2011年10月23日星期日

鍾嘉欣自信終會攞視后

前日本報獨家報道今年台慶內定鍾嘉欣奪得「我最喜愛電視女角色」,更指公司有意力谷她上位做一姐,昨日嘉欣出席活動時坦言有信心拿此獎,不過覺得自已仍有進步空間,距離視后仍好遠。

鍾嘉欣昨日於大埔出席萬聖節活動,談到本報前日報道嘉欣憑《點解阿Sir係阿Sir》一劇,內定為今年無綫台慶頒獎禮的「我最喜愛電視女角色」得主,她說:「未到最後都唔知,聽到這個消息好開心,因為自己鍾意Miss Koo這角色,觀眾反應也好好。」

有指無綫鬧小生花旦荒,故力谷鍾嘉欣上位做一姐,嘉欣說:「我又不覺得無小生花旦,仍然好多呢,相信好多女演員愈來愈多機會,總之做好自己吧,(阿佘等人也離巢?)阿佘、宣萱和張可頤都返來拍劇呢,其實無分別,也是TVB人。」

嘉欣謂劇集《Miss Koo外傳》將於12月頭開拍,記者笑言無綫度身定造劇集力捧她,她說:「因為《點解阿Sir》未播完反應已好好,是監製家豪哥諗的,因為很久未試過一個女角色那麼爆,好快就決定拍前傳,今次好有意義,和之前的角色好不同,希望外傳演得好啦!」

問到嘉欣是否早預計到自己攞獎?她說:「不是預了,是有信心,其實演不同的角色,無諗過個結果係點,沒想過攞甚麼獎,只是因為鍾意演戲,近日學識一句『無心插柳柳成蔭』,愈想得到反而得不到,好似Miss Koo這角色無想過會爆出來。」

問嘉欣是否對攞此獎信心大過視后?她說:「是呀,因為仍有好大的進步空間,希望自己繼續進步,有一日可以有資格和實至名歸去拿此獎項,我仍有好長的路要行,因為簽了一份好長的約。」

嘉欣昨日出席萬聖節活動。
嘉欣昨日出席萬聖節活動。

Orignal From: 鍾嘉欣自信終會攞視后

沒有留言:

發佈留言