2012年6月30日星期六

羅慧娟病逝 臨終錄製DVD鼓勵好友

近年與癌魔對抗的45歲羅慧娟,日前多次傳出病危,昨日凌晨其姐透過娟妹手機向好友發放娟妹死訊,而娟妹繼子亦親口證實家中逝世。據知,娟妹彌留時丈夫與至親亦有在身邊送最後一程,讓娟妹安心重返天家。娟妹一生經歷失聰、抑鬱症與患上胰臟癌,仍積極樂觀面對,其堅毅精神令人敬佩。

盛傳患胰臟癌的藝人羅慧娟,昨凌晨4時53分於新加坡離世,享年45歲,事件得到胞姐羅慧蓮及繼子劉鎮洪證實。羅慧蓮昨透過娟妹手機傳短訊回覆記者:「我妹妹Jacqueline今早在新加坡04:53安然離世。」劉鎮洪昨午接受新加坡媒體訪問時,哽咽透露娟妹是在新加坡家中逝世,他哀傷地透露家人目前正着手處理喪禮,並尊重父親劉志敏意願,不會詳情透露,只呼籲親友留意訃聞,另有指娟妹將於7月4日在新加坡以基督教儀式舉殯,隨即在當地火化。據知在7月12日,其夫會在港舉行追思會,讓娟妹一眾好友藉此悼念。

羅慧娟病逝

錄光碟勉教友

身處香港的好友賈思樂,昨亦證實於早上收到劉志敏通知噩耗,賈思樂感觸說:「娟妹有個心願,就係同神一齊,佢完成到心願係開心事,我亦希望娟妹歸向平靜。」至於他會否飛往新加坡出席喪禮,則有待劉志敏安排。

羅慧娟胞姊羅慧蓮公開娟妹死訊。
羅慧娟胞姊羅慧蓮公開娟妹死訊。
賈思樂透露娟妹沒有遺願。
賈思樂透露娟妹沒有遺願。
羅慧娟與丈夫劉志敏、繼子劉鎮洪(右)及劉鎮榮(左)合照。(聯合晚報圖片)
娟妹與丈夫劉志敏、繼子劉鎮洪(右)及劉鎮榮(左)合照。(聯合晚報圖片)

曾於一個月前探望娟妹的賈思樂,指娟妹當時並不如所界所指只有80磅:「佢好靚、好開心,只係好攰,我哋傾好多開心嘢。」他又指娟妹沒有未了心願,只是希望能在最後日子多與好友見面。

雖然外間認為娟妹經歷坎坷,但她仍積極面對,據知娟妹今年2月病情已很嚴重,但她未有放棄,還聯絡製作公司拍攝光碟,內容主要講述信主及克服癌病經過,目的是透過自身經歷鼓勵教友積極面對逆境。人緣甚廣的娟妹更邀得好友蔡少芬、鄧萃雯等發表對自己的看法。知情人士又指娟妹拍攝時心態很正面,對神懷有感恩的心,面對逆境仍能發放正能量。據知由於劉志敏性格低調,光碟只會於娟妹死後在教會內播放,亦可能於喪禮播出。

不欲母親擔憂

其實娟妹與身邊好友一直對其病情三緘其口,全因她不欲年事已高的母親擔心,娟妹今年初便曾透過陳法蓉上載團年飯聚力證健康。至今年4月,娟妹悉心打扮出席繼子婚宴,並拖着丈夫與外界分享新奶奶喜悅。

之後娟妹沒再作公開露面,直至上月初,有消息指娟妹癌細胞已擴散至腹腔、腎及肝等器官,亦有指在劉志敏安排下,娟妹轉往新加坡治病。雖然頻傳死訊,但娟妹上月22日還樂觀地回覆本報記者說:「我尚健在。」想不到才相隔數天,娟妹便與世長辭,重返天家,結束充滿考驗的一生。

敬告:我妹妹

Jacqueline今早在星加坡04:53安然離世

姐姐Molly

娟妹祈禱生癌求解脫

羅慧娟於1999年意外導致右耳接近完全失聰後,表面堅強的她在一個訪問中坦言心中充滿迷惘和恐懼:「嗰種寂靜嘅恐怖,令我非常恐懼。個個以為我冇事,其實我死撐!當時我好絕望,演藝事業停晒,連生存本能都無埋,之後點做人?」

羅慧娟(右)受盡壓力患抑鬱症,曾求天父賜予癌症,令她可以脫苦。
娟妹(右)受盡壓力患抑鬱症,曾求天父賜予癌症,令她可以脫苦。

失聰加上喪父及負資產的打擊,終令她壓力爆煲,2000年至2004年期間更患上抑鬱症,她在另一個訪問中坦言:「嗰陣我成日想死,甚至同神禱告,乾脆畀我患癌症,三至六個月就死得,唔使捱苦。」豈料一語成讖。其實娟妹家人向來忌諱癌症,除了羅父因肺癌病逝外,其夫的前妻亦因癌症死亡,奈何送走娟妹的亦是癌魔。

羅慧娟在臨終前,錄製DVD鼓勵一眾好友。
據知娟妹在臨終前,錄製DVD鼓勵一眾好友。

陳法蓉黎美嫻急赴獅城

好友對娟妹病逝一概封嘴,據知眾人接到羅慧娟丈夫劉志敏的通知,表示要等他於今日在新加坡宣布娟妹的死訊,生前好友包括陳法蓉、黎美嫻、鄧萃雯、廖安麗等雖然全部「潛水」,但其實他們正趕赴新加坡悼念娟妹。

羅慧娟早前秘密出院,找黎美嫻(左)及陳法蓉飯聚。
娟妹早前秘密出院,找黎美嫻(左)及陳法蓉飯聚。

至於上周日曾到當地與娟妹見面的林以諾牧師,昨日在電話中表示因前往開會而順道探望:「我去佢Apartment探佢,當時羅慧娟嘅丈夫都喺度,我哋傾吓偈,佢精神都OK,好正常,(收到死訊?)我要等佢丈夫通知。(會搞『告別會』?)我要了解吓先!」

至於陳敏兒、劉美娟、張崇德突然「失蹤」缺席昨早活動,估計三人已飛抵獅城。記者昨聯絡上陳敏兒丈夫廖啟智,他卻稱未收到娟妹消息,而劉美娟丈夫張崇德只在短訊回覆不在香港,問是否在新加坡時,他卻沒有回覆。

李添勝讚好戲

監製李添勝當年獨具慧眼,80年代找娟妹拍其第一個劇集《書劍恩仇錄》,他大讚娟妹有性格及演技好,對其死訊大感愕然。而監製劉家豪撮合娟妹及周星馳拍攝劇集《蓋世豪俠》,成功捧紅兩人,劉家豪表示很懷念合作的時光:「當時星仔演技較飄忽,娟妹都配合得咁好,證明係食呢行飯!而且佢好好人,真係可惜!」此外,無綫表示將於周一周二在《東張西望》內重溫娟妹部分片段,並再安排適合時間重播其劇集。

娟妹怨星媽:點解咁憎我?

羅慧娟一生經歷的戀愛不多,最為人津津樂道的,當然是與周星馳發展的一段長達三年的「地下情」。事過境遷,娟妹仍對當日星媽棒打鴛鴦耿耿於懷,並曾說:「我都想知道,佢點解咁憎我?」幸而最終她覓得真愛劉志敏,在她患病期間不離不棄,奈何仍未能白首偕老。

羅慧娟與周星馳三年地下情,無疾而終。
羅慧娟與周星馳三年地下情,無疾而終。

娟妹當年因拍《蓋世豪俠》,與拍檔周星馳發展成情侶,不過一直未有公開戀情,至92年分手後,她曾在訪問中表示:「我曾經講過,死都唔會承認同佢拍過拖,我唔知嗰3年係點過!」談到星媽,娟妹更直言:「我一向都感覺到佢對我有意見,我都想知道,佢點解咁憎我?」可見分手後二人再見不是朋友!

赴台散心展新戀情

導演高志森見證着這段情的熱戀期,他昨日接受訪問時,難免對昔日好友辭世大感失落:「當年我搵星爺拍《家有喜事》,咁啱我住喺娟妹樓下,星爺成日叫我上娟妹屋企傾劇本同度橋,娟妹可以話係第一個知道晒我哋條橋,同笑位嘅觀眾。喺我印象中,佢唔多加意見,絕對係個好好嘅聆聽者。(星媽唔鍾意娟妹?)人哋感情嘅嘢我唔加意見,總之嗰段日子大家走得好近,開完會我哋仲一齊去食龍蝦餐添。」

周星馳媽媽
星媽
羅慧娟與星爺拍《蓋世豪俠》而漸生情愫。
娟妹因與星爺拍《蓋世豪俠》而漸生情愫。
羅慧娟與丈夫劉志敏,雖然相差16載,但仍恩愛得如膠似漆。
娟妹與丈夫劉志敏,雖然相差16載,但仍恩愛得如膠似漆。

據知,星爺在熱戀期對娟妹的事情也相當上心,當年身在美國與李連杰合拍《龍在天涯》時,曾四出幫娟妹購買「大哥大」電話,為博紅顏一笑可謂用心良苦。

與星仔感情一筆勾銷後,娟妹到台灣散心,且結識了台灣影星李志奇,不過可惜異地戀難以維持,這段情一年後便告終。

友人聚會與夫邂逅

未幾娟妹在友人聚會上,碰上了新加坡證券董事劉志敏,雖然對方較她年長16載,但卻無礙二人的交往,08年更決定共諧連理,安心做少奶奶。婚後幾乎息影的娟妹對丈夫與前妻所生的兒子視如己出。而當她患病期間,劉志敏衣不解帶在床邊悉心照顧,無奈最終亦敵不過命運弄人,45歲的娟妹竟然「先行一步」,據知劉志敏前妻亦因癌病逝世,所以今次對劉志敏來說,打擊之大可想而知。

黎明望舊拍檔一路好走

22年前黎明跟羅慧娟合作拍無綫劇集《人在邊緣》,兩人相識多年,黎明對於故友的離世十分傷感,他接受本報訪問感慨說:「好難過!明白生老病死係必然嘅事,希望佢一路好走,屋企人要堅強面對,以後生活開心。」黎明表示當年拍劇時跟娟妹合作愉快,大家感情好似兄妹般親切,雖然之後各有各忙很少聯絡,但每次碰面都會互相問候一番。

黎明與羅慧娟22年前合作劇集《人在邊緣》成為好友。
黎明與羅慧娟22年前合作劇集《人在邊緣》成為好友。

身在新加坡的惠英紅表示與好友娟妹十多年前已認識,最近一直有留意對方的病情,她表示會致電其家屬了解,並透露鄧萃雯亦會趕往新加坡弔唁,她又指最近亦有另一位朋友去世,三日內接到兩個死訊,令她非常難過。

坎坷一生 挫折不斷

羅慧娟一生非常坎坷,工作、情路上都曾遇挫折,其後又因意外而失聰及患上抑鬱症,即使她能克服種種難關,2008年做幸福少奶奶,但天意弄人,她最後患上胰臟癌並於昨日離開人世。

1966年
10月10日於香港出生。

1986年
首次拍攝劇集《喜寶》,開始其演藝生涯。

1987年羅慧娟
1987年

1989年羅慧娟
1989年

1987年
參選港姐並成功進入複賽,惟當時被任職的公司派往出差,而自動放棄參選。

兄長為無綫藝員羅偉平,其後由好友廖安麗的引薦下,參演新版《書劍恩仇錄》,加入電視圈。

1989年
拍攝電視劇《蓋世豪俠》時與周星馳撻着,但因對方母親棒打鴛鴦,加上星爺星途起飛,兩人1992年結束3年情。

1993年
娟妹正值事業低潮,故於電影《火蝴蝶》及《同居關係》中有性感大膽演出,其中《同》片與吳大維合作時更尺度非常大膽,望藉此在事業殺出新血路。

1997年
當年金融風暴,有份投資的娟妹成為受害者,畢生積蓄付諸流水慘變負資產。

1998年
受金融風暴拖累,加上多年前情傷未愈,娟妹到台灣散心,並結識台灣男星李志奇,可惜戀情一年便玩完。同年羅父患上肺癌,令娟妹非常痛心。

1999年中
獲好友陳法蓉及黎美嫻邀請出席「藝人之家」的聚會,5月她更接受基督教洗禮信主。

1999年尾
經常潛水的娟妹於年底到外地潛水時遇意外,導致耳膜破裂,左耳失聰,右耳只得兩成聽覺,令她心情跌落谷底並停工。

2000年至2004年
失聰、負資產加上喪父之痛,令娟妹壓力爆煲,體重急劇下降,患上抑鬱症,曾一度想自殺輕生。

2006年
與好友鄧萃雯拍攝電視劇《女人唔易做》,同時又積極參與慈善工作,幫助貧童。

2008年
經過朋友支持及信仰,她終於克服心魔,2008年更與年長16年的新加坡籍商人劉志敏結婚。

2009年
淡出幕前的娟妹間中客串電影及電視劇過戲癮,2009年則客串上映電影《天水圍的夜與霧》。

2010
傳娟妹患胰臟癌,因接受化療致脫髮及暴瘦,其好友一直密封其病情,而她亦曾戴假髮出席公開活動,其後再度入院接受治療。

2012年
有指娟妹病情惡化,上月更傳出死訊,但記者於6月22日收到娟妹用短訊回覆「我尚健在……需要靜心養息」。惟娟妹最終不敵癌魔,昨日於新加坡病逝。

Orignal From: 羅慧娟病逝 臨終錄製DVD鼓勵好友

林莉推翻 朱晨麗延續

同為港姐出身的朱晨麗及林莉,不約而同被列入翻版系列,分別被指似陳法拉及林志玲。翻版的好處,起碼出師有名,但欲知後事如何,就看個人造化。朱晨麗豪言壯語,翻版再翻版,希望將來出個「翻版朱晨麗」,林莉則想擺脫林志玲,大呼:「我係我!」

由港姐變名模踏上天橋,卻因身高及外形跟台灣第一名模林志玲相似,林莉多年來背負着「港版林志玲」的外號。凡事有辣有唔辣,這個外號時刻都提示大家把林莉與林志玲比較,但林莉從沒想過,也不敢妄想超越對方的成就。

日漸成長不跳步

她說:「我好隨遇而安,可以話冇乜計劃,煮到埋嚟就食。可能我諗嘢太正面,只係一心做好自己就算,就算大家要攞嚟比較都冇所謂。每人條路都唔同,我清楚自己做緊乜,向自己同公司交代就夠。不過,成日畀人咁叫,有時都覺得唔好意思,我係我,我未有林志玲咁犀利。」

林志玲行天橋行出「錢」途,逐步蜚聲國際,雖然林莉這個翻版跟正版的「錢」途還有距離,笑言只是「一舊雞」的她,對現狀很是滿足:「呢幾年出咗兩本寫真,喺韓國攞獎,有機會去唔同地方行唔同類型嘅騷,我搵唔到理由點解仲要話唔幸褔、唔滿足。好似行內衣騷咁,個個都嘩一聲,但係我可能長大咗,覺得都係工作一部分,冇咩唔妥。」

有人的地方就有是非,在競爭激烈的模界亦然,林莉坦言可能在經理人及家人的保護下,猶如溫室小花,故從不知道外間的風雨是非:「簡單講句,我係畀人搵笨都唔會知!我好慢熱,唔係好識睇人,所以有冇人玩我,或唔喜歡我,對方唔講出口我都唔會知!其實有好有唔好,好嘅係覺得個世界好似好和平,但可能得罪咗人或自己有缺點都唔知。所以,如果有人唔妥我,唔好喺背後講,直接同我講啦!哈!」

堅守原則拒應酬

人際脈絡令前途事半功倍,尤其模特兒主動點,機會自然多點。觀乎過往蘭桂坊名人夜蒲實錄中,林莉可算榜上無名,她說:「我都幾宅女,唔使開工就匿喺屋企,放工做番自己。我唔覺得唔去應酬會蝕底,模特兒係一種個人表現,客戶係咪欣賞係好主觀,我只會工作時同客戶打招呼傾吓偈,最多拍完嘢食吓飯。我唔覺自己唔識做o架,同埋經理人都幫我擋晒啦!叫我去應酬,真係唔知做咩好。我驚我會悶死對方,哈哈!」

後記:傻氣無改

始終如一,林莉多年來都保持着「一舊雞」傻氣十足的本色,說到興起時,會施展「貓爪功」肉緊地抓着你的手臂,又或者突然自行轉Channel,眼泛淚光的跟你說電影《我和尋回犬的10個約定》如何感人好看。浸淫圈中多年仍能保持赤子之心,模界玉女當之無愧。

正所謂「人有相似,物有相同」,雖說造物者創造每個人都是獨一無二,不過在毫無血緣關係下,也有「撞樣」情況。以演藝圈為例,應屆港姐冠軍朱晨麗(Rebecca)參選時被指是「國產周麗淇」,當選後成為「翻版陳法拉」,她笑言能跟以上靚女相提並論,實是榮幸:「大家嘅共通點應該係大眼同清秀,既然大家覺得我同呢啲靚女相似,我都會覺得自己係靚女o架喎!咁不妨畀人嗌吓綽號啦,哈哈!」

自信能成典範

不過,要成為某人的翻版,也要那位某人具知名度,Rebecca深明此理,所以期盼「翻版朱晨麗」的出現:「我希望遲啲觀眾會多啲記得我,可能再下一屆嘅港姐會有『翻版朱晨麗』呢!始終你有呢個代表性同特點,先會有人講邊個邊個似你,咁都幾開心!」

Rebecca當選港姐幾個月後,已有機會參演電影和電視劇的重要角色,但外間大多認為是源於她貌似陳法拉,像劇集《名媛望族》,法拉因健康理由辭演她才能頂上,不過她並不介懷:「觀眾未必記得我真名,但『翻版陳法拉』呢個名會令人快啲認識我,呢個方式入屋都幾好!」她亦懂得把「翻版」話題當宣傳:「有人問監製點解揀我,其實係佢哋覺得我感覺啱啲,又畀人話似法拉,外間就會講呢個女仔演陳法拉個角色,都幾大宣傳效用o架!」

壓力推動進步

演藝之路走得愈快,有機會跌得更快。毫無演戲經驗的Rebecca擔正《名》劇,稍有差池隨時被插爆「唔識做戲」,壓力並非人人能夠承受,但一想到機會難求,她就誓要把「機會與壓力」平衡,發揮最高效能:「壓力好定唔好,睇你識唔識揀,如果揀咗唔好嘅方向,咁就好難投入角色。既然壓力同機會點都要並存,不如將壓力化為動力推動自己咪仲快?我畀咗好多時間去溫習演戲嘅嘢,因為冇人廿四小時不斷教你,你要自己去摸索!」

後記:樂傳緋聞

朱晨麗上位快,不過緋聞傳得更快,拍攝《名》劇時與拍檔馬國明與吳卓羲傳緋聞,但她坦言不會避忌,更打趣說:「我係新人,都唔知可以驚啲乜!我哋都知邊啲係真、邊啲係假,最緊要相處和諧,就算同松哥(劉松仁)傳緋聞我都開心!」

林莉不願走捷徑上位,安於在公司和家人的庇蔭下緩步前進。
林莉不願走捷徑上位,安於在公司和家人的庇蔭下緩步前進。

朱晨麗
朱晨麗寄望自己的翻版出現,證明自己也擁有獨一無二的特色。

朱晨麗

朱晨麗

當選港姐冠軍後,朱晨麗(中)的工作機會接踵而來。
當選港姐冠軍後,朱晨麗(中)的工作機會接踵而來。

朱晨麗馬國明(右)
馬國明(右)

Orignal From: 林莉推翻 朱晨麗延續

黎耀祥 得「宇」恩果 千年記

陶大宇與黎耀祥相識十多年,這份兄弟情誼建基於2000年二人合作之《影城大亨》,祥仔借今次與大宇摸酒杯底,娓娓道來當年得陶大宇協助而銘記在心等不為外人知的事,對祥仔照顧有加的大宇,則認為對方雖比自己年少,但其高EQ卻可彌補他情緒上的缺失。

陶:祥仔,你兩屆視帝,我的確好戥你開心,要我形容對你贏到呢兩個獎嘅感覺,兩句說話:「心服口服、得來不易!」

黎 = 黎耀祥 陶 = 陶大宇

陶大宇 黎耀祥

陶大宇 黎耀祥
陶大宇與黎耀祥兩人摸酒杯底,盡訴心中情。
陶大宇 黎耀祥
陶大宇大讚黎耀祥有高EQ,可以補足他情緒上的缺失。
陶大宇 黎耀祥
黎耀祥經常帶兒子到自己工作的地方參觀。
大宇關照齊登台

黎:多謝!多謝!其實我都好珍惜今次同你敍舊機會,可以飲少少酒,大家摸吓酒杯底傾心事,對你以前關照我嘅種種,我仲銘記在心!當年合作《影城》日日相對,拍咗六、七個月時間,每朝開工,你買咖啡總會預我一份,2000年我喺廣播道買樓,都搵你問意見,你買「波子」(Porsche保時捷),我又會叫你揸返嚟影廠一齊欣賞,又試過一齊炒股票,一齊「賴嘢」……哈哈!總之大家一齊經歷好多,交往好密切,經常噓寒問暖!拍完個劇好唔捨得,每次都想見番你呢個阿哥!

陶:其實我都有好多人生道理要請教你,而你又畀到答案我,雖然有啲似是而非……哈哈!加上當年我都幾火,好忟憎,睇唔過眼就爆……不過,我兩個從未鬧過交,我發洩後又冇事!

黎:我仲記得,當年一齊做騷又送呔給我,就連我買樓時,可能你知我「唔掂」……喺內地登台都預我一份,將自己騷錢都分一半畀我,你仲記唔記得?

陶:哦……嗰次正好遇上一位老闆搵我到內地登台,我同老闆提議多一個藝人,但對方話唔使只要我一位,我為咗想同你一齊演出,我就同老闆講:「我送多一位藝人畀你搞氣氛,人工照舊!」當時我仲問你:「祥仔,你平日登台收幾多?我照畀你,一齊上嚟玩吓!」咁我就將我自己嘅酬勞部分分畀你,多、少幾萬收入對我嚟講其實冇太大分別,但我好開心,大家可以一齊唱吓歌、玩吓又當去旅行!

將情緒用於角色

黎:大宇哥你咁重情,每次起、居、飲、食你都照顧我……

陶:我仲記得拍《影城》時,我連你着嘅襪都幫你買……當時我哋喺影廠排戲,睇見你着嘅襪釘住牌,但個劇係六、七十年代,戲服又係吊腳褲,為配合戲劇背景,我跑咗去買了半打白襪畀你開工用。不過,只限買襪,底褲就留畀你老婆買!

黎:係喎……當時我仲以為對襪拉高唔太覺眼,但你就睇得好細心!

陶:可能我係處女座,凡事都追求完美,所以我對拍戲,每遇到睇唔順眼就會上火……

黎:連我對襪你都咁留意,證明你好細心,難怪拍戲你會咁躁!因為拍戲實在太多細節,外間誤會你發脾氣,其實你係追求完美,反之我就比較睇化,因為我習慣呢行嘅遊戲規則,你發脾氣,對件事又唔會有幫助,不如將這份情緒用喺適合角色上。

陶:兩屆視帝嘅金石良言,性格應用喺演戲角色而非待人接物!你EQ高,我都要靠你安撫,記得早幾年拍《掌上明珠》喺電視城再遇到你,有時都會因工作上忟憎,而我又會走過去搵你去傾吓偈,好多事當抒發完又冇嘢,所以我估當時我都煩你好多!

願做「帶子洪郎」

黎:不過,兩、三年冇見,大宇今次見番你,其實你內、外畀我嘅感覺都冇乜變,反而多咗一份經歷,眼光亦沉穩咗!猶記得以前你似有團火咁,行路亦似衝鋒,節奏好快,而今次你畀我感覺回落咗啲,淡定咗,比以前更舒服!

陶:階段唔同咗,你喺我眼中亦都長大咗,做咗慈父,你個仔好乖、好跟你,又會同你影相,換轉時下嘅青少年,同家長相處好有隔膜,唔係打遊戲機,就係拿手提電話玩,願意跟你出入,好難得!

黎:我又唔介意做「帶子洪郎」,等佢體會父母嘅工作環境,亦想個仔了解呢個娛樂圈嘅生態!

陶:相當同意,不過,我唔太習慣有親人喺我工作範圍出現,因為太有壓力,我會擔心親人呆等會悶,反而分心自己工作而唔投入,所以我好佩服你可以接受到!

黎:我都會有呢個感覺,因為工作需要,我都會同其他對手溝通,甚至女對手,大家都要互相了解,習慣了對方節奏先可融入演戲中,會更自然……所以會有啲尷尬位,我都會同老婆講,最好唔好跟!

陶:咁你太太會好明白,佢好好……有家人陪,其實好幸福,正如最近你喺橫店開工,你太太都有陪你,照顧你!

黎:嗰次去橫店係為《大太監》拍外景,休息時間冇問題,反而係當地太多旅客圍觀,我哋喺影城內取景,個地方係旅遊區,所以好多旅行團買票入場參觀,難為我哋要經常「攔人」而NG,阻住進度,辛苦就係當時又熱又曬又着厚厚古裝「焗等」!

陶:但你好捱得,當年你拍《影城》時,外面又拍電影,見你幾乎冇覺瞓,幕後人員見到你捱都搖搖頭……嗰時劇組收機,你趕去拍電影,廠外有車等住接走你!

黎:嗰時最高峰可以忙到四日冇瞓落張床,當年我個仔仲未出世,老婆又大肚,而我係電影新人,好多電影都想用我,但又唔係主角,戲份唔多,為賺錢,我頂硬上都會接拍,最高紀錄有六組戲喺身!今時今日有呢個底子,都係當年捱出來!

採訪:影視組

攝影:黎志輝

場地:WHISK(The Mira Hong Kong)

Orignal From: 黎耀祥 得「宇」恩果 千年記

瞞家人隻身返港圓星夢 陳智燊盼演員主持雙線闖名堂

憑一口流利英文加上英俊外貌而吸引觀眾的陳智燊(Jason),6年前隻身從英國買單程機票回港加入TVB,為的就是滿足自己的明星夢。6年過去,Jason在娛樂圈成績不過不失,但近期人氣攀升!未來他以崔建邦為目標,希望有一日做主持,可以像他一樣的出色。

■採、攝:植毅儀 場地:五十年代餐廳 The Fifties  服裝:Tcny

去年憑《誰家灶頭無煙火》入屋的34歲陳智燊(Jason),在新劇《衝呀!瘦薪兵團》和唐詩詠首度演情侶,2人更有咀戲及掌摑戲份。還是演戲初哥的Jason說起今次咀戲,很多謝唐詩詠提點。「在演戲上,唐詩詠的經驗比我好,她很懂照顧別人又細心。可能她知道我演戲經驗少,所以拍劇前會和我對戲,減輕我的緊張。今次不是我第一次拍咀戲,心情沒第一次緊張,拍了7至8takes已經OK。反而是拍一場被唐詩詠掌摑戲印象難忘,因為當晚拍了一整天,拍到晚上11時的夜戲,有點呆呆滯滯,被唐詩詠掌摑後,反而精神多了。」
為入娛圈說謊騙家人

擁有倫敦大學經濟學碩士學位,Jason有樣有內涵屬於「可愛大男孩」,上有一個哥哥,下有兩個弟弟的他,當年瞞著家人從英國買了張單程機票飛回港。「在英國已經接觸TVB的劇集,所以用了一個很美的謊言去包裝返港一事。我當時告訴父母是回香港找機會回內地發展。記得當日收到TVB通知知道藝訓班取錄,我興奮得馬上打長途電話告訴媽媽,卻聽到媽媽的語氣十分失望。當然我也明白家人的擔心,她們怕娛樂圈複雜。幸好現在算有點成績,和家人傾電話時,也多了一個話題。」

開心能被途人叫出中文名

回香港發展6年,陳智燊算是機會處處,先在明珠台擔任主持「試水溫」,近年開始涉足拍劇,被力捧為「陳豪第二」,新劇《幸福摩天輪》擔正做男主角,與鍾嘉欣做情侶。問到Jason是喜歡拍劇還是任主持?他心大心細地說:「其實我兩樣都喜歡,做主持相對來說沒太大壓力,因為稿都是預先準備好的,我可以有較多時間去準備。我入行初是做娛樂新聞台主播,Live節目很難做,自己廣東話又不太好,一on air就緊張得手心冒汗,每次做完都很有挫折感。那時要自我調節心理質素,節目監製也教了我不少任主持的技巧,過了3至4個月就OK了。至於拍劇我真是又愛又恨,因為拍劇很多時都是飛紙仔(臨時劇本),自己要付出加倍努力,但在戲劇的世界,我又可以演繹不同角色,好有滿足感。以前大家見到我可能只可以叫我英文名,現在走在街上不少人更叫得出我中文名,令我心花怒放!如果100分滿分,我畀現在的自己60至70分。我以崔建邦為目標,希望有一日做主持,可以像他一樣的出色。」

陳智燊(Jason)被捧做新一代小生,將於新劇《幸福摩天輪》擔正做男主角。
Jason被捧做新一代小生,將於新劇《幸福摩天輪》擔正做男主角。

Orignal From: 瞞家人隻身返港圓星夢 陳智燊盼演員主持雙線闖名堂

羅慧娟胰臟癌病逝 享年45歲

香港藝人羅慧娟昨天因胰臟癌病逝,享年45歲。

羅慧娟是在昨天於新加坡家中逝世。其繼子劉鎮洪受訪時證實她的死訊,他語氣哀傷地透露家人目前正著手處理喪禮,但在父親的指示下表示不願透露詳情,並籲親友留意訃告。

羅慧娟是在2008年嫁給年長她16歲的新加坡金融才俊劉誌敏。可是,卻在2010年被驗出,患上胰臟癌。同年,她開始接受治療。

不料,今年病情惡化,2月份她甚至在香港住家為自己預先搞了一個"告別會",與20多位至親好友,包括好姐妹陳法蓉、黎美嫻、鄧萃雯及藝人之家負責人黃凱欣等,並滿臉笑容地為每個朋友交代後事。

因抑郁祈禱得癌死;婚後大方談舊愛周星馳:"我很癡心,他當我神經病"。



Orignal From: 羅慧娟胰臟癌病逝 享年45歲

2012年6月29日星期五

黃家駒逝世19年專輯 再見家駒

19年前的今日,無情的死神帶走黃家駒,樂壇失去一位才華洋溢的歌者,港人失去了一位發聲領袖。歲月無聲,這麼多年來,幾多藝人像家駒一樣,不畏強權站出來對抗社會不公?回歸過後,大部份藝人只顧荷包,埋沒理想,連當年滿腔熱血為 Beyond歌曲《大地》、《長城》填詞的劉卓輝,今日也要為回歸擦鞋歌《難忘時刻》填詞。

明日7.1是香港回歸15年,但一個時代的終結,只是另一個時代的開始,家駒留下來的樂與怒精神,早已植根八、九十後的腦海,猶當看到16歲少年鼓神敲打着曲奇餅罐演繹《我是憤怒》「 I never die, I never cry!」家駒沒有死,而是以另一方式延續。本報記者日前訪問了家駒昔日戰友,問他們倘若家駒在生,他正在做甚麼?葉世榮相信他會堅持音樂理念出個人唱片;黃耀明相信他會繼續夾 band;我們相信,他明日會穿起黑衣上街高唱:「沙不怕風吹,在某天定會凝聚!」採訪:陳玉琼、李全

黃家駒逝世19年專輯
Beyond這張在舊屋天台拍攝的照片,頗有《天與地》氣勢,家駒褲上寫着「熱血化碧濤」,燃燒了幾多年輕人的鬥志。

黃家駒逝世19年專輯
《相依的心》
黃家五兄弟姊妹,家駒排行第四,家強自小已十分崇拜二哥。

黃家駒逝世19年專輯
《相依的心》

黃家駒逝世19年專輯
《摩登時代》
Beyond於83年成立,當時阿 Paul仍未加入,四眼的家駒一臉稚氣。

黃家駒逝世19年專輯
《高溫派對》
Beyond五子絕版水着。

黃家駒逝世19年專輯
《長城》
家駒(左)88年在北京開騷,在長城留影。

黃家駒逝世19年專輯
《舊日的足跡》
家駒除了懂彈結他,連長笛也會吹奏,當年曾為《舊日的足跡》伴奏。

黃家駒逝世19年專輯

葉世榮:「佢想出個人唱片」


《 Beyond成員》
「家駒雖然走咗一段時間,我同好多 fans、朋友一樣,仲好掛住佢,基本上每日都會諗起佢,一齊玩、一齊做騷,最後為咗音樂理想,去咗一個唔熟悉嘅地方日本,間中仲會閃過發生意外嘅片段。家駒好開朗、健談,又有幽默感,我發夢成日夢到返番去 Beyond未紅時,我哋成日喺紅館平台玩遊戲。家駒太有原則,玩遊戲佢都好認真,要依足遊戲規則。」

「有機會再同佢唱歌」


「人生無常, Beyond雖然已經分開發展,我相信家駒會好明白,大家各自為自己理想各自奮鬥,如果家駒仲在生,我相信佢家仍然有好多音樂理想,喺日本嘅時候,家駒曾經講過想出自己個人唱片,佢家應該出緊個人唱片。

「不過我相信家駒已經去到一個好好嘅地方,呢個地方我哋將來都會去,只不過佢先行一步,我哋一定有機會再同佢唱歌。我哋係唔捨得家駒,叫佢唔好走,但當家駒靈魂離開軀殼,佢就應該放下人間所有嘢,離開呢個世界,唔好掛住我哋人間,放心去一個更美麗嘅地方,平靜嘅世界。」

黃家駒逝世19年專輯

黃耀明:「繼續做緊領導者」


《同期戰友》
「 Beyond同達明一派喺同一個時代出世,講起嚟真係好有緣,劉以達同家駒熟啲,我同家強熟啲,家駒同我同年同月生,我同家駒一樣歲數,大家只係相差幾日,好多佢感受到同經歷過嘅嘢,我都經歷過……」

 

「對音樂好狂熱」


「家駒係一個好好嘅音樂人、歌者、作曲人,留低咗好多好歌畀世人,我哋只可以拎住佢嘅經典舊作品,不停喺世上傳唱,《歲月無聲》、《情人》、《永遠等待》、《海闊天空》好多好多,我都好欣賞,佢嘅歌聲好獨特,好多 rock友都受家駒影響。

「喺1988年,達明一派同 Beyond合作過,好出名有兩首歌,啱啱今次演唱會都有唱,8月喺亞博嘅 Part2都會唱,《你還愛我嗎?》中間有段和唱,好明顯聽到家駒把聲,好似黑人咁喺度嗌,冇唱歌詞,只係唱嗰啲咿咿哦哦;仲有最後唱嘅副歌『我已經不懂得觀察真假』,家駒同 Beyond一齊唱。另一首歌係《沒有張揚的命案》,亦都係 Beyond幫我哋和唱。

「如果家駒仲在生,好明顯佢仲喺度玩音樂,佢對音樂好狂熱,其餘 Beyond三位成員都喺度玩音樂,家駒係火車頭,佢繼續做緊領導者。」

黃家駒逝世19年專輯

Dash:「一定仲夾緊 band」


《 Mr.低音結他手》
「我8、9歲已經鍾意 Beyond,第一次聽到 Beyond首《爸爸媽媽》,以為首歌係鬧阿爸阿媽,聽落之後,原來係講社會現象,即刻愛上 Beyond,覺得佢哋啲題材好特別,唔係淨係情情塔塔,我聽音樂同夾 band嘅起源,全因為 Beyond呢首《爸爸媽媽》,啲詞真係好犀利,好有前瞻性。」

「我想做跟班」


「好遺憾,我鍾意 Beyond時,家駒已經走咗,我只可以睇相片同錄影帶、聽 CD,夾咗 band之後,同 Beyond嘅 Paul哥最熟,我會有意無意之中問 Paul哥家駒以前嘅事,又會乘機問如果家駒喺度,佢會點睇……有種薪火相傳感覺。

「為《海闊天空》彈鋼琴部份嘅孫偉明,將家駒展覽其中一張相送咗畀我,我珍而重之掛咗喺 band房,畀我動力。如果家駒仲在生,佢一定仲喺度夾緊 band,我會做緊家駒嘅 roadie,即係跟班,幫家駒攞結他、遞結他,呢個係我夢想。」

黃家駒逝世19年專輯

陳海琪:「為李旺陽企出來」


《 Beyond好友》
「識佢哋時,佢哋揸住《再見理想》錄音帶,周圍搵人幫忙播歌,嗰時好多樂隊都已經簽晒唱片公司,係得佢哋冇人簽,我覺得呢隊樂隊好有心,自己行台。最難忘 Beyond去橋咀島演出,我做司儀,嗰度好荒蕪,要喺盂蘭節戲棚演出,只得零星觀眾,我哋傾咗好耐偈,講吓大家理想,家駒話我哋一定要展翅高飛。咁耐以嚟,家駒完全冇改變,見到肝膽相照嘅朋友,依然好長氣,如果有任何嘢,只要同佢持相反意見,佢會用講道理方法拗到底。」

一聲保重成永訣


「 Beyond去日本前一日,嗰時我喺 CR2(商業二台)做夜晚節目,嗰朝好奇怪,突然心血來潮,聽到 Beyond好早嚟咗電台做訪問,我突然好想撲返去見佢哋,所以飛的士趕返去,佢哋啱啱好做完節目,我哋企喺走廊傾咗一陣,家駒仲同我講,翌日我哋要去日本喇,我問佢,你哋幾時返嚟?佢話唔知吖,嗰度係新嘅市場,好大壓力,所以嗰時我一聲保重,估唔到係永別。

「如果家駒仲喺度,繼續控訴呢個世界嘅咁唔公平、唔公義,好似李旺陽事件,佢一定第一時間企出來。 Beyond係佢嘅生命,音樂係佢全部,佢依然會將所有精神放晒喺音樂。」

黃家駒逝世19年專輯

粉絲 Mavis:「阻梁振英做特首」


《現任寰亞集團宣傳部總監》
「鍾意 Beyond,係我媽咪叫我鍾意,媽咪喺電視睇到《阿拉伯跳舞女郎》 MV,媽咪話呢隊 band好好聽。嘩,又真係好好聽喎,嗰年我13歲。鍾意 Beyond時,佢哋仲未紅,每次只得三、四個 fans,所以 Beyond對我哋呢幾個 fans印象特別深。

「因為冇錢交學費,去咗報館做記者, Beyond拍 MV,我去探班,第一次畀佢哋知道我做咗記者,家駒反應好大,話『唔係吖?快啲返去辭職,記者行業好複雜。」但我覺得每個行業都複雜,可能聽 Beyond歌長大,無意中學咗佢哋人生態度—好堅持!

「有一日,喺日本採訪家駒受傷入院嘅同事,越洋打電話畀我話:『家駒走咗喇!』我冇流一滴眼淚,繼續工作,做完嘢,我匿喺公司廁所打畀媽咪,我忍唔住喊,不過媽咪比我喊得更厲害。」

「家駒叫我哋爭氣」


「家駒成日叫我哋爭氣,家駒走,令我知道呢個世界冇嘢冇可能發生,教曉我接受同爭氣,家駒永遠喺我心裏!家駒一向見義勇為,睇唔過眼嘅一定挺身而出,如果家駒仲在生,梁振英就會選唔到做特首。」

黃家駒逝世19年專輯

阿龔:「做咗住家男人」


《 Beyond前助手》
「家駒完全冇架子,係一個好開心嘅人,無論遇到乜嘢問題,佢都正面去諗,去日本發展,家駒睇得好正面,佢覺得終於有香港人,或者講中文嘅音樂人,開始喺日本落腳。

「 Beyond fans好特別,每個 fans都個別鍾意某一個成員,唔會一個 fans鍾意晒 Beyond四子,雖然大家各自支持一位偶像, fans之間唔會爭風呷醋,相處得好融洽。試過一次因為太大班 fans衝上港台,將港台大堂玻璃撞爛。」

做騷前食清音丸


「家駒生前有個喜好,每晚做完嘢送佢返屋企,好鍾意幫襯佢屋企附近一檔食喳咋,佢又好鍾意食普通嘅嘢,飯盒佢最鍾意,可能同佢平民出身有關,好隨和,而做騷前,佢一定要食一粒清音丸。

「我幫 Beyond做到佢哋第一次去日本,之後因為長時間留喺日本,日本嗰邊請人幫 Beyond,如果家駒仲在生,佢一定仲係見到乜嘢都哦一餐,嗰時有句說話:『家和萬事興,家駒口不停。』佢有啲似阿伯,嘮嘮叨叨,乜都哦一餐,又或者佢已經做咗住家男人,一啲都唔出奇㗎,以佢個人絕對有咁嘅可能性。」

Leslie Chan:「家駒未必會結婚」


《 Beyond前經理人》Leslie Chan
《 Beyond前經理人》

「 Beyond喺83年成立,下年30周年,我同 Beyond由85年合作到92年,家駒人生最大轉變係跟港台去完新幾內亞探訪返港,親身經歷過第三世界,眼界睇遠咗,處事亦成熟咗,我哋去到當地教堂,教徒會喺教堂內彈結他,氣氛好輕鬆,完結後大家互相擁抱,家駒好詫異,同我講,可以同陌生人擁抱嘅咩?睇到佢感覺到人同人之間嘅關懷。」

「好遺憾去咗日本」


「家駒對音樂比較自我,不過佢知道 Beyond要生存落去,就要同市場妥協,但又唔可以太流行,又要保留 Beyond風格,佢嘅堅持實在唔容易,佢每行一步都孭住咗全隊樂隊責任,但家駒做到咗。 Beyond經歷過兩次低潮,出完第二張碟《阿拉伯跳舞女郎》,同第三張碟《現代舞台》之間,嗰年係88年,家駒冇乜心機,好失意,佢亦冇乜出現;第二個低潮,好遺憾去咗日本,差不多20年後嘅今天,如果問我與 Beyond之間遺憾事,最遺憾唔係同佢哋打官司、更加唔係後期同三子交惡,而係冇機會完成我同 Beyond一同征服日本市場夢想。

「如果問我有冇後悔安排 Beyond去日本?最近整理番 Beyond嘅合約,睇番我同 Beyond最後一張合約,嗰張係92年1月1日嘅錄音合約,合約結束日期係93年6月30日。人逃唔過命運!去到日本, Beyond好奇問日本公司佢哋嘅日文名,家駒叫 Koma,家強第一時間好大反應話,阿哥你個名唔老嚟,昏迷咩,家駒只係哈哈笑吓,反應冇乜嘢,最後,好遺憾家駒真係昏迷, Koma與英文 Coma同音, Coma即昏迷,改變唔到嘅事實!

「去到日本發展,我俾日本公司 Amuse隱形咗,唔畀我參與,喺家駒出事後,我同家駒已經結咗婚嘅前度女友、同埋家駒嘅好朋友飛咗去日本,去到醫院,日本仔攔住我,話家駒昏迷緊唔見得,第二日睇新聞報道話家駒噚日已經過身,我好難過,與我同行嘅家駒朋友,原本可以見家駒最後一面,但係因為我,而冇得見佢最後一面,呢個係我最難過、最內疚嘅事。」

《海闊天空》講愛情


「我相信家駒已經輪迴,開始咗另一階段,如果家駒仍在生,佢一樣都係對音樂好堅持,不過可能會輕鬆好多,唔需要再考慮市場,做自己喜歡音樂,我相信佢雖然已經50歲,但佢未必會結婚,《海闊天空》好多人都覺得係勵志歌,但以我了解嘅家駒,其實係佢對愛情嘅睇法。」

Orignal From: 黃家駒逝世19年專輯 再見家駒

再戰娛樂圈 黃美棋細訴童星得失

明報周刊 第2277期

還記得在周星馳電影《行運一條龍》中,飾演曾近榮孫女的小童星黃美棋嗎?相隔十多年,美棋已成為亭亭玉立的廿二歲少女,最近更成為王維基電視台旗下新人,她雖然年紀輕輕,但已拍了五十套劇集,曾跟圈中多位巨星合作,童年活在五光十色娛樂圈裏,不過璀璨背後,美棋失去是一般的童年生活,有時在校園裏更因為「樹大招風」而遭同學嫉妒。

黃美棋四歲那年,在街頭被星探發掘接拍一個家庭用品廣告後,自此展開了童星生涯,拍過的廣告、電視劇及電影多不勝數,先後跟梅艷芳、劉德華、周星馳、郭富城、旺明荃、薛家燕、陳慧琳、蔡少芬、佘詩曼等合作,粒粒巨星,而最令她難忘,莫過於在九五年梅艷芳演唱會中,扮演童年版阿梅唱《歌之女》,在紅館唱足十五場,「梅姐給我印象很深,她很nice,每晚完騷後,她都會抱着我在後台周圍走,她的fans送花給她,她會問我喜歡那一束,然後將花送給我。」

再戰娛樂圈 黃美棋細訴童星得失

再戰娛樂圈 黃美棋細訴童星得失

Orignal From: 再戰娛樂圈 黃美棋細訴童星得失

橫店直擊《金枝慾孽(貳)》鄧萃雯吻得緊張 陳豪向女友備案

明報周刊 第2277期

橫店直擊《金枝慾孽(貳)》鄧萃雯吻得緊張 陳豪向女友備案

橫店直擊《金枝慾孽(貳)》鄧萃雯吻得緊張 陳豪向女友備案

橫店直擊《金枝慾孽(貳)》鄧萃雯吻得緊張 陳豪向女友備案

橫店直擊《金枝慾孽(貳)》鄧萃雯吻得緊張 陳豪向女友備案

Orignal From: 橫店直擊《金枝慾孽(貳)》鄧萃雯吻得緊張 陳豪向女友備案

許志安鄭秀文 婚宴場地絕密曝光

明報周刊 第2277期

安仔Sammi 婚宴場地絕密曝光


許志安和鄭秀文(Sammi)於今年訂下結婚大計,準備秘密到外地舉行婚禮,可是消息外洩,安仔為保護Sammi並希望低調完成人生大事,一直獨力否認婚訊,可是全城對世紀婚禮引頸以待,希望見證這對完美組合開花結果,據消息透露,安仔和Sammi計劃婚禮舉行後返港開派對,與數百名親友分享喜悅,他們已有初部落實日期和場地;準許太近日苦練廚藝和keep fit,務求做個入得廚房,出得廳堂的靚爆新娘子。

今年初,許志安眼見身邊好友陸續結婚,先後出席多個婚宴,深被能為另一半作出愛的承諾而感動,盟起結婚念頭,鄭秀文亦因為好友相繼生仔而有所啟發,開始對「抗拒婚姻」的態度軟化,加上許、鄭兩家及朋友不停在旁催婚,最終令這段一致看好的感情開花結果,為這個喜事多多的龍年更錦上添花。自結婚的消息傳出後,雖然安仔多次公開否認婚訊,希望低調完成人生大事,但由於二人已決定婚禮完成後返港舉行派對,準備與數百名親友分享喜悅,消息再進一步外洩。

為籌辦人生大事,低調騰空九至十一月放假,Sammi目前已開始在工作的空檔期中苦練廚藝,每天又抽空一小時做運動,在婚前積極裝備自己,務求做個入得廚房,出得廳堂的好老婆,據知,至今她仍未肯落實年尾開演唱會事宜,可見她對新婚的重視。他們決定到外地結婚後回港,訂於十月初舉行派對慶祝,地點暫定在香港仔珍寶海鮮舫頂層的西餐廳「Top Deck」,這個派對場地不單神秘,四周均被海景包圍,室外有酒吧、露天茶座,室內有餐廳,場內設有多張桌球枱,正好讓新郎哥和一班兄弟切磋球技。而客人可要求佈置婚禮場地,室外又可以搭建白色帳篷舉行戶外宴會,客人亦可乘搭私人遊艇直達會場,非常私隱。

許志安鄭秀文 婚宴場地絕密曝光
安仔今次充當伴郎,期待下次他以「新郎哥」角色示人呢!
許志安鄭秀文 婚宴場地絕密曝光
Sammi以一身型格打扮出席歐陽德勛及蔡立兒的婚宴,鬼馬的張衛健還戲言要把花球塞到Sammi手中。
許志安鄭秀文 婚宴場地絕密曝光
陳奐仁和太太Prima在歐陽德勛及蔡立兒的婚禮上,公然向安仔祝賀,令到他與Sammi的婚訊甚囂塵上,場面有點尷尬。
許志安鄭秀文 婚宴場地絕密曝光
珍寶海鮮舫充滿中國宮廷風格,而Top Deck位於頂層。裝潢同樣富中國色彩。
許志安鄭秀文 婚宴場地絕密曝光
Top Deck擁有寬闊的露天酒廊,古色古香的設計有另一番韻味。
許志安鄭秀文 婚宴場地絕密曝光
客人可要求餐廳在戶外設篷帳,舉行私人宴會。
許志安鄭秀文 婚宴場地絕密曝光
海上餐廳優勢在於環境優雅,而且有別傳統,成為舉行婚禮儀式的新熱點。
許志安鄭秀文 婚宴場地絕密曝光
露天與室內同時設有雅座,置身當中享受悠悠海風,感覺舒適。
許志安鄭秀文 婚宴場地絕密曝光
餐廳內有桌球枱及足球機,供大家娛樂。
許志安鄭秀文 婚宴場地絕密曝光
餐廳裝潢甚具中國色彩,安仔及Sammi在這裏搞派對,確實有心思。
許志安鄭秀文 婚宴場地絕密曝光
安仔和Sammi對婚事均十分口密,但紙還是包不住火。

Orignal From: 許志安鄭秀文 婚宴場地絕密曝光