鄧萃雯近年大部分時間在內地拍劇，日前返港宣傳內地劇《還珠格格》，談到稍後將有多幾間免費電視台，雯女坦言是好事：「人生最緊要有選擇，（提高身價？）我有九姑娘、四奶奶嘅性格，會為兄弟諗，呢行好多人默默付出咁多年，個圈子大啲，唔止一個台，人自然會吃香。」
對於不少演員都北上拍大陸劇，雯女認為不一定是為錢，覺得向外闖可開眼界、增自信，跟不同人合作會有突破：「好多投資者都話港、台演員專業抵用，我哋應該去啲覺得我哋值錢嘅地方，感受吓自己有幾值錢。」
談到好拍檔黎耀祥揚言可跟張可頤以新組合攞視帝視后，雯女聞言即說：「睇吓佢係咪年年都咁吉利？我同佢互相撐，可頤都係我Friend，我有睇少少《怒火街頭》，鄭嘉穎幾好，祥仔畀啲機會細o架啦，霸咗咁多年，唔准再攞超越我！」
鄧萃雯跳槽最吃香
時常跳來跳去唔憂做的鄧萃雯，鼓勵演員跳槽爭取發展空間。
當年令趙薇和林心如一炮而紅的內地電視劇《還珠格格》，早前再拍新一輯邀請鄧萃雯飾演劇中王后，該劇最近更被無綫購入，於 J2台播出。對於內地是否重酬聘請演出，鄧萃雯迴避說：「唔係淨係講錢，我希望嘗試更多新角色，之前拍完《義海豪情》已經好攰，希望拍啲輕鬆啲嘅劇。」
有選擇才精采
對於 1998年播出的《還珠格格》收視極佳，鄧萃雯表示從未有感到壓力，更不擔心觀眾比較新舊版本，鄧萃雯說：「有比較先至有話題。」
對於近月部份無綫員工包括藝員流失，鄧萃雯認為人生有選擇才精采，要讓自己有新火花，或許要另覓地方發展才會有所啟發，鄧萃雯說：「好多演員跳槽都唔係為錢，係為發展空間，當然有新發展至會吃香。」
Orignal From: 鄧萃雯分享經驗：外闖吃香
沒有留言:
發佈留言