面對面
如果命運能選擇 黄德斌
2012年01月04日
收視低開又如何？被河蟹又如何？
身邊人人都喪追《天與地》、報紙雜誌搜尋榜討論區長期是話題、辦公室裏個個每晚 9點半心掛掛開電視、 bass手「 Ronnie」真身來到，整層影樓排起長龍要跟他合照，正如黃德斌所說：我淨係聽到每日同我影相嘅人同我講：『我有睇！』」
黃德斌在《天與地》裏扮演 bass手 Ronnie，揹住成頭家，和一段不願意記起的食人記憶，總是眉頭深鎖。
06年憑《火舞黃沙》獲得「萬千星輝最佳男配角」獎項，那一年名利雙收，黃德斌說曾經有一刻，以為輪到自己。《蘋果日報》圖片
貧賤夫妻的出處
與戚其義相識 20年， 97年跟着阿戚回流無綫，代表作《金枝慾孽》、《火舞黃沙》都是由戚其義監製。《壹週刊》圖片
第一次訪問黃德斌，是因為劇集《火舞黃沙》，五年以來打過幾次交道，印象最深就是他的兩句話，「貧賤夫妻百事哀」和「崩口人忌崩口碗」。
第一句話出自感情觀，黃德斌說：「感情狀況多謝關心。
結婚生子，唔係潮流我唔想去趕。貧賤夫妻百事哀，見到老豆老母咁慘，我何必要再嚟多一次？」
黃德斌的父親是警察，母親是家庭主婦。
他一早說過家裏經濟拮据，母親因為患病和舅父離世打擊患上精神病：「同《天與地》一模一樣，我中學年代都同幾個朋友夾過 band，唱過英文歌。我哋冇學音樂、冇諗過理想，每個人拎廿幾蚊出嚟夾百零蚊租兩個鐘 band房，叫做好過去麥當勞坐咁解。我哋嗰陣時邊有夢想，下個星期想睇場戲，儲齊廿蚊買張飛就係夢想、畢業搵到多啲錢就係志願，細細個連一塊乒乓波板都俾阿媽打爛嘅，可以有咩理想？唔係唔想諗得遠啲、有大志啲，係成長環境唔容許我哋諗太多。
阿媽覺得我哋唔喺佢身邊就係唔安全，就會驚。
唔理我係唔係讀到書，總之揸住本書喺佢視線範圍就得。
你覺得我撈得可以、好過好多人，我覺得自己未夠、身上嘅擔子仲係好重，佢（女友）要嘅嘢，我能力範圍可以畀晒佢，但既然唔係寬裕，點解仲有組織一個樣樣都掹掹緊嘅家庭呢？」
要扮，叫李思捷去扮
做《真情》越南仔，是因為自己個樣夠娘，在《妙手仁心》演監躉，是因為自己書讀得唔多骨巉巉，黃德斌很會自嘲。《忽然 1周》圖片
第二句話，是源於兩年多前，潮丐犀利哥網絡爆紅，公司上下一致認同，香港男藝人屬黃德斌最型棍、滄桑氣質最近似，請他為我們拍一輯真正用名牌潮服打造出來的港版 high fashion犀利哥：「唔好啦，崩口人忌崩口碗。」黃德斌的話讓我摸不着頭腦，一個香港型男演員，得要自尊心多強、對現況多不滿意，才能覺得扮演一個乞丐角色是自嘲？
「佢係一個乞兒，一個悲劇人物，所以我話崩口人忌崩口碗。你話演員應該要包容力強，但唔代表乜都要接受，都可以有自己喜好！
你話我平時曝光唔夠，需要宣傳機會，我覺得要話題，我黃德斌自己都可以，唔使靠一個乞兒去製造話題囉！
要扮嘢、要做 copycat，去搵李思捷啦。
我知道我唔係一個多產嘅演員，我知道我條路行得辛苦，不過博宣傳，嗰個唔係我，冇咁嘅必要囉！」
去年拍了兩部電影、八套電視劇，黃德斌依然覺得自己產量不高，一路走來不平坦：「我咁多年從來冇推過角色，喺公司出晒名每個角色都搏晒命，相信好多人會覺得我認真過頭。
嗰啲揀劇拍嘅人，係佢哋有錢、有地位可以選擇。
我唔係呢啲人，最想工作愈多愈好，不過呢啲係公司嘅選擇唔係我嘅選擇。」
生活是一堆挫折
我在微博上看到，有些內地粉絲對黃德斌的評語是：「他每次演的角色都太苦迫了，看着累。」
金牌監製戚其義的劇集愛玩深沉，黃德斌是戚其義的鐵膽演員班底之一。
兩人二十年前認識，黃德斌是電影幕後，戚其義是亞視導演，講戲講到變老友，講到十多年來阿戚開戲實有佢份，每個角色又都有番咁上下慘：「閱歷就每個演員都有，我唔覺得自己多過人，可能係個外形骨巉巉， 啱佢心水。」
僅僅是外形骨巉巉嗎？不止吧。
十歲不到就因為多病的母親和大哥要常常出入醫院，照顧弟弟；中學畢業為兩餐做過跟車、傳銷、倉務員； 88年加入藝訓班，捱過幾年跟班、打手歲月，為做一次男主角和一張五位數字支票拍三級片《燈草和尚》搞到被無 綫炒；如今 88年的同班同學甄子丹已經是宇宙最強， 97年回流娘家同期起步的陳豪早就是當家小生，用〈年少無知〉的歌詞「生活是一堆挫折」來形容黃德斌剛好，不找他去做苦情角色，找誰？
「 06年攞『萬千星輝最佳男配角』，曾經都試過一剎那閃過『終於到我啦！』
嘅念頭……日子耐 咗，自然就習慣，就算你做主角都唔會鋪鋪爆，冇得你甘心唔甘心，咁唔通你話做就一定要做董事？咁淨係畀你做經理唔通就唔做咩？」
與多年女友 Joyce感情穩定，還打本給女友在尖沙咀開了兩間時裝店，雖然在鏡頭前不肯提女友，黃德斌出名愛錫她。《蘋果日報》圖片
年少不好
除了《天與地》，電視上最近還常播黃德斌的男士護膚廣告，看到它我就想起那些年，黃德斌無上裝除掉牛仔褲鈕扣為本刊拍照宣傳《火舞黃沙》，半打女同事報名去影樓做義工，女高層見到半裸大隻斌方寸大失的畫面。
那一年他 44歲。
「你 哋係幫手嘅，就唔好成日提住年紀啦！我仲想試吓拍唔同角色㗎！成日被報歲數，你估有無影響？你話呀！你話呀！」
我想反駁，黃德斌無上裝，是 44歲好看，還是 29歲拍《燈草和尚》好看？你話呀？你 哋話呀？
仲肯唔肯除？一週做三日 gym的黃德斌說，給他三個月時間操 fit，就除。
92年為做一次男主角接拍三級片《聊齋 II之燈草和尚》，黃德斌當年三級片約不絕，要是看得開都接，一早發達。
撰文：朱小博
攝影：范仲良
化妝、髮型： Peace
形象： Bryan@ the Flaming
服裝： angé s b.
Orignal From: 如果命運能選擇 黄德斌
沒有留言:
發佈留言