早前逝世的王偉與70年代模特兒妻子何夢娜育有兩子一女，女兒王從希03年參選香港小姐後曾加入娛樂圈，記者昨致電從希，她表示心情當然難過，但已收拾心情，談到爸爸的遺願，她說：「因爸爸走得突然，所以冇講低啲乜嘢，但之前佢一直講，如果佢唔喺度，要我哋幫手弘揚佛法，因為佢係虔誠佛教徒。其實爸爸最唔捨得媽咪，仲有我哋班子女，托賴佢走得好安詳，雖然係胃癌，但一路都唔使打止痛針。」
1941-2011 在娛樂圈打滾近40年的王偉十分低調，臨終仍吩咐家人低調處理其後事。
王從希最疼愛爸爸，爸爸離世令她十分傷心。 資料圖片
王偉當年與愛妻何夢娜盛裝出席宴會。 資料圖片
臨終未催婚
問到王從希有否想過結婚了卻爸爸心願，她說：「結婚係人生大事，爸爸咁錫我，如果我倉卒結婚，佢會更加擔心，所以我從冇咁諗過。」從希男友無綫藝員王維德昨日在將軍澳電視廣播城為《歡樂滿東華》綵排時透露，王偉喪禮只有最親密的朋友出席，儀式完畢後隨即將遺體火化。
王維德與王從希拍拖多年，但王偉一直未有催婚。
謝賢和王偉在粵語片時代曾多次合作，與世姪女王從希亦有聯絡。
胡楓嘆可惜
王偉02年替無綫拍罷《點指賊賊賊捉賊》後退休在加拿大生活，與娛樂圈中人甚少來往。在粵語片時代曾與王偉合作過的四哥謝賢，坦言王偉當年雖是光藝的新人，但自己對他沒有太大印象，且幾十年來沒聯絡，他只知王偉死前因病受過兩年苦，問到是否感到可惜，向來豁達的四哥說：「有乜可惜吖，人生必然之路，好快我都就走啦！」胡楓則表示看報才得知王偉死訊：「雖然粵語片年代我哋唔同公司，比較少合作，亦都好耐冇聯絡，但畢竟相識幾十年，佢離開係可惜。」
劉松仁昨日在電視城為新劇排舞，對於王偉死訊他表現愕然，他反問記者是幾時的事，還說：「我哋好耐冇見，以前喺亞視同佢合作過，我會打俾佢屋企人了解。」
王偉仍是影壇新人時，周驄南紅等已是星級人物。
Orignal From: 受癌魔折磨兩年安詳離世 王偉囑愛女弘揚佛法
沒有留言:
發佈留言