Jenny以新人姿態接拍劇集《心路GPS》，日前拍一場遭人膠袋笠頭、撼頭埋牆兼被田雞威嚇的戲份時，因達不到導演張永豪要求，要重拍多次，期間Jenny嚇得嚎哭，故導演被指有施虐之嫌。事件曝光後，Jenny不欲多言，似有所顧忌，將所有委屈吞進肚裏！昨傍晚她與張永豪先後被召回公司「訓話」，各自向高層區偉林及曾勵珍同場，當面解說事發當晚的細節及過程。
阿佘指圈中有很多好導演，籲劉蔚萱不要放棄理想。（資料圖片）
蔡少芬：不知所謂
記者昨日與Jenny取得聯絡，她直認心情沉重：「我自己睇到條片都覺得驚訝，本來係想淡化件事，亦都要多謝監製畀機會我，我只係想做好自己，同埋想無綫好。其實尋晚（前晚）我都同導演再開工，佢同我講咗唔好意思，大家已經冇嘢。（你覺得佢咁教戲有冇問題？）我唔知佢教戲，你咁講我咪知囉。」Jenny透露母親患癌8年，最近病情復發，怕身在內地的母親得知報道而擔心。
蔡少芬認為新人亦要被尊重。
有指劉蔚萱昨晚被召回公司，解說清楚事發當晚的細節及過程。（資料圖片）
據知，當年佘詩曼拍劇時，亦曾遭張導爆粗問候。她昨日透過短訊回覆記者，趁機為Jenny打氣。阿佘說：「對於質素咁差嘅人，我唔想作任何回應，不過我覺得個女仔唔應該怕，亦唔可以放棄自己嘅理想，圈中好嘅導演多的是！」now主播蔡誌恩昨日亦於微博上載相關報道，蔡少芬隨即轉發，且留言力撐Jenny：「看了片也令我很驚訝，怎麼會這樣對待人？更別說是個女孩了！就算是新人也應當尊重，這導演的所為，實在不知所謂，令人生厭！」
阿佘於99年拍攝出道作《生命有Take 2》時曾因一次忘帶劇本入廠而遭當時做助導的張永豪以粗口辱罵，「剩係識帶個X返工。」有爆料人更指懷疑張導演食了藥物才開工，「佢真係好躁狂，小小事就發火，最鍾意鬧人父母，無時無刻都喺度講粗口，有個港男拍劇行快咗兩步，佢又不斷問候人娘親，搞到個港男好嬲，叉住佢條頸問佢鬧夠未，導演欺善怕惡即刻收聲。」
知道阿佘鼓勵自己，拍《心路GPS》被虐的劉蔚萱好開心，「好多謝佢。但我真係因為怕田雞先會喊，導演好好，佢之後都有慰問我，我好珍惜任何拍攝機會。（導演有無用粗口鬧過你？）我好硬淨，咩言語我都頂得順。」
已升上神枱的阿佘為公義走出嚟，值得鼓掌。阿佘對此事的短訊回應。
杜汶澤曾與張永豪合作。
袁彌明稱可陪劉蔚萱報警。
若田蕊妮被導演欺負，杜汶澤揚言必替她出頭。
杜汶澤寸恰新人
身為前輩的杜汶澤同樣無名火起，先在社交網站留言：「呢條友喺亞視做PA已經傻傻哋……如果呢個女仔唔係新人，唔知佢敢唔敢？換轉係搞我老婆（田蕊妮），我會殺人呀！」記者致電阿澤，他承認與張導曾於亞視合作，難忘對方躁狂表現：「佢經常講粗口同發脾氣！好彩佢嗰時仲係PA。或者咁講啦，教戲吖嘛，如果男主角唔識錫女主角，係咪要推開人哋自己去強吻個女仔呢？對待新人要有耐性同方法，如果唔識教咪唔好做導演囉，呢個係你嘅工作，邊個郁手就唔啱。」
「過氣無綫人」袁彌明亦憤然回應：「叫個女仔搵我，我陪佢去報警啦！係咪癲o架？我覺得要炒咗個導演囉！」
張永豪出名躁狂多人賞識
曾是城市電訊羅致對象的無綫導演張永豪，30多歲，90年代已在亞視為劇集《我和殭屍有個約會》擔任PA工作，有指當時他已憑躁狂「名揚天下」，工作時經常發脾氣，雖然有高層出言力撐，但最後亦被勸喻離職。之後他過檔無綫，亦由PA做起，最近才升為導演。
張永豪作品包括由陳茵媺主演的《情越海岸線》和方中信主演的《仁心解碼》等劇。有傳他是戲劇總監曾勵珍的親戚，亦被多位監製提攜，包括梁材遠、戚其義和羅永賢等。有指今次將盜錄「虐待」片放上facebook之人為競爭對手「臥底」所為，張永豪對此說：「呢件事已交由公司幫我處理。」
張永豪表示事件交由公司處理，不便回應。
李司棋叫導演反思
「神獸天使」劉蔚萱（Jenny）於新劇《心路GPS》被導演張永豪「施虐」的片段流出，引起社會熱烈討論，一眾無綫藝人亦議論紛紛。
李司棋
李司棋：我之前話自己唔喺現場係唔想節外生枝，入廠時見Jenny喊，我都攬住佢安撫。不過佢真係做唔到導演要求。後來出咗廠，我同導演講叫佢反思，佢同我講唔好意思。
黎耀祥：之前有同呢個導演合作過，不過我冇犯錯，冇畀人鬧。有經歷過畀前輩鬧，依家自己唔會鬧新人，不知幾錫，會體諒。
黎耀祥
蒙嘉慧
麥長青
蒙嘉慧：今日睇新聞同條片時都O嘴，呢樣嘢係要正視嘅，明白每個人都有工作壓力，但情緒要控制，大家都有尊嚴嘅。
麥長青：試過拍戲用槍指住陳法拉個頭，瘀晒都係咁，雙方要夾，新人未必明白。（支持導演？）又唔係，係過程。
楊潮凱：對與錯我唔識評論，你問知名導演，我資歷尚淺。（推佢埋牆喎！）個動作應該我做，但拍來拍去都拍唔到，先換另一個人推佢。
陳展鵬：我未睇過條片，又唔喺現場。（導演過分？）咁好多人對某樣嘢係產生恐懼，有時新人真係要用長時間先入到戲。
曾勵珍：唔覺佢有咩痛苦！
有指無綫導演張永豪涉嫌虐待女演員劉蔚萱，無綫總監（戲劇製作）曾勵珍及監製李艷芳昨日召開記招，指有若干報道斷章取義。曾勵珍謂：「唔知有乜咁大件事！第一，個導演唔係我親戚，而且網上片段只係一部分，斷章取義！我睇晒條片，係導演教佢做戲，唔係虐待。之後佢仲繼續拍戲，唔覺佢有咩痛苦！」李艷芳則稱該演員與導演事前有溝通，本來一場三、四個鏡頭的戲，卻拍了兩小時，故導演示範一次給她看。李艷芳又指劉蔚萱拍攝後有講有笑，更提議為求逼真，拍補戲時將田雞放在膊頭。
曾勵珍強調導演只是教做戲，沒虐待成分。
無綫喊報警捉賊
曾勵珍補充：「拍咗兩個鐘，係人都心急，人之常情，如果係咁，第日啲導演唔使教人做戲啦！」曾勵珍強調定必找出放片段上網的人，然後交公司處理。據知，懷疑該片段是由無綫「競爭對手」的臥底於攝影房偷影放上網，無綫已洞悉是誰所為，現正緝兇，準備報警。另一監製梁材遠昨日出席活動，他表示曾與張永豪合作，覺得對方是藝術家脾氣，是有心的導演。
李艷芳
秋生嘆演技冇得逼
身在內地的黃秋生，對於有導演試圖以非常方法逼出演員演技，對演出要求極高的秋生說：「教戲唔係咁教，傷害人係唔專業，唔知呢位導演邊度學番嚟，方法太極端！演戲係擬似真實，演員係用情緒記憶去做戲，搞到個演員驚恐，點演落去？唔通拍火燒，演員演得唔夠真，搵把火燒佢咩？其實兩個鐘都做唔到個戲嘅演員，基本功都未夠，唔應該再去傷害演員心理狀態。」
電影導演邱禮濤亦不大贊成張永豪的處理手法：「我唔喺香港，不過初步咁了解，都覺得件事有問題，唔通你拍小朋友喊戲，個小朋友喊唔出，你走去搣佢咩？呢樣嘢唔合理，起碼我唔會咁做囉。」
Orignal From: 佘詩曼撐劉蔚萱 變態導演橫行TVB
沒有留言:
發佈留言