最近媽咪姐一直跟進住張達明患病嘅消息，依家證實佢患咗第三期鼻咽癌，因為化療嘅關係，仲引致體內鉑金超標 63倍而中毒，真係傷上加傷！佢停晒所有工作冇收入之餘，為咗醫病，搵勻中西醫同埋其他偏方，使錢好似倒水咁。
48歲嘅達明同太太何念慈有個 10歲大仔，細女就得 7歲，媽咪姐聽講佢最擔心嘅係萬一自己有乜事，老婆同一對仔女唔知點算？所以早排搵律師立定遺囑，寫明將所有嘢預留俾張太，仲想將依家住緊嘅西貢獨立屋賣咗去，租屋住，俾老婆有多啲現金揸手。不過張太就反對，認為病人唔應該搬嚟搬去咁頻撲，而且住開嗰度空氣好，適合養病。
不過癌呢種病醫起上嚟可以醫晒成副身家，所以身為臨牀心理學家嘅張太，呢排除咗忙於照顧老公之外，仲不停撲水。依家佢喺一間心理醫生醫務所掛單睇症，一次四十五分鐘至一個鐘，收費近兩千。要照顧老公同一對細路，又要搵家用，真係辛苦晒張太，媽咪姐喺度祝福達明早日康復呀！
阿女，為咗你，爸爸會好快好番㗎！（設計對白）
達明以前經常帶對仔女周圍去，但依家要養病，已經閉關多時。
連日來達明都足不出戶，屋內落晒簾，但就開咗窗保持通風。
媽咪姐早前去探過達明，但菲傭話佢休息緊，見屋內玄關擺滿家庭照，門上又貼滿應該係達明大仔寫嘅揮春，好溫馨。
遺囑
（模擬圖片）
達明投資有道，搵落唔少，手持兩個單位都勁升，依家約值 2千 6百萬。為咗保障老婆仔女，細心嘅佢更立定遺囑，以防萬一。
短訊講近況
上星期，媽咪姐留言俾達明，關心佢嘅病情。呢位抗癌勇士好樂觀，即日回覆話有信心戰勝癌魔！大家都支持你㗎。
同達明拍拖12年、結婚10年嘅張太何念慈以前成日陪老公出席公開活動，依家就喺銅鑼灣呢間富貴診所掛單睇症，幫手撲水，兩公婆甘苦與共。
Orignal From: 力抗第三期鼻咽癌 張達明立定遺囑
沒有留言:
發佈留言