無綫藝人龔嘉欣與鄧健泓拍拖年多，二人對戀情不算高調，只是間中行街拍拖時被傳媒影到，Katy坦言男友很疼錫自己，甚至待她如小朋友般寵愛。她謂：「佢依家都係當我小朋友咁，我份人比較率直，開心就開心，唔開心就會表露出嚟。」問她是否有小姐脾氣？她笑謂：「一定有，男仔都會有啦！佢都有，大家互相遷就囉！有乜都攞出嚟講就開心啲。」
龔嘉欣希望三十歲前結婚，更坦言想做全職主婦。
唔想講大話
對於公開這段戀情，她坦言沒有後悔，更謂：「至少我冇講大話！如果每次拖手、一齊行街畀人影到都要講大話的話，我覺得冇咁嘅必要，我唔係話要公布畀全世界知，只係我唔想講大話。」
龔嘉欣坦言沒有後悔公開戀情，最大原因是不想講大話。
鄧健泓疼錫女友，更當龔嘉欣如小朋友般看待。（資料圖片）
問到公司有否給壓力他們時，Katy表示沒有：「唔好咁高調囉！我又唔會喺公眾場所做啲親密行為，都好檢點，我哋都好少喺街拖手，好似做show咁！（Patrick有冇怨言？）佢冇怨言，佢都係咁嘅心態。」
另外，之前有指他們結婚，對此Katy已否認，不過她不諱言喜歡結婚、生小朋友，將來更希望做個全職主婦。問她Patrick是否結婚對象？她坦言：「我對每一段感情都會投入，都想有結果，但好多嘢冇得計算。」
Orignal From: 龔嘉欣拒做騷 拍拖唔煙韌
沒有留言:
發佈留言