封面
入屋狂影 林峯再墮國產妹情慾陷阱
2011年08月24日
瞞住全個大中華區私藏潘霜霜的林峯，俾幾張床照玩殘，除傷盡女粉絲外，連個唱亦因形象插水累票房。
食女食出禍， 31歲 chok峯依然唔識死。今年 3月同潘霜霜分開後，誓神劈願話「只會專注工作」，本刊卻發現林公子原來一直瞞住霜霜，跟一名身材惹火的廈門酒吧妹芳芳匿埋玩，至今仍未斷纜，女方更不時踩上林峯位於帝景園屋企過夜，更在屋中狂影相扮女主人。
Chok峯一腳踏兩船，前度潘霜霜向本刊證實見過芳芳，「他們曾在我面前了斷過！」表面分手實際暗食，林峯攞得視帝啦。
自從今年 3月爆出峯霜床照，林峯乖仔形象即時幻滅，唔只粉絲大量流失，連原本傾好的內地劇亦遭換角，人財兩失。
又衰多鑊？！（設計對白）
外表老實乖仔的林峯，食女食上癮，中過招都唔識死，佢班粉絲睇清偶像真面目未？
半夜影林峯獎
明明係票房毒藥，但林峯繼續有戲拍，上週四（ 18日）與吳尊（左一）、鄭伊健（左二）等人到北京出席《忠烈楊家將》記招。
眼見形勢唔對路，林峯近月不斷發功補鑊，去到邊都歡樂先生上身任影唔嬲，代言的飲品廣告又夾 啱時間出街，更即將參演黃百鳴開拍的大片《忠烈楊家將》。
前途回復光明，但本刊卻發現林峯死性不改，唔夠半年已經唔記得有幾傷，繼續帶女返屋企。
本刊發現一名叫芳芳（又係叠字名！）的內地女子，本月 12日在微博放了幾張相，照片背景放滿林峯多年來贏過的獎項，還有一張跟雪橇犬的合照，明顯是林峯的屋企。雖然相中只有芳芳一人，但她凌晨 4點仍在林家，又留言話「失眠呀！發張照片愚弄下大家」，擺明有得在林峯屋企過夜，乘機晒命。
帝景園狂拍
8月晒獎
林峯廈門女友芳芳喺林家狂影相留念，又唔生性，於今個月 12日半夜將啲相放上微博。芳芳身後一系列獎座，其中一個係 07年「勁歌金曲優秀選第三回」，咁清楚，峯少想唔認都難啦！
同日，芳芳夜媽媽喺林峯屋企嗌失眠，佢坐緊嗰張梳化床，正正喺獎櫃隔籬。 8月 12號林峯唔使開工，估計應該留喺屋企陪新女友。
芳芳同林峯都係廈門人，兩人成長背景相同又有共同話題，難怪林峯同佢拖拉多年都唔捨得分手。
上年玩峯狗
2010年 12月，林峯與潘霜霜仍在熱戀期間，但芳芳仍可走上疑似林峯帝景園屋企，同林峯隻寶貝雪橇狗「咪咪」影相。
3月瞓床
今年 3月峯霜床照未爆前，芳芳與林峯仍未能名正言順翻撻，心情反覆的芳芳躺着在微博發脾氣留言。
霜霜講芳芳 「在我面前了斷！」
去年 2月拍《翡翠明珠》撻着的峯霜，因一輯床照搞到反面收場，林峯事業一度插水，霜霜更被林峯粉絲日日追住鬧。事過半年難得甩身，點知林峯新女芳芳竟然喺霜霜微博留言挑釁，向霜霜示威！芳芳公開宣戰，霜霜竟然封口唔回應，只承認：「他們曾在我面前了斷過！」情敵咁唔識死，都真係無話可說啦！
峯霜床照搞到兩敗俱傷，但林峯為溝女乜都唔理，隨時又有床照睇！
留言示威
潘霜霜喺微博分享現時拍戲生活，情敵芳芳竟然留言辣對方，仲叫霜霜去微博睇佢上咗林峯屋企嘅相，表示自己先係最後勝利者。
晒 chok獎
芳芳除咗 8月上過林峯屋企，今年 3月、即峯霜床照爆發前，芳芳亦到過林峯家，仲將男友啲獎座仔細影低放上微博，慌死人唔知佢有個歌星男友！
TVB台慶
林峯上年連攞「我最喜愛的電視男角色」及「 tvb.com人氣大獎」，可能兩個獎太奀，俾林峯求其擺响櫃頂。
中文金曲
芳芳將林峯 09年攞嘅「十大中文金曲」獎放喺床上影，仲話「把握每一個讓自己快樂的機會」，佢已經把握咗啦！
一腳踩兩女
能夠風頭火勢進駐林峯家，全因芳芳是林峯的老相好，二人感情深厚。「芳芳同阿峯一樣係廈門人，佢兩個識咗好耐，阿峯同潘霜霜一齊之前已經同芳芳拍拖。後來佢睇中潘霜霜，不過都瞞住霜霜繼續同芳芳來往，兩個女友都唔喺香港長住，阿峯咪以為輪流叫佢哋返屋企都唔會穿煲囉！」林峯身邊人透露。
諗住神不知鬼不覺，但紙包唔住火，據知精甩邊的潘霜霜一早察覺男友有唔妥。「阿峯嗰排有呻過，話俾霜霜知道咗佢同個廈門女友嘅嘢，雖然佢仲鍾意芳芳，不過又唔捨得同霜霜分手，咪做場戲扮分手。」
撇霜霜翻撻拜金芳芳
據知跟內地有勢力人士相熟嘅芳芳，是標準拜金女，經常氹林峯送名牌禮物，林峯為冧女，送禮亦毫不手軟。其實 4月正值峯霜戀爆煲，估唔到林峯可以一邊喊晒扮受傷一邊冧女，果然好戲！
食家林峯口味可算一致，新女芳芳又是喜歡唧胸自拍的內地佳麗。
豪放晒「套」
芳芳除愛轉發奢侈名牌貨亦愛上載「成人」內容， 2月轉發印有疑似名牌標誌的避孕套，話有機會一定要用。
匿名 Hermè s
今年 4月，芳芳在微博勁晒收到的值 12萬的卡地亞 Baignoire手表、愛瑪仕及大束黑玫瑰，指是沒留下名字的神秘人送上。
送卡地亞表
新屋問老公
與林峯份屬同鄉，芳芳近月一直為新居裝修事宜奔波，忙完還在微博問「老公」意見。
傷峯金句
3月霜峯戀內情連環爆出，潘霜霜咬實林峯唔放，當時以受害人身份現身交代嘅林峯，玩封口扮低調避風頭，但適逢為要新劇《回到三國》開鏡冇得避，被迫眼濕濕扮可憐，實則當時仍 keep住同芳芳來往，身邊從未試過冇女。
今年 3月 23日《回到三國》開鏡，林峯即被大批記者包圍要求回應霜霜床照事件。林峯谷盡七情上面扮受傷，更話要努力工作，博轉移視線。
「我跟她（潘霜霜）拍拖的那一段時間，如果有任何事情、形式傷害到她。就算是一個布局，我也甘心接受。」
「只要一聽到或想起這件事，都會傷心一次，感覺幾心痛！」
「每次想起屬於自己的美好回憶，好心痛！」
「只希望情緒上面可以好穩定，可以將將工作。」
屈林峯買名牌
據知，芳芳唔似潘霜霜屋企做生意有家底，她只在香港一間酒吧任職吧女，而有指她在內地跟有勢力人士關係要好，連林峯都買佢怕，芳芳亦老實不客氣，經常要求林峯送禮，件件名牌，冇幾萬蚊都唔肯收。
潘霜霜週一（ 22日）接受本刊電話訪問，表示唔想再提林峯，但被問到芳芳跟林峯關係時反應激動，「他們曾在我面前了斷過……其他的我不想再講！」至於點了斷，霜霜未有回應便匆匆收線。
擘大眼講大話
色字頭上一把刀，林峯早前接受訪問時講過會盡量避開雌性動物，仲懶認真話：「我家出去外面，唔好話同人影相，我連鏡頭都驚，只要任何雌性埋 嚟，我戒備心都好重！我家過得幾開心呀，感情生活空白，但工作絕對滿足到。玩玩具、打機、睇卡通片，一樣填滿到我！」驚鏡頭，不過女照溝啫！
Chok峯愛國產
以玉男形象冧遍亞太區少女嘅林峯，可惜齋口唔齋心，入行 13年緋聞冇停過，包括一直唔受溝的鍾嘉欣，就算誤交潘霜霜而中伏，花心林峯照舊唔守色戒，繼續女照。
芳芳除咗狂影林峯屋企，去到邊都鍾意拎住部手機周圍影。
關注林峯老死
芳芳明顯對林峯身邊的工作行程及夥伴瞭如指掌，林峯御用唱片監製鄧智偉的微博，佢亦有轉發。
林峯私人髮型師 D.Y.上載林峯開騷前綵排相片，芳芳用短短兩個「 SB……」轉發，正是普通話暱稱「傻 B」嘅簡稱。
林峯私人髮型師 D.Y.上載林峯開騷前綵排相片，芳芳用短短兩個「 SB……」轉發，正是普通話暱稱「傻 B」嘅簡稱。
《忽然 1周》圖片
'01撻着李彩華
22歲林峯拍處男電影《別戀》，與當時 18歲的李彩華撻着，女方更被影到多次出入林峯嘅帝景園寓所過夜，但戀情僅一年多玩完。
《忽然 1周》圖片
'06包起助手
06年 3月在上海拍劇嘅林峯，被揭用 2,000人仔包養內地助手美美，美美除陪玩、陪食，在片場更細心照顧，似情侶多過助手。到同年 11月，在北京工作嘅林峯，一樣有「美」在旁。
'11散玩藍莓（劉俐）
7月林峯嫲嫲仙遊冇耐，就被影到在夜店同「藍莓」劉俐十指緊扣兼跳貼面舞。見報後佢死兜話大家「唔係好熟」及死撐拖手錫面係角度問題。
'11偷嗒陳嘉桓
去年被林峯點名做 MV女角嘅 18歲嫩模陳嘉桓，被指介入霜峯第三者。有傳林峯以玩狗作藉口，經常邀請陳到自己屋企。但今年 4月尾陳嘉桓經理人公司發聲明澄清，二人合作後已冇聯絡。
多懵仔
TVB小生為形象，血氣方剛之年都要扮到守身如玉，以為收埋食冇人知，點知遇着進取美女，通通疑似被女方放料，搞到形象插水。
黄宗澤 衰畀華姐
08年 黄宗澤背住正印胡杏兒，在加拿大登台偷嗒 05年多倫多華裔小姐倪晨曦，二人嘟嘴親密合照在 10年 3月曝光，事後躁爆胡囧以「蘇州屎」回應男友偷食。好彩胡囧對 Bosco一條心，到嵋家都仲係 Bosco正印女友
《蘋果日報》圖片
乳牛電暈 吳卓羲
從來冇認過拍拖嘅吳卓羲，自去年被「 36F乳牛」張馨予成功收服，就算女方被指多次放料，甚至同 K迷在微博展開罵戰，唱 K一樣忠心死撐話：「如你們真的支持我，就請尊重她！」
鄭嘉穎 屋企食模
去年 8月，一向小心嘅鄭嘉穎被影到同國產模徐靖雯於西貢寓所禁室培慾，玩足七十二小時。到離開時，二人先後從窗口睇水，同屋斷到正，徐靖雯亦因為呢單新聞響朵。
《壹週刊》圖片
Orignal From: 入屋狂影 林峯再墮國產妹情慾陷阱
沒有留言:
發佈留言