探熱針
無綫包薪 50萬 陳展鵬 3個月跑夠數
2011年10月20日
電視圈大戰，無綫台前幕後成為城市挖角目標，今年中在電視劇《真相》首次做男主角，忽然跑出的陳展鵬，八月改簽無綫經理人合約，挖角潮無佢份，唯有疊埋心水做好自己份工。簽新約三個月，話咁快賺夠包薪價五十萬，其餘收入袋袋平安。留守無綫，一樣大把世界！
陳展鵬幫契姐黑妹演唱會做嘉賓， fans湧到台邊送花要求抱抱。
三個月達標
三十四歲的陳展鵬（煎 Pang）效力亞視六年後，○八年轉投無綫，今年六月終憑電視劇《真相》彈出，升格做小生並獲公司力捧，在新劇《 ATF反恐》再做第一男主角，又得監製王心慰大幅加戲份，連吳卓羲都要借歪。月前，無綫與他改簽八年包薪經理人合約，年薪五十萬。
人氣升，陳展鵬工作不絕，廣告、登台、活動，甚至是保險講座等不同類型的工作，大小通殺，兩個多月來，接了近二十個 jobs；未計拍劇及其他無綫節目，「出 show」收入，已有五十萬，唔使三個月跑夠包薪目標，往後再接 jobs，逐單計淨袋。
做過歌星，彈結他有一手，無綫準備鋪路幫陳展鵬再戰樂壇。
同契姐黑妹○六年拍亞視劇《靈舍不同》認識，契姊弟合唱， fans派紅包。
訪問期間，擔心陳展鵬無時間食飯的陳母（小圖），不時上前催促兒子。
陳展鵬在台慶劇《法證先鋒Ⅲ》飾演女主角張可頤男友，雖屬客串，卻也重點宣傳。
密食當三番
九月拍完《 ATF反恐》後，陳展鵬全身投入搵真銀，屋邨酒樓演出、商場活動、幫旅行團做騷、講座、短期廣告乜都接，三個月進賬五十萬。
Fans爭住嘴
「好多 jobs係《真相》帶挈俾我嘅，例如保險講座，佢哋覺得我律師形像夠深刻，你哋（指記者）又話我入行十七年鹹魚翻生，經歷夠所以搵我講 talk。至於 Alainmikli個眼鏡廣告，就因為我戴咗佢哋牌子眼鏡拍劇，出街之後，好多人打電話去問，所以個客索性搵我拍埋廣告。」陳展鵬說。
留守無綫一樣有運行，陳展鵬上週三（十月十二日），幫契姐李麗霞做完「黑妹演唱會」表演嘉賓，即晚出發澳洲墨爾本做華裔小姐嘉賓；緊接着還有澳門、珠海、馬來西亞及溫哥華各地演出，馬不停蹄。
「黑妹演唱會」當晚，大會為了配合陳展鵬飛澳洲的航班時間，安排他打頭陣出場，在台上獻唱《真相》主題曲《潛伏》及張學友的《怎麼捨得你》等，又與契姐黑妹手拖手合唱《明天你是否依然愛我》，其間大班女 fans爭到台邊給他利是，又攬又嘴，陳展鵬有求必應。
晚上十時許，陳展鵬與經理人到機場 check-in，出發去墨爾本做華裔小姐嘉賓。
練得一身肌肉的陳打開心口，與黃宗澤及陳茵媺拍攝新劇《酉陽雜俎》造型照。
與李司棋及吳卓羲等拍新劇《 ATF反恐》，吳卓羲 fans曾因陳展鵬戲份多過「唱 K」，四出投訴。
三劇在手
晚上九時許，陳展鵬在經理人陪同下趕到機場，趕乘當晚十一時起飛的飛機到墨爾本，瘋狂 fans飛的（士）跟入機場送機，係威係勢。
十二月，陳展鵬將要投入與黎耀祥、張可頤合作的重頭劇《大太監》的拍攝工作，再接黃宗澤及陳茵媺有份的古裝劇《酉陽雜俎》，加埋已拍完的《 ATF反恐》，陳展鵬三劇在手，未來一年，大有機會再上一層樓！
Orignal From: 無綫包薪50萬 陳展鵬3個月跑夠數
沒有留言:
發佈留言