傅穎不忿被舊愛羅仲謙劈腿兼動粗，上周突然私自爆料數臭巨胸謙，結果落得被經理人公司星皓雪藏、聽候賠錢解約的收場。雖然傅穎在處理感情事上欠理智，但她說的話確有根據，本周日（ 28日）滿 28歲的羅仲謙，媾女戰績十隻手指數唔晒。
昨日本報接獲報料，大爆羅仲謙暗媾 26歲 HotCha成員張紋嘉，地下情持續至今已 3年。原來早於 08年 1月，兩人合作拍無綫劇集《尖子攻略》時撻着，去年 1月謙仔搭上傅穎後，同期接拍《團圓》，當時他向劇組建議找 Crystal扮他女友被接納，兩人假戲真做，拍咀戲加料超激，還不時玩 iPhone甜蜜吹水。
女子組合 HotCha成員 Crystal昨日被爆指她與羅仲謙暗交 3年。
過去 4年來影視兩邊走的巨胸謙，與他先後扯上關係的，除了北京正印女友、傅穎和 Crystal外，還有楊梓瑤（ Carol）、周秀娜、梁靖琪、黃智雯、江若琳、張慧雯、蔣家旻、落選港姐甄敏婷、蔡慧欣及張莉莎，巨胸謙要應付 13烈女周身唔得閒，難怪傅穎會知他手機有蠱惑，因而鬧出搶手機的被打風波。
Crystal昨否認和巨胸謙拍拖，她在電話中說：「我連佢電話都冇，點會係佢女朋友？ HotCha喺《尖子》做啦啦隊好少戲，《團圓》同佢拍攝見面都係兩、三次。」羅仲謙曾否追她？她笑說：「冇，我唔鍾意咁大隻嘅男仔，同埋我諗佢身邊會有好多靚女仔，睇我唔上眼啦。」
一雙癡男怨女昨日前後腳開記招，傅穎（圖）繼續訴苦，羅仲謙（右圖）只能連聲認錯。
掟瘀籮拍照留念
昨更有消息指傅穎被巨胸謙打已非首次，去年她仍居於藍灣半島時，一次兩人同枱食粥突然吵大鑊，女方將一羮粥潑向男方心口，巨胸謙即向她兜巴星及推她落地。其後二人分手又復合，至上月傅穎發現巨胸謙與正印女友通電話，她㷫到失控狂揼男友巨胸被推落地，她爬起身，巨胸謙將她雙手屈後再推落地，繼而抱她入睡房掟落床，並撞到窗台，令她周身傷，巨胸謙則被她刮傷臉，遂以粗口怒吼：「我一拳就可以打 X死你！」翌日友人探訪傅穎時，發現她被打，傅穎竟讓朋友掀起短褲展示屁股瘀痕，兼且拍照留念。
巨胸謙公開道歉
傅穎和巨胸謙昨日各自於九龍灣開記者會認衰，傅穎先由胞姊陪同下出現，憔悴的她甫坐下即說：「我同羅仲謙之間嘅事，之前要講已經講晒，我同公司老闆（王海峰）、同事、屋企人、朋友，交代晒成件事，呢件事令到好多痛錫我嘅人好難過。」此時她一度哽咽，但隨即又說：「媽咪睇到我傷勢好傷心，我覺得好心痛，好對佢哋唔住。呢件事之前，我一直冇同公司、同事、屋企人講過我哋一齊番，分手嗰日發生咁大件事，佢哋都唔知道，我當時冇開口係因為我驚佢哋擔心，好驚影響屋企人，我同佢之間嘅感情對於我嚟講，係一件好難令人釋懷嘅傷心事，一個好沉重包袱，我好想我去北京之前擺低呢個包袱，抹走呢個陰影。」
傅穎強調她所作一切，事前皆沒知會公司，抱歉為公司添麻煩，並承諾不再發生同類事件，其舉動顯然是驚被解約，急急道歉補鑊。緊接開記招的羅仲謙，全程以一副哭喪樣說：「作為藝人，唔應該因為私人感情影響到各方面，所以我要向無辜被牽連嘅人道歉。」是否包括傅穎？他說：「我同 Theresa一齊時候有開心亦有嗌交，我唔想拎細節講邊個對同錯，我令 Theresa身體受傷害都係唔啱，我喺度向 Theresa道歉，但我否認有痛毆佢同一腳踏四船。」
http://www.tudou.com/programs/view/Ry_efoxler4/
巨胸謙與索爆 13妹
原為救生員的羅仲謙擁 42吋巨胸，弗到漏的身形加上童顏大眼，獵女無數，幾乎每次拍片拍劇都會撻着拍檔搞緋聞。
１）傅穎 26歲 歌手
與謙仔屬同公司，近水樓台先撻着，但發現男方不斷劈腿，更與男友爭執時受到暴力對待，最後怒斬情絲。
２） Crystal（ Hotcha） 26歲 歌手
早於 08年演《尖子攻略》與謙仔結劇緣兼撻着，今年《團圓》和謙仔演情侶奉旨脷叠脷激咀辣㷫傅穎。
３）周秀娜 26歲 o靓模
去年在《婚前試愛》與謙仔演各自偷食的未婚夫妻，有連場床上激咀肉搏戲，謙仔錫勻娜姐認真好艷福。
４）楊梓瑤（ Carol） 23歲 o靓模
羅仲謙在《婚前試愛》享盡齊人之福，除了錫勻娜姐，又胸壓 Carol演床上激戰，兩人亦因此傳緋聞。
５）梁靖琪 28歲 藝員
梁靖琪自爆今年在《團圓》激咀完謙仔有好感，她成立婚禮公司更預謙仔做模特兒，兩人齊齊鬥巨胸。
６）江若琳 23歲 歌手
07年兩人已合拍 MV， 08年在電影《愛鬥大》有傳二人撻着，謙仔被指其後為博傅穎信任自爆與江若琳的戀情。
７）黃智雯 28歲 藝員
去年拍《搜下留情》與謙仔做情侶，她受訪時大爆謙仔要求加二人的咀戲，謙仔表示與黃智雯錫得舒服。
８）蔣家旻 21歲 藝員
蔣家旻外形清純，早前跟羅仲謙拍新劇《飛虎》，有指謙仔密密傳 SMS追求，一輪關心攻勢下成功奪得芳心。
９）張慧雯 21歲 華姐冠軍
《華麗明星賽》獎品妹張慧雯，傳出拍攝《 On Call 36小時》時搭上謙仔，兩人不時撐枱腳，謙仔揸車送女方回家。
１０）蔡慧欣 20歲 落選港姐
今年謙仔再次成為港姐外景嘉賓，有指他在台灣已搭上佳麗蔡慧欣，更互傳親密短訊被傅穎發現而動粗。
１１）甄敏婷 22歲 落選港姐
今年港姐舉行期間，謙仔曾表示甄敏婷是心水佳麗，兩人還被指曾撐枱腳。
１２）張莉莎 22歲 落選港姐
去年 6月已被爆與落選港姐張莉莎在印度外景期間眉來眼去，更雙雙失蹤一小時。
１３）蔡小姐 21歲 北京正印
據知她家境富裕， 5年前她在朋友聚會認識謙仔，是個滿口英語的 ABC，近年移居北京讀書，跟謙仔發展異地戀。
http://www.tudou.com/programs/view/Fjxdjr_cwXU/
Orignal From: 驚爆腳踏13船 羅仲謙秘媾HotCha女
沒有留言:
發佈留言