益咗你
大肚千嬅推戲 攝石何韻詩賤價咀 Bosco
2011年12月07日
仲有個多月就到龍年，又係賀歲片曾志偉大戰黄百鳴時候，今年黄百鳴的《八星抱喜》晨早拍完，反而曾志偉套《2012喜上加喜》最近先開拍，計準備似乎志偉先輸頭陣。
最慘係《喜》片一直想搵楊千嬅擔正，不過37歲丁太有餡大過天，為養「龍」胎全面停工，推戲養胎才是王道。
眾目睽睽下何詩要主動咀黄宗澤，開頭何詩完全投入唔到，淨係識尷尬笑！
大肚千嬅禁足安胎，死敵何韻詩迅速主動執個歲晚煎堆，從未於電影擔正做女主角的何詩，為求有得拍入屋賀歲片，有傳她不惜賤價撈，不過《喜》片話晒係邵氏出品，呢頭付出咗，年尾頒獎禮例牌有回報，數口精何詩都好少計錯嘅！
一年一度賀歲片之爭，除黄百鳴監製的紅星大堆頭系列外，便數到由曾志偉監製嘅邵氏賀歲片。志偉今年再度添食開拍《2012喜上加喜》，原本打算搵楊千嬅孭飛，不過千嬅突然有喜要停工，好在仲有個何韻詩幾平都肯拍。
冇錢你都拍啦！設計對白
剛完成演唱會的楊千嬅，最近終於成功造B，為保「龍」胎，千嬅不惜推戲，可惜益咗死敵何韻詩。
易入屋博獎
上週五（2日）喺旺角行人專用區，發現身穿軍綠色外套嘅何韻詩與紅色冷衫嘅黃宗澤（Bosco），喺街上趕拍《2012喜上加喜》，期間過百途人圍觀下，何詩要主動搶咀Bosco，可能何詩甚少咀男仔，眾目睽睽下，結果兩人要NG 3次先拍完呢場接吻戲。
攝石何韻詩唔介意執死敵千嬅二攤，據知係因為何韻詩一直恨做女主角。據知情者透露：「何詩知道千嬅推咗之後，就主動打畀志偉，仲話價錢唔係問題，阿詩覺得拍賀歲片嘻嘻哈哈易入屋，而且今次幫咗無綫，年尾頒獎禮咪有回報囉！」
對於何[!90F0]詩以友情價接戲，《喜》片導演錢國偉說：「之前千嬅要搞演唱會，所以冇時間拍啫，家都想搵佢客串㗎，咁阿詩一直都係我哋心水嘅，（聽講佢收友情價喎！）都係嗰啲價錢啦！」咁今次唔會又係「無言感激」價啩？
都係嗰啲價錢！
對於《喜》片趕開工，又要換女角，導演錢國偉說：「係好趕，不過都趕得切嘅！」
借位咀
可能何詩平時少咀男仔，上週五（2日）她和黄宗澤於旺角街頭拍咀戲時，雖然只係借位，但也要連續NG 3次。
多人圍
兩人於旺角行人專用區拍戲，吸引過百市民圍觀，完事後黄宗澤和何詩即時閃人。
羲女有份
吳卓羲女友張馨予亦有份於《喜》片演出，仲要飾演一個靠自己努力嘅女星，做戲果然同現實有距離。
玩三角
雖然《喜》片仍在趕拍中，不過故事就食番上年《我愛香港》形式，以4對情侶做主線，加埋無綫成班小生花旦客串，典型邵氏賀歲片格局。
龍年混戰
每年年尾都係港產片黄金檔期，今年除咗《喜上加喜》同黄百鳴套《八星抱喜》外，仲有梁朝偉和謝霆鋒加入戰團，算做有得揀。
23/1上映 大堆頭
《八星抱喜》陣容有甄子丹、古天樂、陳慧琳及吳君如等巨星，一貫黄百鳴風格。
12/1上映 鬥演技
由爾冬陞執導，影帝梁朝偉、劉青雲加周迅主演的《大魔術師》，以1916年軍閥時代做背景，三個都係好戲之人，演技預期精采。
23/1上映 打餐飽
由謝霆鋒同周杰倫主演的《逆戰》，成套片喺馬來西亞取景，霆鋒同周杰倫都要親身上陣，打到七彩，鍾意動作片必睇！
Orignal From: 大肚千嬅推戲 攝石何韻詩賤價咀Bosco
沒有留言:
發佈留言