娛頭
獨家驗傷屁股開花 拍拖打一鑊復合打多鑊 羅仲謙痛毆傅穎掟埋窗
2011年08月25日
傅穎與羅仲謙的感情糾紛，由去年十二月 Theresa突然宣稱謙仔講嘢冇句真為序幕，直到上星期六（八月二十日）的公開活動上， Theresa驚爆與羅仲謙拖拉一年半又分又合的戀情，並交代再次揭發他腳踏四船而分手。 Theresa表示，在這段關係上不只心靈受傷，連身體也曾受創。
據了解， Theresa分手時曾被羅仲謙毆打，幾位好朋友到她家中時發現她的手、腳及右邊屁股均有瘀傷，認為男人打女人是天理不容的事，所以為她拍下瘀傷照片，並建議她報警處理， Theresa拒絕接納好友的意見，原來另有因由。
哀求復合
據了解， Theresa去年一月開始與同公司的羅仲謙拍拖，二人一直相處甜蜜，直到去年十二月中， Theresa踢爆羅仲謙腳踏兩船，並向外宣稱他講嘢無句真，當時從沒承認過戀情的她，單方面表現出與羅仲謙決裂，惹來炒作新聞疑雲。兩人分手後，據知羅仲謙不斷哀求復合，並承諾會與北京女友斷絕來往。
「佢日日都電話、短訊要求復合，發誓話再呃 Theresa就一世都唔紅，又話唔會再傷佢心。幾個月嚟不停咁氹佢， Theresa心軟俾機會佢，相信佢唔會再呃自己。」知情者透露。
Theresa被謙仔痛毆後，雙腳又瘀又腫，她曾拍下相放上微博，並表示身體傷害會好番，心靈創傷則要時間。
謙仔跟 Theresa前日被召返公司，不過二人未有碰面，在他離去後兩分鐘， Theresa才在胞姐陪同下到達。
故態復萌
今年四月，羅仲謙箍煲成功，第一件應承 Theresa的，是開手提電話響聲，「由拍拖第一日起，羅仲謙嘅手提電話只會係靜音模式，佢話係佢個人習慣。佢哋一齊嘅時候，有個大陸電話經常搵佢，佢話係個上海有錢基佬好冧佢，泊住佢個碼頭有着數先應酬吓， Theresa冇懷疑佢，直到發覺呢個上海基佬成日打嚟，令佢開始留意。
「有一日，佢問羅仲謙有冇嘢呃佢，羅仲謙誓神劈願話冇，咁 Theresa就問佢拎個電話嚟睇，又見到個大陸電話，就當住佢面回撥呢個電話，結果係個女仔聽， Theresa問『你係邊個呀？』對方話『我係羅仲謙女朋友』，才踢爆佢原來有個北京正印。」
復合後，羅仲謙為得到 Theresa信任，便將電話長開響聲，直到七月，他又故態復萌，令 Theresa起疑心，查看他的手機，結果，發現內裡有些曖昧短訊。
記者會後， Theresa由朋友陪同跟媽咪食晚飯，心情極差的她，離開時喊到眼腫腫。
Theresa上週六出席跟 MC JIN潮 Tee發布會，自爆被謙仔痛毆真相。（《蘋果日報》圖片）
Theresa媽咪跟弟弟離開食肆時，未有回應記者提問。
被打後， Theresa出席新書發布會，要著長裙遮住腳傷。
以死相迫
羅仲謙見到 Theresa攞住自己的手機，大發雷霆爆粗，「當時， Theresa問佢『你又話唔會再呃我？』，然後雙手拍打羅仲謙心口，佢一手搶番個電話，另一隻手推咗佢落地。」
其間， Theresa曾經以死相迫，「 Theresa無還手之力，當時佢講 咗一句『你再打我，我就死俾你睇！』佢起番身想行埋去，羅仲謙就將佢雙手屈向後推落地，再將佢成個抱起，走入睡房；佢嘗試爭扎，刮損咗男方塊臉，佢講咗一句『呢個世界咁×多男人都係咁，又唔見啲女人講出嚟？我一拳就可以打×死你！』再掟佢落床，撞到旁邊嘅窗台，然後就走咗。」從此，兩人沒見面正式分手。
Theresa忍唔住自爆被謙仔痛毆後，他立即開記者會，冇否認打人，只承認嘈交時鍊傷對方。
開完記者會，一直愁爆的謙仔返電視城開工，跟傳過緋聞的黃智雯拍《 On call 36小時》，終於笑得出。
好友揭發
被打傷當天是七月廿二日， Theresa沒有跟任何人講，七月廿三日，幾位好朋友上她屋企，看到剛沖完涼的 Theresa手、腳均有瘀傷，追問發生什麼事。
「問咗幾次都唔講，有個朋友問係唔係比羅仲謙打，佢都唔出聲，揭起佢條短褲見到佢個 pat pat瘀晒，幾個朋友好嬲，有個仲拎住部電話影咗幾張相，然後要佢報警！佢淨係擰頭，班朋友鬧佢蠢，話一定要追究，佢先出聲，話因為上一次佢指責羅仲謙，大家都認為佢造新聞，加上男方亦喺佢面前講過，外間覺得佢係乖仔一個，會信佢。幾個朋友勸佢唔到，之後去 咗搵佢家姐 Christina，俾埋 啲相佢睇，家姐見到去搵個妹，要佢去報警，不過佢好硬頸唔肯。」
去年 12月， Theresa發現謙仔一腳踏兩船，二人出席公眾場合時零交流。原來 Theresa跟謙仔北京女友傳過短訊，二人發現謙仔一直講大話，謙仔從未跟北京女友分開過。（《蘋果日報》圖片）
Theresa與羅仲謙擔演《熱浪求愛戰》男女主角，與該電影監製黃永峰私交甚篤。對於 Theresa復合及被毆打的事，黃監製坦言早知這事，並希望 Theresa重新振作。
非首次被打
據知，羅仲謙今次是第二次向 Theresa動手，第一次是拍拖第一年，「嗰陣 Theresa住喺藍灣半島，有次佢哋鬧交， Theresa打俾個喺附近返工嘅朋友，個朋友有佢屋企鎖匙，仲即刻走去屋企睇佢，點知一開門就見到 Theresa趴咗喺地下，個朋友見到咁嘅情況，指住羅仲謙鬧『你憑咩打我個朋友？你而家即刻走，你夠膽打佢？女人你都打？我點知你會唔會有日發癲唔小心殺咗我個朋友呀？』
「當時羅仲謙解釋話同 Theresa一齊食緊粥時鬧交，兩人推 嚟推去，佢潑 咗羮粥落佢心口，佢好嬲就摑 咗佢一巴兼推佢落地，個朋友聽完問『你因為一匙羮粥打佢？你有躁狂呀？』知衰 嘅羅仲謙不停講對唔住，跪住講唔會有下一次，話係自己衝動咗，不停求 Theresa同佢個朋友原諒， Theresa出聲話算！」知情者說。
兩人欠信任
羅仲謙表示， Theresa經常查看他的手機，因欠缺信任而令感情無法維繫。事實上， Theresa確有看過他的手機，「俾人呃過一次， Theresa對佢都有啲保留，今次復合睇過佢手機一次，唔係因為睇到佢有咩女仔打俾佢，根本羅仲謙嘅手機電話簿裡面，從來都唔會入名，只係靠記冧把，見到嗰啲短訊，佢都唔知對方係邊個。」
信任是雙方， Theresa與羅仲謙均要負上責任。「羅仲謙好容易呷醋， Theresa同朋友出街，打電話聽到在場有男仔，就會打幾次俾同 Theresa一齊 嘅朋友，叫佢唔好俾啲男仔埋 Theresa身，搵唔到佢，就會煩佢身邊朋友，疑心好重，又會叫佢身邊朋友，多啲喺 Theresa面前讚自己，係個又靚仔又好嘅男人。」
今屆落選的 13號港姐蔡慧欣與羅仲謙撻着，除了是被男方甜言蜜語吸引外，還因為他表示自己是單身。
對於被傳與蔡慧欣撻着，羅仲謙急召傳媒，並否認傳聞。
羅仲謙 2010年擔任港姐外景嘉賓時，傳出與 2號張莉莎失蹤兩小時。
七月尾出席公開活動， Theresa的瘀傷漸退，在塗上遮瑕膏下，仍見到手、腳瘀傷。
專吼參選港姐
羅仲謙被 Theresa公開踢爆一腳踏四船，並即召開記者會，但卻沒有否認劈腿之說。據知，羅仲謙從來都沒有跟北京女友分手，而且對參選香港小姐的佳麗最感興趣；去年羅仲謙首次做港姐嘉賓，隨隊到印度拍外景，當時曾經傳出他與 2號張莉莎在拍攝期間失蹤兩小時。今年，羅仲謙再次隨港姐到台灣拍外景，據知，他對 1號的甄敏婷及 13號的蔡慧欣特別照顧，甚至聲稱自己是單身，又單獨約過蔡慧欣晚膳，結果成功撻着。
據知， 1號甄敏婷曾經向人承認過羅仲謙對她特別好，「羅仲謙每日都會以短訊搵佢，半夜去做 gym、拍緊劇都會搵 1號，不過 1號唔多受佢呢套，因為喺台灣見到羅仲謙追蔡慧欣，之後又咁對自己，覺得呢個人好花心， 1號繼續睬佢，係因為佢話知道點答 嘢入圍機會大，所以先敷衍佢。」知情者說。
就今次報導，羅仲謙說：「聽日（廿四日）會出嚟交代件事。」
由愛到恨
09年 10月
Theresa改投星皓，與羅仲謙不時孖住行騷。 Theresa排舞時，謙仔頻頻送外賣，意圖奪取芳心，展開追求。
10年 7月
謙仔成功追掂 Theresa， Theresa在繪本中晒戀情，在書中不避嫌——想咬你胸前的兩塊肌肉，二人更以情侶檔搵銀，一同出海玩香蕉船，令戀情徹底浮面。
10年 12月
二人忽然在公開場合零交流， Theresa嬲爆直斥謙仔「講嘢無句真」，原來 Theresa揭發謙仔內地有女友，一怒之下攤牌分手。
11年 5月
唔死心的謙仔落力施冧功翻撻，當外界以為二人已斬纜，其實轉玩地下情，直至最近發生痛毆事件，維持一年多的戀情才正式告終。
09年 10月
11年 5月
秒殺女生
27歲的大隻仔羅仲謙擁有強勁臂彎、寬闊胸襟、戇直外表加上乖乖仔形象，秒殺唔少雌性動物，難怪他與多位圈中女星傳出緋聞。
馮皓詩
08年謙仔拍電影《愛鬥大》，背着正印女友蔡小姐，暗溝「翻版栢芝」馮皓詩。穿煲後馮皓詩即與謙仔斬纜，之後索性退出娛圈。（《蘋果日報》圖片）
黃智雯
09年謙仔跟鵪鶉妹黃智雯拍 TVB劇集《搜下留情》撻着，謙仔靠細心周到將對方追到手，但戀情只維持數月。
江若琳
08年謙仔和江若琳在電影《六樓后座 2》合演情侶，有傳二人戲假情真，但二人矢口否認。
候選港姐
去年拍攝港姐外景期間，謙仔和 2號佳麗張莉莎雙雙失蹤；今年 6月謙仔隨今屆港姐到台灣拍外景，開口講到明欣賞 1號甄敏婷（見圖）、 2號關曉琳及 13號蔡慧欣的身材。炎炎夏日又請食雪條大獻殷勤，成為港姐甜心。
是非女
傅穎（ Theresa）唱歌、拍戲、寫書瓣瓣做齊，事業依然未見起色，由唱《花吃了這女孩》被網民狠批走音開始，麻煩揮之不去，是非多籮籮。
爭做一姐
同樣 cookie組合出身，但 Theresa與另一餅女 Stephy（鄧麗欣）命中注定係宿敵，經常為爭做一姐不和。
換碼頭
09年金牌大地震，由「太子基」鄭中基掌舵，非我族類的 Theresa哭訴「食緊穀種！」。不甘被投閒置散的她唯有向金牌發律師信要求解約，但舊約未清， Theresa又高調宣佈加盟星皓，搞到最後要對薄公堂。
愛情騙子
09年 Theresa出自傳，書中提及她曾在圈中遇愛情騙子，惹起諸多猜測，嫌疑最大的有鄭中基、方力申等與 Theresa稔熟的男藝人。
爆窗報警
去年底， Theresa在微博稱睡房玻璃窗被人用硬物打破，搞到滿地碎片。她懷疑是偷窺狂所為，但卻被人質疑她報警搞大件事，純粹為搏宣傳。
Orignal From: 獨家驗傷屁股開花 羅仲謙痛毆傅穎掟埋窗
沒有留言:
發佈留言