《衝上雲霄Ⅱ》巡禮片段

8萬 1集拍《衝上雲霄 2》
張智霖幫 TVB打仗

無綫為迎接明年的免費電視大戰，不惜翻炒經典劇集， 03年叫好叫座的《衝上雲霄》將會翻拍吸引廣告商。有傳無綫以 8萬元一集高價打動張智霖（ Chilam）擔演，但近日豪花 20萬租住豪宅的 Chilam卻嫌少錢說：「吓，咁少？我唔止呢個價。」

明年免費電視大戰一觸即發，近日率先爆發的挖角潮令無綫不敢掉以輕心，不惜炮製好劇集來吸引好演員和廣告商，並造就多齣經典劇集開拍續集。 03年由吳鎮宇和陳慧珊等主演的《衝上雲霄》當年叫好叫座，自然成為開拍續集的目標，張智霖、胡杏兒、胡定欣、吳卓羲、徐子珊和港姐冠軍朱晨麗等，昨日凌晨在機場為《衝 2》拍節目巡禮。

現年 40歲的張智霖穿上機師裝靚仔有型，堪稱新一代師奶殺手。

（左起）石天欣、胡定欣和港姐朱晨麗穿上空姐制服，在機場拍攝巡禮。



周志康（左二）、 MC Jin（中）和翟威廉（右二）等有份參演《衝 2》， MC Jin身形明顯輸蝕。

胡杏兒坐輪椅

近日以 20萬租豪宅的 Chilam將取代吳鎮宇孭飛《衝 2》，對於近日盛傳無綫以 8萬元一集利誘他拍劇， Chilam笑說：「吓，咁少？我唔止呢個價，講笑啫！好多嘢未落實，家言之過早，同 TVB拍劇唔係睇價錢，自己都希望拍啲經典作品。」



吳鎮宇 03年主演的《衝上雲霄》叫好叫座，是無綫經典劇之一。劇照



首次坐輪椅拍劇的胡杏兒經過練習後，行動自如。

坐輪椅上陣的胡杏兒雖然未知是否有份冧莊拍攝，但她坦言若做殘障人士就會是新挑戰，她說：「係入行第一次坐輪椅，公司應該有預我啩，呢個劇好經典，自己都想原班人馬拍，特別係吳鎮宇，我喺佢身上學好多嘢，如果故事延續，就會講我結咗婚，可能佢會返嚟拍，靈魂人物有份參與始終會好啲。」

胡杏兒捱眼瞓碌上雲霄

胡杏兒及張智霖等昨日凌晨捱眼瞓到機場，拍攝劇集《衝上雲霄Ⅱ》巡禮片段。演傷殘人士的杏兒坐上輪椅即high爆「起舞」，碌前碌後技巧純熟。



胡杏兒之前跳過輪椅舞，故控制輪椅非常純熟。

以飛機師為主題的劇集《衝上雲霄》○三年播出叫好叫座，無綫有意明年開拍續集，張智霖、胡杏兒、吳卓羲及港姐朱晨麗等昨日凌晨先後到機場，捱眼瞓拍《衝Ⅱ》巡禮片段。

朱晨麗緊張爆燈

上集有份主演的杏兒表示仍未收到劇本，故未知是否延續篇。坐輪椅飾演傷殘地勤人員的她控制輪椅時甚為純熟，更high爆移前移後又轉圈「起舞」。她說：「之前跳過輪椅舞，所以都控制到，演傷殘人士都係挑戰，心路歷程唔同啲。」她表示希望首集「情人」吳鎮宇出山再演，再跟對方學嘢，但笑言沒有對方電話號碼。至於杏兒緋聞男友黃宗澤則於兩小時後才現身，兩人未有同場。



吳卓羲與朱晨麗於片段中飾分手情侶。



MC Jin穿上制服化身「機師Jin」。



張智霖及徐子珊捱眼瞓拍巡禮片段。

吳卓羲亦想原班人馬拍續集：「有七、八成人都好，想鎮宇返嚟，佢好有號召力。至於陳慧珊同陳鍵鋒就未必再演。（可惜？）上次S4好成功，相信今次有新人都一樣有新火花。」現場卓羲與朱晨麗拍攝分手戲份，第一次拍巡禮的朱晨麗坦言緊張爆燈，即使只得一句對白已令她「食唔落飯」。

張智霖未決定拍

另外，盛傳張智霖以每集八萬高價拍《衝Ⅱ》，他對此笑說：「邊止咁少！不過未決定拍唔拍，睇咗劇本先！（咁夜開工喎！）平時我都盡量避，但如果真係接就唔會計較。」至於MC Jin則化身「機師Jin」，與翟威廉及周志康等「年輕機師」拍攝第一次飛航前興奮的掟帽戲。

---

Orignal From: 《衝上雲霄Ⅱ》巡禮片段