無綫劇《巴不得媽媽…》造就女主角岑麗香成為女神，還帶挈綠葉王古明華，憑「蘇基」一角彈起。在無綫捱了十八年，警察、大盜、小販等角色做勻，沒想過會「基」得人心。
事業露曙光， 48歲古明華仍要日踩兩職，拍戲配音無時間瞓，辛苦搵錢，只為患有腎病的十四歲愛女，籌每年近十萬的醫藥費。
上週日，「蘇基」古明華拖妻女參觀多啦 A夢展，患腎病的十四歲女兒 Tammi臉色雖較蒼白，但精神不錯。
踩住兩職的古明華，寧願瞓少啲，都要陪愛女同多啦 A夢影相，古太就充當攝影師。患病的女兒經常掛着笑臉，性格樂觀。
食飯慶祝
古明華同家人睇完展覽，再到附近食日本鐵板燒，事業見曙光，確值得慶祝一番。情到濃時，古太挨在他身上玩自拍。
俾人圍
古明華當日一出現，有半百途人即大嗌「蘇基」圍住索合照！等咗十八年，終嘗到被簇擁的滋味。
蘇基入屋
古明華在《巴》劇扮演的「蘇基」，基味濃卻不核突的演技，贏盡網民心，短短時間已得六萬網民撐攞獎。
韓星御用配音
在無綫兼做配音員，古明華因聲線與韓片的《我老婆係大佬》男主角朴相勉外形配合，故他被配音組指定為朴的御用配音師。
直踩五十小時
古明華是演藝學院第四屆畢業生，同屆同學有詹瑞文、梁榮忠、劉雅麗，個個比他行得快。遲來的成名，在無綫十八年，至今月薪僅過萬，只好日踩兩職。兼職電影配音多年，去年正式加入無綫配音組，《我老婆係大佬》男主角朴相勉有份的劇集，均由他一口負責。
身兼兩職，為應付配音組朝九晚七，或晚七夜更的上班時間，再攝期拍劇，日夜直踩；試過最高紀錄五十小時不眠不休，令四十八歲古明華不勝負荷。
捱到金睛火眼，全因古明華的十四歲女兒，兩年前患上「腎小球炎症」。據悉，女兒發病時會全身出現水腫，影響排尿功能，甚至試過抽水過量致虛脫，命懸一線。現須長期服藥及定期到醫院覆診，以免惡化引致腎衰竭。
古明華是第四屆演藝畢業生，同班同學大部份比他早成名。
最苗條時期只得 120磅，當年與同學仔陳錦鴻到英國旅行，寄住在演藝學院校長的屋企，他說當年的陳錦鴻食極都唔飽。
十九歲的他，樣子戇直，還是留點鬚根好看。
每月七千
因愛女病情反覆，兩年來古明華疲於奔命四出尋醫，中西合璧。每月花近七千元醫藥費，加埋供樓其他生活開支，單靠無 綫藝員雞碎人工，根本入不敷支；為賺錢醫愛女，兩年來搏晒命。
星期日（九月十六日），古明華帶埋妻女到尖沙咀睇多啦 A夢展，乘住「蘇基」人氣，數十途人圍住影合照。長期服食類固醇藥，十四歲的 Tammi病情暫受控制，未有出現水腫的她，看似一般正常女孩。
對於女兒患病，古明華未有否認。
「係呀，佢兩年前病發，情況差嘅時候，個頭腫多一半，成身水腫，要去醫院放水，住咗三個月醫院。又試過喺診所放水過量，第二日瞓醒皺晒皮變咗人乾，好極端，要即刻入院急救，差啲死，我好心痛。」
十字路口
為免兩頭唔到岸，古明華有計劃放棄幕前工作。
「今年中拍完《巴》劇之後，諗住疊埋心水做全職配音，踩兩瓣真係有啲負擔唔嚟，何況配音組份糧係我做藝員三倍。（望住 Tammi）見到個女咁，我同自己講唔可以只顧自己，個女一年醫藥費最少要八萬幾蚊，我想專心搵錢儲醫藥費，同埋可以有多 啲時間陪屋企人。無諗過『蘇基』爆到，依家好似企 喺十字路口，唔知點選擇，或者一年拍一個劇，過吓癮就算。」
腎小球炎
腎小球炎症，是一種自身免疫力反應疾病，由於免疫機能紊亂，引起腎小球組織損傷而病發，分急性及慢性兩種。據統計，十個小童會有一個患上，大部分服食類固醇藥物一年痊癒，亦有小部分病情反覆，須長期服藥。患者會出現全身水腫、血尿、腰痛等症狀，若延至晚期，會引致腎衰竭。
搵錢救命
為人父母，見自己骨肉被病魔折騰，傾盡一切，換回兒女健康，人之常情，親生如此，即使領養，亦一樣！
黃一山
細龜黃一山的十五歲大兒子，患有先天重病「腦白質發育不健全」症，會行路失衡及經常顫抖，細龜四出尋醫，甚至求神拜佛亦無補於事。為儲醫藥費，他不停登台外，還與朋友在內地做皮革生意再撈埋地產，拼命搵錢給兒子醫病。
張慧儀
八年前到北京發展的張慧儀，以單身身份在當地領養了一個患有心漏症的嬰孩，不單視如己出，且為醫好「兒子」拼命銀，在內地搞食品生意，又為一間企業兼職做市場推廣。
古明華女兒腎病好轉
無綫藝員古明華因飾演「乸型」蘇基而深受網友熱捧，最近有報道指其14歲女兒患腎病，記者昨日致電向他求證，他親口承認女兒由10歲開始患病：「佢依家Keep住食藥，情況穩定。曾經為佢轉過幾次醫生，最高峰每個月畀6、7千蚊醫藥費，真係幾辛苦！不過已經過咗嗰個階段，依家每個月大約畀4千蚊樓下。」他又否認欲轉做配音員，是為了賺多點錢支付女兒的醫藥費。
Orignal From: 十四歲女患腎病 「蘇基」古明華身兼兩職籌藥費
沒有留言:
發佈留言