燥底遭女友狠飛 52歲黃子華情傷暴瘦

有「棟篤教父」之稱的黃子華，每次開騷例必爆滿，下月（2012年10月4日‑11日）他在紅館舉行一連十場的全新棟篤騷《洗燥》，一如過往加場又加場，仲玩到一票難求；就連TVB近日都夾啱時間於午夜重播其舊作《絕代商驕》，為即將爆發的子華棟篤潮率先熱身。

10場紅館騷，再加緊接的坐底10場巡演（澳洲、多倫多、三藩市、馬來西亞、澳門及中國等地），子華又賺千萬落袋。不過事業得意，就總係愛情失意，據悉子華早於幾個月前已跟年輕16載的化妝師女友溫安妮（Annie）分手，有傳Annie因難忍男友性情飄忽，加上近年男方愈來愈宅，生活枯燥，且又工作成狂經常忽略另一半，雙方冷戰頻繁，故Annie才無奈引刀成一塊，狠斷10年情。

星期三（12日）傍晚，激痩的子華承認與女友Annie已分手幾個月：「o依家仲係好朋友，有keep住聯絡。」