偷拍事件差唔多發生半年，坦白講嬲就真係嬲咗嗰幾日，嗰陣出街見到人哋眼望望，都會諗係咪睇完嗰本雜誌呢﹖係咪笑緊我﹖嗰排真係小咗出街匿喺屋企，但係覺得咁樣唔得，於是逼自己出街。
好多謝阿媽生得我咁樂觀、豁達，好快冇事，但係嬲完係咪可以做返Friend呢﹖唔得喎，最多見到面點點頭。大家搵食啫，係咪要去到破壞我先搵到食呢﹖你份人工係咪咁樣（扌豆）o架，呢啲咩道理嚟？真係好唔明。
Bosco自言為防偷拍，換衫前會先拉好窗簾。
胡杏兒：拉晒窗簾，睇你點影？（設計對白）
Bosco與胡杏兒這一對，少不免遇上傳媒在街上追蹤。
Bosco投訴半年，卻未有回應。王浩信（左）陳自瑤（中）Bosco（右）
投訴半年冇回音
好彩我係男仔啫，如果係女仔點算﹖依家可惜係私隱專員公署跟進緊，但係半年喇喎，好似冇乜消息，催佢又冇意思，會唔會拖得太耐呢﹖有時諗如果換咗係特首畀人偷拍反應又會唔會咁慢呢？究竟係咪做緊嘢﹖可唔可以畀個答案我，依傢規範太模糊，清楚啲講明唔可以影入人哋屋企已足夠，有條例大家自然會守規矩。
居家不能冇私隱
其實公眾人物都係人啫，我出街任你影，冇所謂、係應份嘅，但係屋企係休息地方係咪可以有番少少保障呢？依傢唯有裝咗啲唔同角度窗廉，拉埋晒窗簾先沖涼換衫，但咁我同住地牢有乜分別？就算對住個海都冇用啦，黎明夠話全海景啦，佢哋喺對面海影過嚟的話，點防﹖
口述：黃宗澤 筆錄：影視組
攝影：沈健程
服裝：Hugo Boss
場地：EL CID 西班牙餐廳
Orignal From: 屋企拉簾防偷拍 黃宗澤：同住地牢有咩分別？
沒有留言:
發佈留言