今年「視后」之爭甚具可觀性，其中以首次飾演奸角的胡杏兒及憑機智警花提名的陳法拉戰況最為激烈，不過二人同時認為得獎實在要靠「天時、地利、人和」。法拉就自言對獎項持平常心態度，不會過於緊張，她說：「如果真係拎到，係人哋對你嘅肯定，不過就算冇獎都唔係一種否定，所以我都唔會畀壓力自己。」
陳法拉對獎項不太緊張，故頒獎禮前夕也沒有壓力。
唔畀壓力自己
至於杏兒個勢就似乎較其他競爭對手為好，杏兒說：「喺馬來西亞拎咗獎開心咗先，我唔會畀咁大壓力自己。（兩獎兼得？）希望啦！其實我係唔想辜負fans同埋屋企人嘅期望。」同時她又謙虛的把自己得獎及成為大熱的原因歸功於「運氣」， 她謂：「其實我今年係好運囉，三套劇個角色都好唔同，可以令觀眾留下深刻嘅印象，呢個係運嚟嘅！」
杏兒為後日的台慶頒獎禮裝身，試穿性感晚裝。
鍾嘉欣的Miss Koo造型很受落。
杏兒先拔頭籌在馬來西亞封后。
談到競爭對手，從客 觀票選中不免成為「勁敵」的杏兒及法拉亦互笠高帽，稍稍為前哨戰降溫。杏兒大讚法拉是個有天分的演員，她笑說：「法拉其實好快就做到女主角，女主角唔易做，但我都見佢handle得好好，希望我哋百花齊放啦！」而法拉亦大讚杏兒聰明：「我一直都覺得杏兒好努力，之前同佢合作過，我都好欣賞佢。」
試戰衣暴瘦離罩
此外，杏兒昨為頒獎禮試裝，找來之前出席威尼斯影展時為她設計晚裝的設計師Kev Yiu度身訂造戰衣，可能壓力大暴瘦五磅而出現離罩情況，尤幸不失美感，杏兒分別試了露背及lace晚裝。有見杏兒台慶當晚是Deep V上陣，問頒獎禮當晚可會「爆」性感？杏兒說：「件衫仲造緊，工程好大，但唔會太性感，（蝕底？）未必嘅，最緊要靚！今次都諗咗以黑色為主，希望畀到大家驚喜，（畀男友黃宗澤過目？）我都未過目，大家未襯過！」
徐子珊轉攻喜愛角色獎
今年有五套劇集推出的徐子珊，憑《潛行狙擊》「姚可可」一角有機問鼎今屆台慶視后，自言拿視后實屬言之尚早，寄望他日有幸遇上演藝生涯代表作時才封后，滿足感定必大得多，雖然如此，但子珊亦感激該角色為她帶來可觀收入，令其可以過肥年。
子珊認為攞獎是錦上添花，獲觀眾認同才最重要。
談到心水視后，子珊可謂瞓身撐老友胡杏兒，認為對方多年來均很努力，演技亦進步不少，又大讚她於新劇《萬凰之王》表現出眾，希望對方能獲大眾認同。為免與老友「爭獎」，子珊決定轉攻《我最喜愛的女角色》獎，她笑謂：「視后入5強已經好好，冇諗太多，反而喜愛角色信心大啲，因為《潛》劇個角色已經延續到電影版度，證明觀眾有一定程度喜愛，咁就可以吸引大家去睇我部電影，個獎攞到咪錦上添花，冇咪繼續努力囉!」子珊表示觀眾認同最為重要，更指《潛》劇及《法證先鋒Ⅲ》角色令其增加不少粉絲，每逢活動她們均穿上會衫支持。
攝影：吳文聰
服裝：BCBGMAXAZRIA
髮型：Maggie @ Kim Robinson
視后三強
鍾嘉欣
《點解阿Sir係阿Sir》
網上得票率：13%
短評：冷酷miss，哭震全城。
陳法拉
《潛行狙擊》
網上得票率：24%
短評：人氣警花，一死換獎。
胡杏兒
《萬凰之王》
網上得票率：28%
短評：奸到出汁，叫胡之作。
TVB網站得票率，截至1/12
Orignal From: 陳法拉勁敵當前平常心 徐子珊轉攻喜愛角色獎
沒有留言:
發佈留言