民建聯的劉江華墮馬未能在立法會連任，令全城不認同民建聯的市民齊歡暢，有人甚至到劉議員的辦事處開檳慶祝，而部份網友就在網上盡情以各式各樣的方式表達開心心情，其中有人將跟劉江華名字差不多的資深藝人劉江、劉德華及江華拿來做代表，將劉江華惡搞一番，齊來贈「㷫」。又有網友在劉江華辦事處門外高唱徐小鳳的歌曲《喜氣洋洋》來慶祝一番，唱道：「熱烈地彈琴，熱烈地唱……」
【今日我至吹】劉江華落選，花生食唔完。網民喪key劉江、江華同劉華，唱埋小鳳姐隻飲歌，飲多杯勝，吹咗佢！惡搞圖片
相信最近最hit的歌曲，非徐小鳳的《喜氣洋洋》莫屬。資料圖片
對於劉江華落選，網友出動華仔（左）和星爺祝賀。
網民連資深演員劉江都玩理，劉江昨謂並不介意。惡搞圖片
劉江：由得佢
記者昨日致電徐小鳳，小鳳姐因趕時間，聽到記者提及其歌曲被用來諷刺劉江華，叫記者稍後才致電給她。及後再找着小鳳姐，她聞得《喜氣洋洋》被網友借用惡搞，笑說：「咁曳呀？有少少曳喎！我都有留意選舉新聞，有人開心，有人唔開心。」
至於與劉江華名字差不多的藝人未有因被網民惡搞而感到不開心，當中在電視台被尊稱為劉老師的劉江昨日電話中笑說：「介意都冇用，都控制唔到，哈哈……由得佢。」問劉江對劉江華可有印象？他說：「冇乜，只係知佢個名同我差唔多。」那有否投他一票？劉江說：「呢啲要避忌唔講得，我係藝人，要中立，雖然我有立場。」
江華見到自己恭喜劉江華，相信也笑不停。惡搞圖片
江華：笑唔停
江華則大讚網友很有創意，他昨日在電話中說：「我有睇過啲相，幾好呀，可以連串埋一齊，睇到笑唔停，諗得到啲咁嘅對白、畫面，仲有片㖭，好有創意，佢哋真係應該去拍戲、寫劇本。」以前江華甚少留意議員，只在選舉期間在街上見過橫額，反而覺得劉江華夠大方，江華說：「咁玩佢都冇發脾氣，氣度不小，有啲人真係會出嚟鬧，反晒面、黑晒面都有，佢幾有修養，真係唔簡單。」
Orignal From: 網民惡搞賀劉江華落選 江華狂笑劉江不介意
沒有留言:
發佈留言