無綫視帝視后還未出爐，鄭嘉穎和胡杏兒早前已在被視為得獎指標的馬來西亞頒獎禮中先拔頭籌，預演視帝視后！嘉穎未有因此自滿，反以平常心對待。杏兒卻信心大增，但絕不會輕視對手！
鄭嘉穎及胡杏兒早前於馬來西亞《astro我的最愛頒獎典禮》中，奪得「我的最愛電視」男、女主角獎，由於該頒獎禮一直被視為台慶頒獎禮的得獎指標，所以兩人被外間一致看好，有望穩坐視帝視后寶座！
憑《萬凰之王》奸出位的胡杏兒，雖預演視后卻認為一切非必然，得獎須靠「天時、地利、人和」，並謙稱運氣是最大的因素。
一命二運
杏兒說：「其實我今年係好運囉，三套劇個角色都好唔同，可以令觀眾留下深刻嘅印象，呢個係運嚟嘅！」她雖揚言希望兩獎兼得，卻不會給自己太大壓力，更不想辜負粉絲及家人的期望。
提到勁敵陳法拉，胡杏兒即一頂高帽給對方由頭笠到落腳：「法拉其實好快就做到女主角，女主角唔易做，但我都見佢Handle得好好，希望我哋可以百花齊放啦！至於楊怡好多扮相都好靚，演技又好，尤其喊功好勁！」
重視民意
早年首嘗視帝滋味的鄭嘉穎，直言因日夜趕戲，根本沒有時間及心情想會否得獎，故心情特別輕鬆，但也不忘感激民意力撐：「民意先係我最想要，唔理個結果出嚟係點，都對自己有交代。」至於對手謝天華以「好勤力」一詞力讚，他說：「天華默默耕耘咁多年，不過今年如果唔係我有『Law霸』呢個角色，我都會投佢一票！明白大家都想攞視帝，惟有良性競爭啦！」
嘉穎直言視帝重要之餘，民意也不能忽視。
杏兒對視后充滿信心，卻不敢輕視強敵陳法拉。
黎耀祥讓獎No Way!
今年憑《法證先鋒Ⅲ》角逐視帝的黎耀祥（祥仔），過去兩年連奪兩屆視帝，如果今年再奪獎，祥仔將成為首位三連霸視帝！雖然祥仔是熱門人選，並曾為《法》劇搏老命，卻不敢奢望會三連冠：「連中三元要講公信力，逐次『埋單』，如果有Formula（方程式）就發達喇！不過獎係冇得讓，希望破紀錄啦！不過兩年視帝已經好滿足，死而無憾，你叫我聽日死都無悔啦！哈哈！」
雖說無悔但仍想三連冠的祥仔，笑言若果要在鄭嘉穎及黃宗澤之間選擇，他會視黃宗澤為勁敵，問他會否大方把獎項相讓給兩位後輩，祥仔笑說：「呢啲嘢冇得讓！」
口說不敢奢望三連霸的祥仔，對獎項還是頗在乎。
祥仔視黃宗澤為最大勁敵。
謝天華做「街坊視帝」
今年謝天華憑「Laughing Gor」一角挑戰視帝寶座，並與「Law霸」鄭嘉穎並列視帝大熱人選，對於被視為大熱，天華說︰「其實睇到觀眾反應同網民留言，加上好多傳媒訪問，就感覺自己係大熱，如果唔係大熱或者有番咁上下，啲人都唔會嚟訪問你啦！」
提到另一大熱鄭嘉穎，天華大讚對方的角色帶給觀眾新鮮感，又指「Law霸」一角是很大的突破，問到大敵當前對視帝有否信心？天華信心十足的笑說︰「有信心但都有壓力，愈近頒獎禮就愈有，落到街啲街坊直頭叫我做視帝，又話睇好我，啲壓力自然走出嚟，但開心嘅，見到人當面支持我。」問他若成功揮低對手封視帝會如何慶祝？他說︰「呢樣反而冇諗過，如果依家諗嘅話，應該都係全劇工作人員食飯慶祝，之後同屋企人食飯同朋友慶祝啩！」
天華大讚嘉穎「Law霸」一角充滿說服力，又睇好杏兒稱后。
Orignal From: 杏兒嘉穎絕不掉以輕心 黎耀祥讓獎No Way! 謝天華做「街坊視帝」
沒有留言:
發佈留言