黎耀祥現時於無綫一劇接一劇，今年的台慶劇《大太監》亦由他擔綱演出，隨時有機會再捧走「視帝」獎座。由於祥仔飾演的劇集，一直甚受馬來西亞觀眾歡迎，最近他就被當地電影商看中，找他拍攝電影《丐世英雄》，據知酬勞更非常可觀，高達七位數字，祥仔稍後便會親自到馬來西亞與導演傾談拍攝細節及開記者會，預計十月尾正式開拍。
馬國片商誠意打動下，祥仔決定過江統領丐幫。
誠意遷就檔期
記者昨日致電給祥仔，說到是否真的以七位數字接拍時，他即笑言：「呢個係商業秘密，總之係非常之滿意嘅價錢。」他透露今次接拍原因除了是酬勞豐厚外，最主要是因為對方的誠意打動：「其實之前我都考慮緊，因為之後台慶都好忙，要出席台慶活動、節目巡禮之餘，又要為《大太監》宣傳，不過對方好好，佢話唔緊要，我一要返嚟做嘢就會度晒啲期畀我，人哋咁有誠意，我邊好意思推？」
祥仔首次到馬國拍戲，唔知太太會否隨行。
祥仔與米雪合作的《大》劇在台慶期間首播。
每日拍12小時
祥仔坦言從未接觸過當地電影，希望今次可與那邊演員擦出火花，他謂：「其實香港電影都有啲飽和，冇乜新衝擊，大卡士嘅電影亦都唔到我哋去搏，所以之前就算有人搵，我都興趣不大。」據知祥仔在戲中飾演時裝版的「丐幫幫主」，問拍電影怕否辛苦？他謂：「唔辛苦，講明每日最多拍十二小時，對我哋拍慣劇嚟講一啲都唔辛苦。」
Orignal From: 黎耀祥拍電影《丐世英雄》做丐幫CEO
沒有留言:
發佈留言