林峯堂妹林夏薇與袁偉豪在無綫新處境劇《結．分@謊情式》中飾演一對契兄妹，雖然郎有情妾有意，但礙於身份問題未能放膽向對方表白，更遑論拍拖，所以在極度抑壓下，薇薇與Ben前兩晚在沙田拍外景，上演一幕轟烈的花式濕吻夢境，當拍完發夢戲薇薇回到現實再被Ben玩，所以劇情搞笑，拍來氣氛輕鬆。
袁偉豪擔心林夏薇會尷尬，想盡辦法令她咀得輕鬆冇壓力。
林夏薇初拍咀戲，連咀幾次由緊張變冇乜嘢。
林夏薇與袁偉豪在導演指導下，一臉認真的拍咀戲。
街坊圍觀
薇薇既是新人又與只交往了兩、三星期的Ben拍咀戲，可說難度十足，外景現場所見，有不少街坊圍觀，兩人親咀的鏡頭來回六、七次之多，又大玩拗腰等花式，所以薇薇都頗為尷尬，用傻笑來掩飾。問薇薇可有向堂兄林峯請教如何拍咀戲？她說：「演技會請教，但問人點拍咀戲好似好搞笑，不過，都OK嘅，起初真係好緊張，但咀咗幾次後都冇乜嘢！（會咀出真感情？）咁又唔會，我又冇男友，識得抽離！」
諗計輕鬆
Ben亦明白女士拍咀戲會尷尬，他只好諗盡辦法令薇薇拍得舒服：「我知佢冇經驗，女仔拍咀戲都好尷尬，所以我咪同佢傾多啲偈，講多啲笑，等佢輕鬆啲，冇咁難為情。（有冇要求你事前清潔口腔？）冇呀，我哋乜都冇準備，因為拍完廠景即刻接出嚟外景，不過，我事前都有同薇薇溝通過，我會點樣做，咁大家都好合拍！」
Orignal From: 林夏薇激咀袁偉豪拗腰傻笑
沒有留言:
發佈留言