金牌監製李添勝（添哥）的劇集一向有口碑，擅長拍民初劇的他，去年改編了重慶一對老妻少夫的真實愛情故事，拍成《天梯》。
不過，單靠催淚式的浪漫情節未夠喉，今次《天梯》加入「巾幗式」的爭產劇情，滿足觀眾的需要。嚟緊劇情高潮迭起，除有張可頤（顧新月）帶家婆羅蘭（賀老太）踢走小三，「豪嫂」陳茵媺（田愛娣）亦慘被流氓強姦成孕，搞到要投海自盡。兩位女主角由頭喊到落尾，好在最後都各自搵到好佬，大團圓結局。
後巷被姦
陳茵媺俾流氓拖到後巷施暴，即使奮力掙扎，但依然難逃淫魔之爪。
飲酒惹禍
原本在舊金山照顧張國強（賀世章）的陳茵媺，因日久生情，主僕變情侶。但陳其後回國得知張原來有老婆，借酒消愁時卻被流氓拖入後巷強姦。
做張國強二奶的陳茵媺，得知老公重病，傷心狂隊酒。
救命呀！救命呀！
喊到失聲
陳茵媺就算嗌破喉嚨都冇人理，俾人姦後嘅佢喊到豬頭咁。
跳海自殺
陳茵媺受盡打擊，決意跳海尋死，最終得同鄉黃德斌（大隻嬌）相救，保住個大但就因為咁而小產。
陳茵媺表示：「其實拍強姦呢場戲冇乜尷尬。不過個角色真係太悲劇，全部最不幸嘅事情都發生喺佢身上。好彩最後都遇到一個可依靠嘅男仔。」
高海寧色誘黃德斌
高海寧表示：「我個角色係一個蒸生瓜，成日闖禍，不過我其實對陳山聰好專一。」
飾演風塵女子的高海寧，雖然是陳山聰（黎濟民）的三姨太，但周不時對其他男人嗒糖，更用 33E級巨胸頂黃德斌。
玉臉任摸
我啲皮膚好似剝殼雞蛋咁滑，你哋試下摸下！
高海寧幫陳山聰接待陳豪的三位兄弟黃德斌和徐榮等人，其間卻主動挑逗他們。
撩黃德斌
你對手臂好粗壯！
你咪埋嚟呀！
徐榮同楊證樺先後落疊，唯獨黃德斌不為所動，見她如見鬼，卻因此激起高海寧誓要討好他的決心。
張可頤踢竇
大婆張可頤得悉老公金屋藏嬌，嬲到帶埋奶奶羅蘭上門踢竇。
家婆代出頭
你係邊個？
你做乜搞我個仔？
張可頤同奶奶羅蘭上門搵二奶茵媺算帳，羅蘭劈頭第一句就叫佢咪搞自己個仔。
宣示主權
你唔好搞我老公！
你講你哋幾時搞埋？
我唔知佢有老婆。
陳茵媺向二人爆出自己在舊金山做女工時，結識染肺癆的張國強，同張一齊時唔知對方有老婆，但火遮眼的張可頤根本聽唔入耳。
怒摑小三
你癲夠未？我先係賀世章老婆！
陳茵媺當住張可頤面，話自己係張國強嘅「女人」，張可頤聽後兜巴摑她。
陳山聰眼盲無好下場
陳山聰飾演的黎濟民，為廣州第二大藥行老闆，但一直被張國強（賀世章）的「賀正堂」 㩒住砌。他恃住自己有財力，又有陳豪呢個「二茶櫃」幫手，深信自己可以打敗「賀正堂」。由於年少得志，經常寸寸貢的他，亦無好下場。劇集尾段講他忽然患上急性眼角膜潰瘍，搞到盲眼。
盲眼咁慘，等我錫番先！（設計對白）
盲佬發難
陳山聰有日醒來突感暈眩，其後證實雙目失明，尋遍全廣州名醫，都醫唔好眼疾，因此經常搵高海寧做出氣袋。
針鋒相對
你成日話 10年就會打敗我，睇怕仲要睇多 10年！
十年唔夠就做到全廣州第一。
陳山聰到「賀正堂」買麝香，話事人張國強即場與他過招。
陳豪張可頤私奔
陳豪飾演的苗天，份人重情義。因為當年欠下張國強一個人情，所以他死後，陳豪寧願起陳山聰飛腳，幫助其妻張可頤打理「賀正堂」。二人日久生情，但張可頤接受唔到閒言閒語，一度狠心趕走陳豪。最後，陳豪憑真誠打動她，兩人在深山隱居避世。
對於自己角色，陳豪表示：「呢個古仔好感人，我好少由後生演到老，都幾大挑戰。」
一摸定情
劇情講到陳豪重遇張可頤，憶起自己兒時，遇到待嫁的張可頤摸自己牙縫，對她已情根深種。
雖然《天梯》只做了短短幾集，但唔少網友都讚故事感人細膩，劇情勁多催淚位。
造型五成似
在《天梯》中，陳豪和張可頤要由 30歲演到 70歲，劇中二人飾演一對姊弟戀，女方足足大男方 8年。但在現實中， 41歲陳豪其實只係細張可頤 2年咁大把，加上張可頤保養有番咁上下，橫睇豎睇都唔多似！
至於角色造型，雖然戲服、造型和背景跟足現實，但無 綫由於要慳經費，重慶天梯就變了馬鞍山郊野公園長梯級。至於真實版公公婆婆，由於飽歷風霜，滿面皺紋；相對下，無論點化老妝，陳豪張可頤都似乎太過皮光肉滑囉!
Orignal From: 《天梯》高潮位 陳茵媺因姦成孕
沒有留言:
發佈留言