【陳永峯蘇州直擊】視帝鄭嘉穎北上拍攝以葉問為題材的新劇，成熟男人味成功俘虜飾演他妻子的內地女演員韓雪，二人昨日現身內地記者會不時咬耳仔，雙方更坦承拍攝期間經常互買零食，戲裏戲外默契一流。
鄭嘉穎、周秀娜、元華昨日聯同內地演員韓雪、宋洋及以顧問身份出席的葉問長子葉準及電影《葉問》導演葉偉信，齊齊到蘇州出席《葉問全國媒體見面會》，大會安排眾人到市內商場行紅地氈，吸引近多人圍觀。
鄭嘉穎需拍多場打戲及每晚練詠春，坦言是拍攝最辛苦的一次。
嘉穎與韓雪全程有講有笑，不時咬耳仔，韓雪更向記者表示向來拍劇不會主動與對手熟落，只有嘉穎令她破例，她說：「跟嘉穎最初也沒有聊天，大家都是慢熱的人，後來我主動買些吃的，我演他太太嘛，感情好有助拍攝。」
鄭嘉穎與韓雪有講有笑，雙方更承認在拍攝時經常互買零食。
劇中嘉穎有激吻戲，娜姐則繼續「肉」緊演出。
周秀娜笑言同嘉穎咀嘴冇尷尬，但就感到緊張。
每晚練詠春
密實示人的周秀娜出招摺短裙腳。
元華在拍攝期間曾中暑，要到醫院吊鹽水。
葉問長子葉準亦現身蘇州為電影造勢。
韓雪同粉絲握手玩遊戲，甚受歡迎。
嘉穎被讚成功令韓雪嗒糖，他說：「唔係，拍嘢溝通好啲好正常，我夠有買嘢畀工作人員食。呢次係我咁耐以嚟拍得最辛苦，天氣熱，八百場戲有二百場打，每晚收工返房仲要練詠春同睇劇本。（驚同甄子丹比較有壓力？）冇得比，佢不嬲識打，小弟由零開始，但電視同電影觀眾欣賞角度唔同。（同周秀娜有咀戲？）係臨時加，我都唔知點解要拍。」
元華吊鹽水
周秀娜雖以皮裙封胸look密實示人，但一招將裙腳摺短，坐下時不慎露底，盡展性感女神風範，談到劇中既與嘉穎咀嘴，亦有一幕在男演員宋洋面前大露背的旖旎場面，她說：「開工第一場就拍大露背，有清場，我冇尷尬，反而宋洋流晒汗，我諗係片場熱啩？場戲講我想刺激佢癱咗起番身。哈哈，講真呢場戲民初背景嚟講真係幾激！（同嘉穎咀嘴尷尬？）冇喎，係有啲緊張啫！」
另外，同場的元華表示曾在拍攝期間中暑，有苦自知，他說：「天氣太熱，溫差又大，身體不適，屙到冇力，最後同劇組申請睇醫生，喺醫院打點滴（吊鹽水），夜晚十點打到凌晨三點，真係點滴到天明，依家好番好多！」
Orignal From: 電視劇《葉問》鄭嘉穎激吻周秀娜 娜姐裸背救癱男
沒有留言:
發佈留言