將純愛故事變成港式師奶劇，最慘係原著條6000級感人長樓梯，竟然要去馬鞍山後山拍攝，搵條得十幾級樓梯 嘅山路是但拍，無綫風格夠晒統一。
繼《心戰》做變態殺人狂，陳豪喺下週一（17日）播映 嘅新劇《天梯》回歸做癡心情長男。該劇根據重慶一對老妻少夫（劉國江，徐朝清）嘅真實故事，丈夫為令妻子上落山方便，用雙手由山腳開始起了6000級樓梯，條橋如落在韓劇中，一定煽情去盡。
41歲扮72歲、 43歲扮82歲
劇中6000級樓梯就喺馬鞍山山邊、行內俗稱「天外天」拍攝，佢哋腳下條樓梯實情只得10級。不過二人老妝都算唔錯，加埋兩位演技，希望觀眾唔好介意啦！
新娘潭
劇中陳豪會間唔時去捉魚返屋企，該場景喺新娘潭一個湖仔拍攝。
馬鞍山扮重慶
由於冇錢去重慶，除咗港式天梯外，劇中大部分外景都喺馬鞍山拍攝。
西貢白頭沙
二人隱世小屋喺馬鞍山的白頭沙沙灘搭建拍攝，唔喺古裝街拍算做好有誠意㗎喇！
劇中張可頤先做張國強老婆，及後張國強死咗，張可頤爭產爭輸，跟住由零開始，又要面對陳茵媺呢個小三，角色討好，可惜佢已約滿離巢，唔會出席宣傳。
迎合師奶
原著真摰感人，可惜無 綫為要迎合師奶口味，竟硬加師奶最愛 嘅爭產橋段，原著兩位主角住深山與世無爭，但為 咗要有曲折橋段，將陳豪同張可頤設定喺葯廠相識，之後因為張可頤老公張國強死 咗，於是又順理成章爭家產。知情者說：「原著條橋捱唔到 20集，咁咪要加 啲戲落去拖長佢囉！」爭產不特止，為配合主人翁年紀，要明明只係大陳豪兩歲的 43歲張可頤變老 10年，仲嫌純愛大橋唔夠爆，加多個陳茵媺落去，劇中角色超慘，先做張國強小三，及後更被流氓因姦成孕，簡直未睇都預知劇情。
純愛橋段變師奶味，最慘連最緊要 嘅 6000級樓梯，因製作費所限，冇得去重慶拍攝，惟有 喺馬鞍山就地取材，將 6000級愛情天梯，降級為 10級山路算數，貫徹無綫是但作風。週一（ 10日）外事部副總監曾醒明對本刊說：「諗過出外拍嘅，不過演員檔期唔得吖，惟有就地取材啦，（加咗好多爭產戲嚟迎合師奶喎？）咁要豐富個劇情先得㗎嘛。」
真版
真正主角劉國江為咗老婆行得舒服，徒手整咗條樓梯畀老婆，整咗50年先完。網上圖片
原裝超斜
6000級樓梯好少平路，有啲地方仲好斜，後生仔上去都要成兩個鐘。
是但版求其
真實嘅天梯有成 6000級，由山腳一路砌到上山頂勁斜，到無綫版就變成山路十幾級樓梯，感動程度真係差啲。
天梯變景點
劉國江為愛妻徐朝清整咗條天梯， 07年12月劉國江去世，而徐朝清o依家已搬到兒子家一齊居住，而二人曾經居住的住所亦成為重慶景點之一。
C AllStar憑〈天梯〉一曲彈起，今年 6月出發到重慶探訪，更拍成一套紀錄片，將會 喺 12月時推出。
條路又斜又難行！
導演晴朗
今年 6月我哋去到重慶拍音樂紀錄片，其實山路好崎嶇，根本上唔係人行，又有懸崖又有青苔，最慘就係國內話變咗旅遊景點區，其實呃人，已經俾好多人破壞晒，我哋希望今次套戲 12月上映嘅時候，可以籌到錢畀婆婆重建條樓梯。
陳茵媺因姦成孕
《天梯》除 咗陳豪、張可頤外，劇中最搶就係陳豪嫂陳茵媺，劇中先做張國強小三，之後更被張可頤兜巴星，然後再被流氓強姦，跟住仲有咗，全劇由頭喊到尾。
雖然陳茵媺因姦成孕，但黃德斌對佢不離不棄，套劇由頭慘到尾，最後都成一對，大團圓結局，師奶唔會投訴。
Orignal From: 10級山路扮6000級 純愛《天梯》硬變強姦爭產劇
沒有留言:
發佈留言