得影帝、影后首肯，如打了強心針的志偉，近日更越級挑戰高難度。本刊收到消息，月初志偉夥同王晶親身到殿堂級影帝周潤發家中，傾談拍劇事宜，更開出盤口會為發哥度身訂做一部電視劇。對於志偉請求，上周四（ 6日），發哥親口回覆本刊說：「同佢有得傾㗎，叫佢快啲俾個劇本我睇啦！」接近廿年冇亮相過電視的發哥，竟然應承拍劇，香港觀眾有福了！
偷得浮生
剛在國內拍完電影《銅雀台》的發哥，上周四（ 6日），一早揸車到大埔，打算行山和影風景相。見記者尾隨，梳了中間分界蛋撻頭的發哥即笑笑口說：「哎吔，你哋唔好再跟住我啦，啲雀仔都俾你哋嚇走晒啦！」發哥風趣幽默又親民。
明年政府預計多發三個免費牌照，雄霸電視業務多年的無 綫，近半年遭對手城市電訊和 now狂挖不少人才。殼王為扭轉當前劣勢，月前欽點老友王晶和志偉回巢度劇本，打算借助二人在影圈的人面，邀請一批在電影界一線演員拍劇。
「無 綫電視劇製作一直由珍姐（曾勵珍）同 Tommy（梁家樹）主管嘅兩個部門負責，雖然有競爭，始終係自己人。於是拍劇嘅都係電視台 啲姐仔小生，劇集可觀性愈 嚟愈低。依家殼王搵志偉晶哥回巢拍劇，借助兩人人面，應該可以搵到上 咗神 枱 嘅巨星。佢 哋是但一個肯出山，都 fight低隔籬台啦！」知情者說。
有我出馬， TVB有救啦！（設計對白）
曾志偉為幫老死殼王救 TVB，近日四出碌人情卡，估唔到短短數月，已邀得多位巨星助陣。
老婆話事
發哥和發嫂陳薈蓮結婚多年，發哥一切投資和接拍電影的片酬，都係由發嫂出面傾。由於發嫂投資有道，單以物業計，發哥和發嫂已坐擁近十億身家。
發哥家中密斟
志偉、王晶吹雞，最先應承的有劉華和葉德嫻，不過志偉未有因此放軟手腳。本刊收到消息，月初，志偉約埋王晶親自到周潤發位於九龍塘的獨立屋促膝長談。「志偉同發哥本身識 咗好多年，呢幾年發哥成日 喺出面拍戲，志偉間中都有同佢傾電話。最近發哥留 喺香港，志偉同晶哥咪趁佢得閒，約埋上去發哥度傾囉！」
據知，一直拍開荷里活和國內大卡士製作的發哥，有意長留香港定居。為過戲癮，早前便答應王晶，夥拍謝霆鋒合演一套警匪片。「好多人以為發哥拍無 綫劇係天方夜譚，不過晶哥就覺得既然佢肯拍港產片，客串吓電視劇應該問題不大。」據知，當日二人向發哥開出條件，指無論劇種、故事大綱、角色甚至女拍檔，均由發哥任意挑選，只等他答覆！而發哥亦已初步應承出山拍劇，為娘家出力。
發哥：價錢搵我老婆傾
對於被力邀拍劇，發哥上周四（ 6日）親口表明自己有興趣。
記者：記 發哥：發
記：知道志偉有搵過你出山拍劇喎？
發（睩大眼表現誇張）：係真 㗎？我真係唔知喎！
記：我哋收到風，知道佢早排同王晶上你屋企傾過？
發（眼眨眨）：係咩……有得傾 嘅，我有興趣呀，叫佢快 啲俾劇本我睇啦！
記：你返無 綫拍劇，會唔會收天價？
發（笑吟吟）：咁呢層就要搵周太傾啦，睇吓佢意向點先啦！
潮着五指鞋
經常登山涉水的發哥，當日就着住價值$890的 Vibram五指鞋，潮爆行山。
心情靚爆
發哥揸車途中，見到隔籬線司機和他打招呼，發哥即興奮大嗌，心情靚到爆。
家傳戶曉
今年 57歲的周潤發， 18歲參加無 綫藝員電視訓練班，最初不被取錄，後得鍾景輝賞識，最後才能成為無 綫藝員。最初兩、三年，發哥只被安排做一些行行企企角色，直至 80年代初，他在長篇電視劇，如《網中人》、《火鳳凰》和《上海灘》有出色表現，讓他成為華人世界明星。 86年，發哥拍完《新紮師兄續集》後，便轉戰電影， 95年更被邀參與拍攝荷里活電影。在這 40年間，發哥屢獲無數電影獎項，他曾表示自己有此成就，歸功於當年在無 綫「木人巷」的訓練。難怪現時娘家有難，發哥會答應出力幫助。
嘟嘟唔心動
《親情》劇照
70年代尾，發哥和嘟嘟合作拍攝《親情》，刻意營造幕前情侶。不過嘟嘟向記者表態唔會因發哥而心動拍番劇。「咁辛苦，我又捱唔到夜，十幾年冇拍劇已習慣 咗生活模式，就算周潤發應承，到時我都係做觀眾 㗎啦！」
趙雅芝讚好
《上海灘》劇照
80年代初，周潤發和趙雅芝合演《上海灘》，飾演情深許文強的發哥，當年因此劇風靡全球華人。多年來，世界各地多次翻拍《上》劇。而在劇中飾演馮晴晴的趙雅芝，對於舊拍檔肯拍電視劇，趙讚好之餘，亦笑言是港人之福。
誠意搭夠
無綫高層樂易玲周一（ 10日）回覆記者時，坦言發哥肯拍無綫劇，全台將會總動員配合。
發哥初步應承拍劇，勞苦功高的志偉卻謙稱說：「其實我都係做開口講嗰個啫，之前搵華仔傾係一個好開始，我覺得感動到一個，就可以感動到好多個。我 哋亦都相信發哥會願意返娘家幫手。（有冇傾到價錢？）唔係話講錢傷感情，而係喺呢件事裏面，錢唔係最重要因素。我哋最先唔係傾呢個，而係大家攞份誠意出嚟，大家諗到佢嘅意義，件事先會成功！」
至於無 綫製作資源部總監樂易玲亦回覆本刊說：「我係發哥 fans，志偉搵佢拍劇梗係好啦！其實 Deanie（葉德嫻）同晶哥套劇都就快開拍，仲有華仔都應承拍電視劇。呢班天王巨星肯拍，我諗最得益嘅係觀眾！（發哥收開天價，你 哋點同佢傾？）如果發哥諗住收得貴，都唔會返 TVB拍劇，我諗發哥肯拍劇都係想返 TVB幫手。」
親民逼地鐵
上周三（ 5日），一身黑衣的發哥，獨自到中環蘭桂坊行街。雖然貴為神級巨星，但他亦如以往一樣，不介意與一眾市民逼地鐵。
在中環行街時，發哥偶遇劉雅麗母女，即被對方拉實吹水影相，發哥全程 keep住四萬笑容。
星級外援
為了迎戰免費電視台大戰，無綫近日動作多多，新老闆殼王陳國強欽點老友曾志偉同王晶打友情牌，邀請影壇一線藝人回巢拍劇，以圖振興 TVB。
已扑槌
劉德華 劇本自己諗
曾志偉明年會開拍一套三、四十集電視劇，並承認邀得劉德華回巢：「華仔已經答應咗，而女主角仲度緊，依家劇本仲構思緊，不過唔使我諗，俾華仔諗。我希望將故事放喺華仔身上，等佢度好故事大綱，我再幫佢諗細節，預計年底就會出劇本。」
葉德嫻 拍家族情仇劇
王晶將於明年 3月開拍一套 40集電視劇，並搵來七料影后葉德嫻加盟，其他演員還有馬國明同劉愷威等，傳聞葉的片酬每集高達 25萬。王晶表示：「係呀，無綫投資我公司開嘅一套國產劇，講家族情仇，搵 Deanie姐（葉德嫻）做大家族話事人，童菲做佢養女。」
有興趣加盟
張學友 純粹 for fun
最近復出的張學友，為杜琪峯零片酬拍新戲《一個複雜的故事》。對於曾志偉有意搵他拍劇，他興奮表示：「係就快啲搵我啦，我都要睇吓劇本講乜先，返無綫拍劇都 ok嘅，當玩吓。」
劉嘉玲 答允客串
藝訓班出身的劉嘉玲亦是曾志偉邀請之列，兩人私交甚篤。據知曾志偉開到口，劉嘉玲表示有興趣，但就講到明只會客串幾集。
吳君如 隨時 ready
曾志偉亦想羅致與無綫關係良好的吳君如。早前，她出席活動時透露：「其實無綫都成日搵我返去㗎啦，我隨時 ready。」
Orignal From: 曾志偉力邀回巢拍劇 周潤發：叫佢快啲俾劇本我
沒有留言:
發佈留言