2012年9月13日星期四

基出位古明華 近6萬網友撐攞最佳男配角

無綫劇《巴不得媽媽…》令女主角之一的岑麗香迅速上位,劇中飾演蘇基的綠葉古明華也備受追捧,網友愛他基味濃而不核突,網友遂發起「一人一like撐蘇基攞獎」行動,支持他挑戰今年台慶最佳男配角或飛躍進步男藝員獎,截至昨日已獲近6萬名網友like。

其實古明華早在網友心中已是響噹噹的人物,他94年在周星馳電影《國產凌凌漆》中演的公安阿頭,亂槍掃射喊得極度樣衰的梁思浩、鄧兆尊,大快人心而被網友勁讚。古明華在無綫劇《巴不得媽媽…》飾演乸型蘇基,基味濃得來夠搞笑又不核突。

前晚一集古明華與養母蘇恩磁的母子情亦甚感動,網友遂發起「一人一like撐蘇基攞獎」行動,支持古明華爭今年飛躍進步男藝員獎或最佳男配角,截至昨日已獲近6萬網友like。

【今日我至乸】古明華捱咗20幾年,今次喺《巴不得媽媽…》演蘇基乸到被網民熱捧佢攞最佳男配角,睇佢可唔可以成為第二個柴九!
【今日我至乸】古明華捱咗20幾年,今次喺《巴不得媽媽…》演蘇基乸到被網民熱捧佢攞最佳男配角,睇佢可唔可以成為第二個柴九!

古明華演的乸型蘇基十分搶鏡,更發現闊太朱咪咪是他親生媽咪。
古明華演的乸型蘇基十分搶鏡,更發現闊太朱咪咪是他親生媽咪。

前晚一集《巴》劇中,古明華與養母的喊戲(小圖)感動不少觀眾。
前晚一集《巴》劇中,古明華與養母的喊戲(小圖)感動不少觀眾。

古佬在《國產凌凌漆》飾演公安阿頭,收錢放生周星馳(右)笑爆全場。
古佬在《國產凌凌漆》飾演公安阿頭,收錢放生周星馳(右)笑爆全場。

「第一次咁多人撐」


古明華昨接受電話訪問,被問到網友支持他角逐獎項時謙虛地說:「好開心,估唔到反應咁大,但開心之餘其實睇番仲有好多不足嘅地方,希望觀眾睇清楚啲有好多做得唔好,但點都多謝佢哋,第一次咁多人撐我,有少少迷惘,多謝佢哋支持我,未來會更加努力答謝佢哋。」

問到是否想攞獎?古明華說:「呢個好被動,公司政策,啲獎畀邊個,大家會明白,咁多人支持當然希望攞,但除努力做好工作外,冇乜嘢做到,好被動。」

學院派曾逐金像獎


人稱古佬的古明華不但是實力派,更是學院派,90年在香港演藝學院畢業,曾是香港話劇團成員,93年以電影《旺角馬場》角逐第十二屆香港電影金像獎最佳新人,對手有袁詠儀、朱茵和鄭秀文等,但最終敗給袁詠儀。古明華亦是配音員,曾為賣座動畫《反斗奇兵》系列聲演士兵隊長。

採訪:汪芷寧

Orignal From: 基出位古明華 近6萬網友撐攞最佳男配角

沒有留言:

發佈留言