有一段時間未有劇集推出的馬賽，最近忽然發力先後在無綫劇《九江十二坊》、《不速之約》及下周一首播的《萬凰之王》出現，她日前笑說：「拍完處境劇《女王辦公室》之後，好似好耐冇劇出街，其實係之前密密拍，家先排住上，好似考完試等派成績表咁，希望大家可以重新認識我，呢個先係我嘅事業。」
馬賽透露家人曾勸她退出，最後她說服家人，給她兩三年時間讓她做出成績。
要開家庭會議
早前馬賽和吳卓羲的緋聞鬧得熱烘烘。
《女王辦公室》劇照
入行三年的馬賽雖然發展不俗，但曾經令家人甚擔心，試圖勸她退出娛圈，最後要開家庭會議才能平息，原來是因為她與吳卓羲的緋聞，馬賽說：「嗰陣一路拍劇，未見到成果，佢哋又唔熟悉運作，淨係見你有緋聞走出嚟，變咗會更加擔心同憂慮。」
馬賽續說：「我哋都有開過家庭會議，討論係咪應該繼續，我叫佢哋畀多幾年時間我，睇埋呢幾套劇嘅成績，睇吓個情況係咪唔啱做呢一行，所以我希望呢兩、三個月嘅劇可以幫佢哋打支強心針。」
淡然面對是非
馬賽現在懂得如何面對是非，也不會將緋聞放上心。
重提與吳卓羲的緋聞，馬賽直說：「如果冇任何根據去寫呢段緋聞，對我同屋企人，甚至個男仔影響都好大。好多謝媽咪喺呢段時間陪我，我自己都諗通咗好多嘢，每個經歷都係令我成長，家會好淡然咁一笑置之，真正識得做番自己。」
採訪：何慧斯 攝影：陳慧安
服裝提供： ROSEBULLET
髮型： Sidney of HAIR
場地提供： SML（時代廣場）
Orignal From: 緋聞嚇怕家人 馬賽被勒令退出娛圈
沒有留言:
發佈留言