2012年6月16日星期六

《法網狙擊》陳敏之水着戲

昨日「索腿天后」陳敏之大騷弗爆身材為劇集拍攝游水戲,更吸引陳志健(Otto)及鄧梓峰等「狂蜂浪蝶」喪(目及),不過森美就直言:「我同敏之唔過電!」認真嘥料!而敏之更有不少熱身動作的鏡頭,Hot爆泳池!

陳敏之昨到油麻地為新劇《法網狙擊》拍攝落水戲,於劇中飾演其同事的鄧梓峰十足活潑版的卡通人物「巴斯光年」上身,於岸上大擺多個健美甫士吸引敏之注意,而Otto等人更潛入水「(目及)嘢」,場面搞笑!面對一班「麻甩仔」,敏之卻非常自在,更笑言:「佢哋都當我係男仔咁,所以我一啲都唔會覺得尷尬。」敏之更有不少在岸邊左扭右擰的熱身動作,加上其索爆長腿,令現場氣溫節節上升!

《法網狙擊》陳敏之水着
敏之對自己的身材非常滿意,毫不吝嗇美好身段。


森美唔怕過電

首次拍攝游水戲份的敏之雖然略懂水性,但為了拍攝效果更專業,故亦找來替身頂替她的游水戲份,是次敏之以泳裝上陣大騷纖瘦身材,男友可有介意?她謂:「唔會啦,因為成個感覺好健康!」但她就指自己少於香港以三點式上陣:「我依家已經冇去公眾地方游水,我都驚畀人偷拍,入行前就會。(會唔會畀人望?)都會有人撩,不過其實都係開心嘅,因為靚女先會有人注意o架嘛!」而拍檔森美就嫌敏之太瘦,同時又笑言:「我同佢真係唔過電!」

《法網狙擊》陳敏之水着
曾任健身教練的Otto不時提點敏之的熱身動作。
《法網狙擊》陳敏之水着
鄧梓峰大擺多個健美甫士吸引敏之注意。
Otto籌備婚事

於泳池邊着西裝的森美顯得格格不入,他笑言:「算啦,其實我都唔係好fit,我賣智慧嘅!」不過他就透露亦有一場全裸戲份令他難忘:「有場係講我沖涼時被敏之撞咗入嚟,當時我係全裸,只有啲泡泡遮住!之後我要用成個鐘沖走身上嘅泡泡呀!」首次拍劇的森美透露為了劇集唔單止暫停於電台的節目,更推掉不少工作:「加埋都三、四十萬o架,不過我覺得值得!(再拍?)要睇吓觀眾反應先決定!」

而身形健美的Otto就指拍攝氣氛愉快,將於今年尾拉埋天窗的他透露婚事主要交由未婚妻處理,又透露已決定擺酒日子及訂好酒席,積極為婚事籌備。

《法網狙擊》陳敏之水着
敏之首次拍攝游水戲份。
《法網狙擊》陳敏之水着
森美在池邊穿上西裝,顯得格格不入。

Orignal From: 《法網狙擊》陳敏之水着戲

沒有留言:

發佈留言