鍾嘉欣匿枱底咀蕭正楠

無綫藝人鍾嘉欣、馬浚偉和蕭正楠（Edwin）昨日為新劇開工，場口講述Edwin與嘉欣在枱底不經意Kiss，甚為浪漫。馬浚偉表示與無綫仍在傾談合約，希望能在他返內地工作前有決定。

馬浚偉、蕭正楠和鍾嘉欣昨日在尖沙咀一間餐廳，為新劇《當旺爸爸》開工。三人在劇中有感情瓜葛，昨日他們拍攝餐廳用膳場口，嘉欣知道馬浚偉咳嗽，便體貼的拿出喉糖給他，豈料嘉欣論盡將喉糖碰跌，Edwin打算幫手拾起時，竟「唔覺意」與嘉欣咀嘴。



二人在枱底不經意咀嘴。

望林峯情傷後更成熟

問到事前有否做足漱口準備？Edwin笑稱：「唔使，唔覺意揩吓，（嘉欣好咀？）問番佢啦。」嘉欣則說：「係咁意點一點，呢套係輕鬆喜劇，唔會有太激嘅親熱戲。」對於緋聞舊愛林峯早前透露飽受情傷，問到嘉欣有否安慰？她說：「希望佢快啲復原，後生仔有呢啲經歷係好嘅，（令佢成熟啲？）都係，（慰問？）如果見到面，佢又有提起，都會慰問。」



蕭正楠咀鍾嘉欣前未有漱口。



馬浚偉表示與無綫仍在傾合約，過程愉快。

馬浚偉直言臨別秋波

馬浚偉透露稍後返內地工作，屆時未能出席台慶，至於與無綫傾約進度如何？他說：「公司好積極同我傾，過程都愉快，希望返內地之前傾掂大方向，一有決定話畀大家知。（王維基搵你？）同佢見過面，當識多個朋友冇壞嘅。」另外，嘉欣和Edwin拍攝時一度NG，有工作人員為緩和氣氛，爆肚講笑：「放鬆啲，有人快『離別秋波』。」馬浚偉聽到便即時更正：「唔係離別，係臨別秋波。」充滿弦外之音！

---

Orignal From: 鍾嘉欣匿枱底咀蕭正楠