賈曉晨早年以歌星身份入行，入行以來她都予人嬌嬌女的感覺：「我拍電影時範圍好窄，唔係做靚女就係性感角色，反而喺無綫拍劇就可以多啲唔同發揮，純情、奸詐同乖乖女都做過，我最鍾意做乖乖女，因為可以做純情一面嘅我，又難得監製肯畀機會我，因為我一向以來形象都係性感，唔知我可以做乖乖女，好怕成日都做狐狸精，成日要做勾引男人嘅女人。
JJ為自己平反之餘，同時提醒身邊男人不要誤會自己是隨便的女人來打主意，她說：「我天生媚態好犀利，對眼又戚戚哋，太有神時候人哋就話我發姣，唔熟我嘅人以為我好鍾意蒲，其實我係宅女。」
一向形象性感的賈曉晨，感激無綫讓她演不同類型的角色，冲淡狐狸味。
早在今年3月底，賈曉晨和樊少皇已齊齊現身長沙的酒吧開幕禮。微博圖片
怕嫁入豪門
早年JJ和沈震軒甜蜜交往，更被拍到拍拖逛街的情景，可惜俱往矣，被問到感情生活，分手後JJ跟樊少皇撻着，可惜負上小三之名，但她未有怨言。其實不少身在娛樂圈的女藝人皆想釣金龜，視「嫁個有錢人」為畢生事業，年近30歲步入盛女之年的賈曉晨卻與別不同，她既怕大家庭的繁文縟節要求多多，又怕有錢人的豪門家規，她說：「對象唔使好有錢，同我差唔多就夠嘞，太有錢反而我會驚同擔心，她以千億身抱生個小朋友都有壓力，樣樣都有要求。我由細到大都想會結婚生仔，不過你一定要我生仔或者生女我好覺得好辛苦，都係順其自然開心。」
賈曉晨早前失戀後火速跟樊少皇撻着，因而負上小三之名，但她絕無怨言。
咀馬明尷尬
JJ雖然並非無綫的「親生女」但機會不少，早前在劇集《飛虎》中跟馬國明飾演賊公賊婆，當中她最難忘還是獻出螢幕初吻給對方：「仲要喺好緊張情況下，佢攬住我深吻，交代我哋係好恩愛嘅一對，初時都只係打算蜻蜓點水就算，但後來導演話唔得。」那場嘴戲拍了多次導演都不收貨，親吻多次令跟馬國明不熟稔的JJ尷尬不已。
採訪：卓寶花
攝影：葉君海
服裝提供：Ted Baker
Orignal From: 「我天生媚態好犀利」賈曉晨自認狐狸精
沒有留言:
發佈留言