媽咪姐手帳
TVB臨記爆大鑊 猜猜猜誰是粗口女主角？
2011年08月26日
上一期，媽咪姐先寫完陳冠希（ Edison）呢個「終極男主角」，估唔到話咁快就有「女主角」出現，佢仲同 Edison一樣，會爆粗嘅呢！呢個娛樂圈，真係乜人都有，日日有新料。
話說媽咪姐得閒都會上吓網增值，星期日（ 21日） click上一個人氣討論區八吓，咁就俾我見到有個喺 TVB做臨記嘅網友喺度大吐苦水，話有位一姐（我從來唔當，但 TVB當。嗱，呢句係網友講嘅）見佢哋一班臨記埋位行得慢少少，就即刻鬧爆，仲要用埋粗口㖭！呢位網友話佢當堂呆咗，而媽咪姐睇到呢度，都唔知應該俾乜嘢反應個電腦好囉。
一姐喎！港姐喎（資料由臨記網友提供）！仲要係某人女友喎（再次鳴謝臨記網友提供資料）！乜唔係應該美貌智慧儀態溫柔嫻淑並重嘅咩？嗯……都應該有嘅，俾大班記者影緊嘅時候囉（人少少時，媽咪姐都唔敢包呀！）其實，媽咪姐成日都話，個人假，都算嘞！又唔係要做人世，大家客客氣氣咪好囉。不過，做人呢，千祈唔好無禮貌，無人生出嚟要受你氣㗎！
好想知「粗口女主角」係邊個？大家咁鬼精靈醒目，睇落去就明㗎啦。而且，做人做事，都係一個道理——若要人不知，除非己莫為囉！
我有男朋友咩？（設計對白）
我係華裔小姐亞軍呀！（設計對白）
啱啱去完歐洲旅行咋。（設計對白）
我萬歲就多。（設計對白）
你唔係話我吖嘛？（設計對白）
我無選過港姐㗎！（設計對白）
人哋邊會係啲咁嘅人啫。（設計對白）
先讚楊怡後爆料
臨記網友先讚楊怡好人，請大家飲嘢。然後，忍唔住爆有一線女藝人係「粗口怪」。
楊怡同馬國明、羅仲謙拍緊《 On Call 36小時》。
成班網友即刻追問誰是「粗口怪」？臨記唔敢開名，只話係某人女朋友，大爆佢嘅爆粗惡行！
胡杏兒同李詩韻拍緊《換樂無窮》喎！
臨記網友唔否認「粗口怪」係港姐，跟住有網友估係「伊麵嫂」，其他人即刻話蒙嘉慧唔係港姐，臨記網友都忍唔住讚大家精明。
再爆「粗口怪」大牌劣行
最後，臨記網友都唔肯開名爆邊個係「粗口怪」，但忍唔住再爆佢扮大牌，食飯時要助手撥扇，太后一樣！仲話佢無朋友㖭。
蒙嘉慧同陳展鵬趕拍《 ATF反恐》。
佘詩曼同陳豪最近在港拍《 4 in Love》。
Orignal From: TVB臨記爆大鑊 猜猜猜誰是粗口女主角？
沒有留言:
發佈留言