石沉大海
《天與地》神曲永久生葬 熱血黄貫中怨爆
2012年01月04日
被網民稱為「神劇」嘅《天與地》，題材唔 啱師奶不特止，亦因題材隱喻，觸動祖國神經，因而被內地封殺。不過愈禁，大家就愈好奇。週日（ 2日）播映大結局，平衡時空式 嘅結局贏盡口碑，鼓佬、黑仔及 Ronnie個個從良，仲有白髮家明。
據知監製戚其義原本搵黄德斌向識咗30年嘅老友黄貫中招手客串演成年版家明，可惜阿Paul檔期未能配合。
阿Paul唔只拍唔到劇，就連兩首「神曲」〈天與地〉及片尾曲〈年少無知〉 hit爆亦冇着數，事關版權屬 TVB，阿Paul冇得出聲：「版權係 TVB，我都想搵佢哋研究吓。」但據知 TVB無意踩線，《天與地》 hit歌將會跟電視劇一樣永久生葬。
九年沒拿叱咤獎項的阿 Paul週日（ 1日）上台，唱得獎歌曲〈 Can't Bring Me Down〉唱到青筋爆現，如果喺唱〈天與地〉肯定爆咪。
叱咤當晚商台邀請黃德斌出席，佢當然坐喺老友黃貫中隔籬啦！
47歲黃貫中係 Band界元老，一向深得年輕網民尊敬，最近《天與地》 喺網上勁 Hit，連帶有份創作主題曲及片尾曲 嘅阿 Paul都人氣高企。據知《天與地》監製戚其義，當日唔只想搵阿 Paul作歌，仲想搵佢扮成年版家明。
黄德斌扯線
而據知，飾演 Ronnie嘅 黄德斌原來有份扯線搵 Paul唱主題及演出成年版家明。 黄德斌回應本刊：「我哋細個嗰陣已識，當時我細佬幫過佢哋（ Beyond）整頭髮，監製（戚其義）係搵過我搵阿 Paul。」可惜《天》劇最尾一幕拍攝時，阿 Paul檔期未能配合阿佘檔期， TVB最終因為要遷就阿佘而放棄阿 Paul。 黄德斌亦感可惜：「不過個期就唔到真係冇辦法。」
要佘唔要 Paul
阿 Paul就唔到期，客串唔到《天與地》，要張景淳染白，黐鬚根扮大個，真係美中不足。
爆刪剪位
被網民激讚嘅平衡時空結局，據知出街版 cut咗 8場戲。包括阿佘同家明四處流浪，鼓佬同 Gina加兩個仔嘅全家福。仲有每年一次夾 band聚會等。
2曲冇碟出
阿 Paul客串《天與地》不成，而佢為《天與地》創作 嘅兩首歌〈天與地〉及〈年少無知〉，亦因為《天》劇被內地加上歌詞敏感而面臨封殺，兩首歌的版權亦由於屬 TVB的關係，將被 TVB「生葬」。阿 Paul週日出席叱咤頒獎禮亦無奈表示：「我都想搵佢哋研究吓。」
可惜無綫無意踩線，亦不想得罪大陸。外事部副總監曾醒明表示：「兩首歌版權係無綫嘅，係好hit，不過暫時唔會為兩首歌出碟住喇。」連勁歌金榜都冇得上，〈年少無知〉反而將在最叻河蟹嘅新浪頒獎禮奪人氣歌曲獎，真諷刺。
維園阿 Paul
阿 Paul唔只對音樂有火，對政治亦相當敢言，由以住低調撐 7． 1遊行，到最近喺微博撐廣東話，不過最近《天與地》編審周旭明喺微博寫自己飲苦酒，阿 Paul就有感而發，除安慰佢之外，仲叫大家：「別怪 TVB，別怪祖國……」咦，乜 Paul哥熄晒火咩！
撐遊行
03年 7． 1遊行，阿 Paul事前呼籲歌迷上街，但最後冇影，被人質疑只顧睡覺無遊行，最後有粉絲向報館發相，以證阿 Paul清白。
插政府
去年九月自資出碟，闊別四年的新作〈 A小調協奏曲〉中，阿 Paul依然熱血，歌詞唔會情情塔塔，鬧盡政府寸煲呔。
撐廣東話
早前廣東省政府為推廣普通話而推出新例打壓廣東話，阿 Paul即刻微博開火，捍衞廣東話。
「微笑」對祖國
阿 Paul喺上週五（ 30日）微博勸編審周旭明睇開，不過字崿行間，仍有骨
家強最叠水
Beyond三子，近年多獨立發展，雖然三位都經常北上登台搵銀，但就連同台嘅機會都少。鼓佬葉世榮喺上月 27日喺北京娶 22歲太太張偉鈴，家強就同日籍太太 Makiko，準備生埋第二個仔，當中以阿 Paul仍然堅持最 Rock，雖然搵銀未必最多，不過玩音樂唔係講錢。
家強生活無憂，第二個仔就快出世，經常被傳媒拍得同老婆 shopping，不過 09年就曾經為買隻名貴腕表唔準，而走到表行大發雷霆。《蘋果日報》圖片
48歲葉世榮上月 27日娶 22歲 model張偉鈴，不過就冇請到家強同阿 Paul。網上圖片
阿 Paul上年同其樂隊 The Postman經常返大陸登台搵人仔，不過依然和朱茵同居於市值 600萬的大埔林村。
神劇編審
唔想金句化
《天與地》對白精警、到肉，拍得新鮮有訊息，編審周旭明成為潮 icon，不過對於家咁多報道，周旭明就顯得有啲小心，接受我哋電話訪問時就話：「多謝你哋訪問我，我一定有感受，不過我選擇喺我嘅微博度發表會直接啲，我知你想問對白，或者家啲網民點解讀，我唔係唔信你，只不過我自己微博度講會清楚！」而早前周在電台訪問就坦言，網民把其對白金句化是「最大誤解」，希望觀眾能透過對白感受角色性格。
週一出席活動的阿佘對於對白被指「河蟹」時表示：「呢個我唔知，拍嗰陣冇諗過呢樣嘢，其實演員好被動。」
「和諧唔係一百個人講同一句說話，係一百個人講一百句唔同嘅說話，而又互相尊重。」
阿佘喺結局嘅一段對白，講述對和諧嘅感受，出街即被網民狂 cap。
反建制綠葉：
冇諗過咁多政治解讀
繼上次 Joe Junior講嘅 This city is dying後，結局當晚戴耀明飾演嘅阿佘助手，唔理門外嘅台長戴志偉阻止，呼籲樂迷去啟德支持 Rock Festival對白，隱喻叫人上街。而戴耀明就話：「老實講拍嗰陣冇諗過大家有咁多政治解讀，導演都叫我自由發揮，我諗大家對號入座咗喇！」
「大家嵋家聽到嘅砰砰聲，就係強權制度下的代表。」
「 Rock& Roll never die！
戴耀明一直係無綫綠葉王，雖然戲分唔多，不過有時頗搶，前年喺《義海豪情》飾演日軍仲令到陳法拉除衫。
Gina抱家明
鼓佬最後變番好人，仲因衝出馬路救小朋友而被撞死，最感動係小朋友名叫家明，有鼓佬贖罪嘅感覺。
Ronnie變盲
Ronnie雖然可以同家人一齊，仲打算環遊世界，可惜逐漸失去視力。
KK吹口琴
張國強飾演嘅 Ben在大結局被捕，喺《天與地》吹口琴畀 Jessica一段演技精湛。編審周旭明亦大讚：「嗰段係 KK live吹出嚟，〈 Yesterday〉都係佢自己揀，我哋同導演商量過都覺得幾啱場戲就用喇。大家唔好過分解讀。」
Brenda最索
演活《天與地》女強人 Brenda嘅金燕玲，雖然喺 23集就撞車死咗，但有唔少網民選佢演技超班。原來 Brenda姐後生仲好索好激。 72年佢拍呂奇執導嘅《女人面面觀》床戲不特止，仲疑似露點。
家 55歲嘅金燕玲仍保持 25吋腰。金燕玲後生咁索，望落仲有啲似潮牌 Hysteric Glamour嘅裸女，難怪多人追，不過結過兩次婚都離婚收場。
金燕玲喺《女人面面觀》演出超激，激吻床戲只屬小兒科，呢幕床前解 bra真係家啲模都行埋一邊。
Orignal From: 《天與地》神曲永久生葬 熱血黄貫中怨爆
沒有留言:
發佈留言