【on.cc 東方互動 專訊】 七月一日便53歲生日的樂易玲,原本想於六月三十日才舉行生日派對,但因撞正無綫廣告頒獎禮故提早在今晚舉行,身穿火紅低胸晚裝的樂易玲,在派對舉行前半小時抵達,問可有請陳山聰?她說:「唔好玩佢啦,我都唔係請好多藝人。」

雖然颱風迫近,但一班藝人高海寧、鍾嘉欣、敖嘉年、鄒世龍夫婦、朱晨麗、陳展鵬、張慧雯、呂慧儀、胡定欣、曾志偉、苗僑偉夫婦、錢國偉等空群而出,嚴重骨裂的葉翠翠撐著拐扙都要來,而吳雨亦有到場。

樂易玲以火紅低胸晚裝赴會。
樂易玲以火紅低胸晚裝赴會。
葉翠翠撐著拐扙出席。
葉翠翠撐著拐扙出席。

Orignal From: 樂易玲53歲生日派對

吳卓羲微博公開幸福宣言 承認同張馨予拍拖

吳卓羲公開幸福宣言
[23:36] 2012/06/29

【on.cc 東方互動 專訊】 電視台上位小生吳卓羲,最近被爆與內地女友、性感女星張馨予分手。吳卓羲晚上微博公開幸福宣言力挽:「對於我的感情事,我只可以講我倆現時很開心幸福沒有什麼改變!」首度網上剖白感情事。


Ron吳卓羲:謝謝大家關心,所以不想你們糊亂猜測一些新聞,對於我的感情事,我只可以講我倆現時很開心幸福沒有什麼改變,拍拖是很普通的事情,希望大家支持和明白,這次說完之後我對於這些感情事不會多講,謝謝

Orignal From: 吳卓羲微博公開幸福宣言 承認同張馨予拍拖

喬寶寶 別了香港家

忽然1周 第883期

星悅居


喬寶寶 別了香港家


2012年06月29日

參加《殘酷一叮》入行的喬寶寶,憑藉誇張、騎呢,在無綫殺出血路。 35歲才當藝人,這條路看似很難行。
難行,也要養家。家有嬌妻兩個兒子的喬寶寶,多年來除了不接色情片之外,其餘乜都做,令他成為 3間餐廳及製作公司的老闆,家人可以安樂無憂。
去年他毅然賣掉香港物業,轉移所有資產俾老婆及兩子到蘇格蘭定居,現時他孤伶伶在佐敦道租住六百呎屋,並打算退出幕前,短期內會搬埋過去敍天倫,攞戶籍做個真正英國人。面對如此斗室,雖然沒有豪裝和貴價家具,不過對於喬寶寶來說,這個在港的最後一個家,肯定一世懷念。

幾乎每個印度人都喜歡在家煮「自家招牌咖喱」,喬寶寶亦不例外,廚房除了有各式各樣的咖喱香料外,最多竟然是雞蛋
幾乎每個印度人都喜歡在家煮「自家招牌咖喱」,喬寶寶亦不例外,廚房除了有各式各樣的咖喱香料外,最多竟然是雞蛋,「平時夜收工,煎蛋煮麵最方便。」

喬寶寶在電視劇《衝呀!瘦薪兵團》升呢做男主角陳展鵬好友,算是幕前較多戲份的一次,但如無意外,這亦是他最後一次在香港電視劇的演出。
喬寶寶在電視劇《衝呀!瘦薪兵團》升呢做男主角陳展鵬好友,算是幕前較多戲份的一次,但如無意外,這亦是他最後一次在香港電視劇的演出。

印度人在香港,不少都受到白眼。喬寶寶紮根在香港 42年,話冇受過歧視就嘥氣。當了 16年懲教署二級懲教助理,因為他是南亞裔,所以毫無晉升機會,「愈做愈灰,好似原地踏步一樣,唔轉行就即係逼自己入死胡同。」寶寶說。

密做三年即置業


05年他把心一橫參加《殘酷一叮》,將胸毛剃成「 TVB」三字,既擦鞋又大膽,雖然最終還是輸了,卻得到藝員合約一份。以「襟撈」見稱的寶寶,一直密密登台、拍廣告,試過一日走七場騷,先發現錢原來咁易賺,相比做懲教署時賺每月兩萬幾,簡直蚊髀同牛髀。入行首年已經唔覺唔覺賺了第一桶金,三年後已可在香港置業,目前他更是餐廳「千福大少」兩間店及製作公司的股東,財力十足。「係要多謝黑妹姐李麗霞關照,佢毫無條件帶挈我呢個契細佬,跟住有咩就預埋我,開餐廳、開製作公司又搵我,入行咁耐啲登台都係全部靠佢。」

喬寶寶全家的「值錢嘢」都被老婆一夜之間帶走了,他笑言會攬住金飯碗擺設、銀紙夾和 TV Buddy公仔來過世。
喬寶寶全家的「值錢嘢」都被老婆一夜之間帶走了,他笑言會攬住金飯碗擺設、銀紙夾和 TV Buddy公仔來過世。

喬寶寶全家的「值錢嘢」都被老婆一夜之間帶走了,他笑言會攬住金飯碗擺設、銀紙夾和 TV Buddy公仔來過世。

喬寶寶
客廳非常簡單,只靠一個大組合櫃放置電視、電腦、打印機、 DVD機、卡拉 OK等所有電器,「唔想擺咁多嘢,方便第時走佬快啲!」

喬寶寶 19歲結婚, 20歲第一次做爸爸,誕下大仔喬本龍。家庭觀念好重的他,在妻子不在家的日子,惟有靠客廳櫃內的家庭照以解相思之苦。
喬寶寶 19歲結婚, 20歲第一次做爸爸,誕下大仔喬本龍。家庭觀念好重的他,在妻子不在家的日子,惟有靠客廳櫃內的家庭照以解相思之苦。

喬寶寶二百呎的客廳光猛整潔,面積雖小,但設備齊全。餐枱更用收納式設計,當櫈坐又可當櫃桶,相當慳位。
二百呎的客廳光猛整潔,面積雖小,但設備齊全。餐枱更用收納式設計,當櫈坐又可當櫃桶,相當慳位。

喬寶寶

03年正值沙士期間,喬寶寶與愛妻再造人成功,誕下幼子喬寶貝(左),喬寶寶說:「嗰年生仔保證有牀位嘛!」
03年正值沙士期間,喬寶寶與愛妻再造人成功,誕下幼子喬寶貝(左),喬寶寶說:「嗰年生仔保證有牀位嘛!」

喬寶寶表面對長子好嚴,但內心卻十分疼這名兒子。這天喬本龍(左)放暑假返港探爸爸,寶寶多次忍唔住對記者大讚兒子。
喬寶寶表面對長子好嚴,但內心卻十分疼這名兒子。這天喬本龍(左)放暑假返港探爸爸,寶寶多次忍唔住對記者大讚兒子。「好彩佢生性,咁耐以來都冇咩大鑊嘢俾我。」

喬寶寶最愛在廚房邊唱歌邊煮咖喱,所以廚櫃專登選用彩藍色,「 Sharp啲,人都開心啲嘛!」
喬寶寶最愛在廚房邊唱歌邊煮咖喱,所以廚櫃專登選用彩藍色,「 Sharp啲,人都開心啲嘛!」

單身寡佬的家,總離不開即食食物及啤酒,喬寶寶有時更會吃剩一半放番入雪櫃。
單身寡佬的家,總離不開即食食物及啤酒,喬寶寶有時更會吃剩一半放番入雪櫃。「有時做嘢好攰都唔想煮,好一餐唔好一餐啫!至於啤酒一定要存貨,因為老婆唔俾喺屋企飲酒,依家佢唔住呢度,仲唔作反咩!」

喬寶寶透過友人認識黑妹李麗霞(左下),得對方帶挈登台賺快錢,而李亦有幫其他藝人如朱咪咪、黎耀祥等安排登台。
喬寶寶透過友人認識黑妹李麗霞(左下),得對方帶挈登台賺快錢,而李亦有幫其他藝人如朱咪咪、黎耀祥等安排登台。

密食當三番


在新劇《衝呀!瘦薪兵團》中,喬寶寶首次升呢擔重戲份,奈何角色和戲份不斷攀升之際,他就急流勇退,打算到蘇格蘭定居。
回顧他入行的七年,不時走埠登台、拍廣告搵真銀。粗略估計,他平均月賺 80萬,是個隱形富豪。

登台:平均每月唱 5場(騷價約 3萬)約$15萬
晚宴司儀:平均每月 5場(騷價約 2萬 5)約$12.5萬
生意:兩間食肆及製作公司約 25萬
月賺共 52.5萬

移民為對仔


錢是賺到了,喬寶寶卻全部奉獻給嬌妻「喬嫂嫂」。喬家有兩個金叵羅, 20歲長子喬本龍今年在蘇格蘭讀大學三年級主修經濟,已計劃明年多讀兩年碩士課程;而 9歲幼子喬寶貝則先天患有脊椎神經問題致行動不便,需長期做物理治療,兼有過度活躍症。為了長子的教育及幼子的成長,去年他賣掉香港物業,把資產一併移至蘇格蘭。
香港只剩他孤伶伶一支公,現時喬寶寶在佐敦道寶輝閣租住一個 602呎的中層單位,面積雖小但骨子,沒多餘擺設,令本身狹窄的客廳顯得寬敞。「得一個人,咁大都冇用,反正啲嘢都搬晒過去蘇格蘭,過多一年我都會走,過去坐番幾年移民監,攞埋個英國戶籍。舊年我同個妹合資開咗間印度餐廳,生意都唔錯,到時先決定返唔返香港。住佐敦係因為情意結,由細到大都住呢區,鍾意行廟街,食蝦餃、燒賣係我至愛,呢份感情好深厚。」
這份情除了紮根 42年的人情味,還有工作 7年的 TVB。「入 TVB俾我識到好多好朋友,佢哋好重情義,同我哋啲印度人好相似。」事實上,寶寶家多處放有 TV Buddy及在無綫玩遊戲節目贏得的禮物,提醒自己做個不忘本的人。

因為已融入了香港味道,喬寶寶的家並沒有印度 feel,反而衣櫃的衣服卻滿載着鄉土風情。
因為已融入了香港味道,喬寶寶的家並沒有印度 feel,反而衣櫃的衣服卻滿載着鄉土風情。「印度人好着重禮節,每逢大時大節或要見啲長輩,一定要成身印度裝束,戴帽係禮貌嘅一種。」

因為已融入了香港味道,喬寶寶的家並沒有印度 feel,反而衣櫃的衣服卻滿載着鄉土風情。

因為已融入了香港味道,喬寶寶的家並沒有印度 feel,反而衣櫃的衣服卻滿載着鄉土風情。
喬寶寶不算鞋癡,家裏放在一角的十幾對鞋是基本需要,「男人老狗嘛,收埋咁多對鞋做乜鬼!」

因為已融入了香港味道,喬寶寶的家並沒有印度 feel,反而衣櫃的衣服卻滿載着鄉土風情。
平面圖

蘇格蘭住萬呎屋


去年喬寶寶賣掉香港的物業套現,把資產移師蘇格蘭,他僅以接近 300萬港元,就可以在當地購置近萬呎獨立屋。附近空氣環境好,對幼子的成長相信有幫助,他說新居的所有大小事宜全由老婆負責,「淨係裝修都用咗買樓價錢嘅一半,女人真厲害!」

喬寶寶位於蘇格蘭格拉斯哥的家,附近聚集他不少同鄉特別親切,而近萬呎的獨立屋,設有 6間房間,只有四口子的喬家,絕對夠住。
喬寶寶位於蘇格蘭格拉斯哥的家,附近聚集他不少同鄉特別親切,而近萬呎的獨立屋,設有 6間房間,只有四口子的喬家,絕對夠住。

喬寶寶
廚房
單是廚房,已比他現居的房間闊落。

喬寶寶
客廳
酷愛表演的喬寶寶,在大屋客廳內加設了射燈,閒時在家唱唱歌,如登台一樣。

採訪、撰文:石子青
攝影:潘啟德
協力:張寶洋
錄像:湯文峯

Orignal From: 喬寶寶 別了香港家