法拉失勢帶挈 鍾嘉欣谷深坑出碟
恃住Neway太子爺老公撐腰兼買碟谷銷量，陳法拉一姐氣焰橫行，搞到她與星煥唱片公司老闆何哲圖（Herman）關係決裂，法拉即時失勢，由天堂跌落地獄。棄用法拉，Herman全力催谷愛將鍾嘉欣，嗱嗱聲為她炮製新碟準備年尾爭獎。為谷宣傳，新碟更校啱鍾嘉欣新一輯詩琳纖體廣告一同出街。
攝到好位，28歲的鍾嘉欣一於搏到盡，今輯廣告破底線，穿上谷胸內衣晒兩吋半深坑，顛覆玉女形象，她說：「真係史無前例㗎喇！」
做得纖體代言人預咗搏命，鍾嘉欣年初以200萬續約時，自稱挑戰性感極限，着低 V衫騷胸。但極限次次唔同，今次她就豁出去，着谷胸內衣上陣，將上圍谷大一cup，由33B變到33C，大騷 2.5吋事業線。她說：「真係史無前例㗎喇，我未試過着內衣影相，我有信心出到嚟嘅效果健康啦。」
慘得過我有料！﹙設計對白﹚
穿上性感內衣谷 2吋半事業線的嘉欣，大晒 33C，性感程度爆燈。
化妝 set頭搞到冇啖好食，好在鍾嘉欣都有詩琳老闆娘錫錫，親自餵她吃東西。
鍾嘉欣對於拍攝效果十分緊張，每次拍完都同工作人員邊睇相邊商量，態度專業。
甚少性感上陣嘅鍾嘉欣，拍攝時頻拉高低胸裙，驚死走光。
寸嘴恭喜
睇你谷得幾耐！﹙設計對白﹚
陳法拉本周二（ 25日）在一個時裝品牌宣傳活動上，被問到星煥老闆何哲圖重鎚力捧鍾嘉欣時，寸嘴回應：「咁咪恭喜佢囉！」
一度打入冷宮
搏命有因由，今次鍾嘉欣肯剝，全因今輯廣告會配合她新碟，齊齊於 11月初出街，藉此刺激新碟銷量。去年鍾嘉欣跟隨發掘她做歌手的恩師何哲圖（ Herman），與星煥國際唱片簽三年約，不過當時公司要先為有後台的陳法拉出碟，搞到鍾出碟日期一拖再拖。正當鍾以為自己變「阿二」，偏偏撞正對手法拉玩嘢，令鍾的歌唱事業再現曙光。知情人士說：「法拉有人撐腰，咁自然搞咗佢隻碟先。其實唱片公司上下員工都對法拉好客氣，但法拉依然恃勢凌人，逢人都投訴。」
陳法拉主演的無綫劇集《東西宮略》，播出時口碑麻麻，加上她再三因病推劇，視后呼聲甚低。
鍾嘉欣年初與黃宗澤合拍劇集《護花危情》，有口皆碑。無綫甚至將《護》劇兩人故事，拍成中秋節宣傳片，為二人延續聲勢。
Herman：唔會再幫法拉
幫法拉出碟是上頭頒布的命令，公司仝人不敢抗旨，可惜法拉連老闆 Herman都得罪， Herman當然嬲爆。知情人士再說：「 Herman叫佢（法拉）練歌佢唔聽，唱得唔好自然冇人欣賞。」勞師動眾，但法拉新碟依然滯銷， Herman大條道理將公司資源投放鍾嘉欣身上。
再次得寵，鍾嘉欣繼續謙，她說：「唔好講呢啲嘢啦！我都係做好件事啫！」不過 Herman對她就讚不絕口，他說：「嘉欣一直係我心目中長線投資嘅歌手，佢唱每一首歌都好投入，真係好難得。（咁法拉呢？）當初我同陳法拉簽約，只係想圓佢一個唱歌夢，所以出咗一隻碟之後，唔會再幫佢做㗎喇！」 Herman對法拉態度決絕，但法拉似乎懵盛盛。
周二（ 25日），法拉出席活動提到出碟時，她說：「我依家拍緊劇，要拍到年尾，再出碟都冇咁快啦！（公司嚟緊睇重鍾嘉欣喎，驚唔驚分薄資源？）唔驚！唱片公司力谷嘉欣，咁咪恭喜晒佢囉！」醋埕滿瀉！
抹抽水風波
鍾嘉欣 09年出席頒獎禮慶功時，被 Herman當眾熊抱。之後更傳出她怕咗 Herman而不再合作。不過去年二人終於冰釋前嫌，再簽多三年。
懶理法拉
Herman最初簽法拉，不時陪她出席活動，但隨着二人關係惡化， Herman不再理法拉。
新碟逐格鬥
鍾嘉欣與陳法拉同屬無綫花旦，兩人亦不約而同進軍樂壇，並一同效力星煥國際，奈何法拉人緣欠佳，搞到唱片公司不再揼錢宣傳其新碟。相反鍾嘉欣就獲公司支持，待遇零舍好。
Orignal From: 鍾嘉欣內衣上陣 谷深坑出碟
沒有留言:
發佈留言