陳美詩自從在冲繩遇車禍後，回港經過大半個月休息，已開始全面復工，談到傷勢，她日前說：「好番好多，最嚴重係 chok親條頸，有三截頸椎移位，一路睇中醫復位同針灸，家慢慢轉條頸都得。」死過翻生，可有患上創傷後遺症，要睇心理醫生？ Macy說：「冇後遺症，我做番自己嘅心理醫生，不過都有重複發夢，當日翻車車頭有拳頭咁大隻嘅蜘蛛，喺夢裏面佢變成紅色喺我面前走來走去。」
陳美詩日前接受訪問，面對車來車往，已沒有恐懼感。
Macy在意外前於車頭自拍，她現在笑言仍喜歡拍旅遊特輯，揸車也沒問題。
Macy出事後，男友孫耀威鬧爆無綫， Macy讚他很 man。資料圖片
內疚向同事道歉
今次冲繩之旅，令 Macy印象難忘。
當日 Macy與朱慧敏、男攝影師及女撰稿員四人在車內等救援，歷時 20多分鐘，令她難忘， Macy說：「當時大家都保持冷靜，冇人喊，睇吓點樣幫到大家。因為架車側咗，男攝影師為咗唔壓住女撰稿員，全程好似玩單槓吊住自己個身體，大家都唔敢亂郁，怕架車碌落山。我就戴咗安全帶，整親條頸，好彩塊面冇傷，始終靠樣搵食。」有否因自己揸車生意外而內疚？她說：「都有㗎，我都唔好意思，喺醫院有同佢哋講對唔住，我救唔番架車，佢哋都叫我唔好怪自己。」會否驚揸車？ Macy笑說：「人哋驚我揸車多啲。」
發生意外後， Macy男友孫耀威在微博鬧無綫刻薄， Macy表明很理解：「佢身為我男友，難免關心緊張，令我睇到呢個人好關心同緊張我。經過呢件事，朋友替我開心有咁關心我嘅男友。」
男友此舉可有令她尷尬？ Macy哈哈笑說：「佢冇講鬧邊個㗎！我同屋企人冇諗住追究或問責，發生意外大家都唔想，可能追查原因係條胎光頭。我哋唔需要做柯南，返到嚟已好好，追究唔係重點，而且公司主動話會對外判公司加緊審查，外地工作係多風險，公司要做嘅都做咗，人要向前望，有改善就得。」
「嚟緊會好好福氣」
經歷事件後， Macy有了大改變，她會爭取時間陪家人和朋友。與男友可有加深感情？ Macy甜笑說：「有呀，佢係咪好 man呀？得唔得呀？好感謝佢嘅關心。」是否嫁硬他？ Macy說：「唔知喎，因為今次我冇事，我會每日開心樂觀向前望，同事朋友都話我嚟緊會好好福氣。」
採訪：羅美倫 攝影：陳慧安
Orignal From: 讚男友Man 陳美詩歷車禍噩夢連連
沒有留言:
發佈留言