鄭嘉穎在各個討論區的視帝排行榜均佔首位，甚至在無綫官方網站中與謝天華鬥得叮噹馬頭，他始終佔先數個百分點，早已成為「民意視帝」。
同時，卻永遠在這時候，有以合約換獎的傳聞，問嘉穎是否想攞獎及有否信心？他坦言：「雖然我 06年攞過視帝，但嗰時有部份人唔認同，當時我同自己講，如果有機會，我要喺有大部份人認同之下至再攞，否則就唔好攞。今次真係有好多人支持，唔通我自己話冇信心咩！不過，雖然有信心，但我都係平常心，始終有信心未必一定攞得到。」
如果能再奪視帝，鄭嘉穎希望今次可以得到大部份人的認同。攝影：林德雄
場地提供：帝苑酒店 MARTINI BAR
嘉穎與周麗淇在《天幕下的戀人》演情侶，有指嘉穎演的角色沒甚難度。劇照
對於成為民意視帝，嘉穎覺得已贏了一半。
最想得到認同
嘉穎於 06年與佘詩曼贏視帝視后，但當時嘉穎受到非議。資料圖片
做視帝原是開心事，上次不獲認同是否很不開心？嘉穎說：「個感覺係又開心又擔心，當時擔心係正確，因為剛入無綫 5、 6年，係憑《天幕下的戀人》呢種愛情偶像劇攞，啲人覺得個角色冇乜難度唔值得攞。不過我係被動冇得揀，直到後期做《與敵同行》，個角色好有發揮，但又未必有獎，所以家攞獎唔係為獎，係為得到人哋嘅認同。」
至於今屆視帝獎，一直競爭激烈，嘉穎與 Laughing謝天華爭個你死我活，其他對手還包括黑馬黎耀祥及黃宗澤，問嘉穎睇好哪一個？他說：「睇好黎耀祥同謝天華，祥仔做過兩屆視帝，佢係我最欣賞嘅演員之一，不過都應該讓吓啲後輩，唔好自己攞晒。至於 Laughing，係延續上一套《學警雄心》嘅爆炸力，佢喺冇關注程度下畀主角走得更遠，做得好成功，所以 Laughing有佢成功之處，我係過來人，我好明白佢想得到人認同，咁我同 Laughing公平競爭啦，如果冇 Law霸，我都會投 Laughing一票，我欣賞佢係個好努力嘅演員。不過獎同女朋友、老婆一樣，冇得讓囉！」至於勝算有幾多，嘉穎笑言：「民意贏咗，我當贏咗一半㗎喇，尤其是討論區嘅觀眾都讚，佢哋總係不留情面嘅，但佢哋亦係真正睇電視嘅人。」
執四攤獲好評
嘉穎今次演繹出傳神的 Law霸，不但贏盡民意，其實無綫內部亦大讚他，皆因此劇的劇本最初是為黃日華而寫，後來黃日華檔期不合，先後斟過林保怡及陶大宇，最後由嘉穎執四攤，幕後都認為為演員度身訂做一個角色不難，但嘉穎執四攤而演活角色，就純靠他的演技，問嘉穎是否真的演技有突破？他坦言：「呢啲係講天時地利人和，我個人係成熟咗，咁啱遇到個咁大反差嘅角色，其實我要多謝王心慰監製，呢幾年佢一直畀唔同角色我試，擴闊咗我嘅戲路。直到《怒火》出現，可以話係天跌落嚟嘅禮物，咁啱角色係唔可以太年輕又有啲麻甩，至有 Law霸嘅出現。」
頒獎禮前夕總有是是非非，嘉穎雖早已成民意視帝，但依然惹來以約換獎的傳言，問他有否因此而嬲怒？嘉穎輕鬆說：「以約換獎一定唔會喺我身上發生，因為咁做係違背我嘅原意，我要嘅係認同，用約換獎即係唔使實力，咁有乜認同呀？不過對於呢啲新聞我已經見怪不怪。」
《怒火街頭》的 Law霸一角，令嘉穎（右）演技更上一層樓。劇照
嘉穎雖是執四攤演 Law霸，但卻演活了這角色。
萬千星輝頒獎典禮 2011
最佳男主角提名
張智霖《魚躍在花見》
歐錦棠《誰家灶頭無煙火》
陳豪《點解阿 Sir係阿 Sir》
鄭嘉穎《怒火街頭》
郭晉安《團圓》
吳卓羲《團圓》
陳展鵬《真相》
馬浚偉《紫禁驚雷》
馬國明《紫禁驚雷》
謝天華《潛行狙擊》
黃宗澤《潛行狙擊》
歐陽震華《不速之約》
林峯《不速之約》
黎耀祥《法證先鋒 III》
陳錦鴻《萬凰之王》
《潛行狙擊》的謝天華與嘉穎實力相若。劇照
《法證先鋒Ⅲ》的黎耀祥屬視帝黑馬。劇照
陳豪《點解阿 Sir係阿 Sir》
郭晉安《團圓》
內地片酬高 觀眾認真
《步步驚心》帶挈嘉穎吸納不少內地觀眾。劇照
嘉穎最近的目標很遠大，他因為早前一套內地劇《步步驚心》爆紅，俘虜了不少內地觀眾，嘉穎的心不時飄到遠遠，他說：「所以家有一半時間會擺喺內地，又唔會犧牲香港嘅，會將啲時間分配好，內地發展係勢在必行，唔發展大市場，就係停滯不前，內地市場係其中一個目標。」
每集唔止 16萬
16萬元片酬拍一集太吸引？嘉穎哈哈大笑：「唔止呀？錢當然係吸引，但內地觀眾畀我嘅感覺係會慢慢品嚐戲味嘅觀眾群，內地電視嘅黃金時間係播綜藝節目，夜晚 10點至連播兩個鐘頭劇集，咁樣觀眾會慢慢細心睇，得到多啲人認同，係演員嘅最大滿足感。」
Orignal From: 黃金視窗：鄭嘉穎五年大平反
沒有留言:
發佈留言