感情事向來都希望低調處理，保持依家嘅狀態，感覺幾好，始終係兩個人嘅事，唔想講得太白。
黃宗澤計劃多多，故年屆三十，仍未有成家計劃。
黃宗澤認為男女相處，不必為結婚而刻意打算。
侍母至孝的黃宗澤，打本給母親經營生意。
從來冇擔心過七年之癢嘅問題，自己冇呢個概念，講真要癢幾時都可以癢，唔使等到七年先嚟癢，對住緋聞就頭痕，哈哈！但係緋聞就冇得避免嘅，好多時睇完得啖笑，依家都慣咗開劇就有緋聞，好似《潛行狙擊》出街就同徐子珊傳囉。好彩我嘅性格豁達，其實只要你唔睇重件事嘅話，啲嘢就冇辦法撩(興)你。我只着緊自己嘅工作。
結婚係一念之間
有人話到某個階段就要結婚嚟維繫一段感情，其實兩個人過得開心，唔需要刻意維繫，你睇梁朝偉同劉嘉玲拍拖幾耐，都係近期先結婚。我自己覺得結婚好講時機，可能係突然間一個念頭，現在大家都畀到空間大家，唔識點講，總之舒服，或者可以話係大家都唔會對對方有要求。
呢一刻冇計劃結婚，以前細個希望三十歲結婚，但依家到咗三十歲又覺得冇乜嘢，自己太多嘢想做。結婚生仔要有好好嘅打算，好似自己對住屋要求好高，dream house想住penthouse，好貴架，自己又有少少潔癖，想搞到屋企好靚。
以苗僑偉為榜樣
對將來家庭生活都有一幅幅藍圖，希望好似三哥（苗僑偉）咁，結咗婚，有仔、有女、有生意，間中拍劇過吓戲癮，遊戲人間。生得仔就要畀時間照顧佢，起碼要有能力幾個月唔做嘢湊仔，但係做呢行咁耐，好相信際遇呢樣嘢，時間係冇得預設嘅，假如冇人搵我拍戲，我點努力、點搏命都係冇用。
正所謂三十而立，自己一路都有分散投資，好似買金、買樓、買藍籌，穩穩陣陣唔使打理嘛。阿媽又就嚟退休，所以打本開咗間眼鏡舖，等佢退休之後有啲細藝。
馬國開最大餐廳
一直想喺香港開食肆，但係香港舖租實在太驚人，所以揀咗喺馬來西亞怡保同朋友夾份開餐廳，都係送埋畀阿媽，自己間中就去睇吓。餐廳會有Live band，投資七位數字左右，依家裝修緊，應該係全馬來西亞最大嘅餐廳，成八千幾呎，平租吖嘛，哈哈，舊錢喺香港都唔知租唔租到三百呎。
口述：黃宗澤
服裝：Hugo Boss
場地：EL CID 西班牙餐廳
拍拖shopping 耳環訂情
黃宗澤及胡杏兒於04年底拍攝《我的野蠻奶奶》戲假情真，男方被指以短訊攻勢冧掂杏兒，雖然兩人一直未有直認戀情，但已是公認的一對。他們亦不介意以情侶檔出騷，07年再合作《我的野蠻奶奶大戰戈師奶》，去年拍住上返內地拍劇《跑馬場》，今年二月他們被本報拍得到銅鑼灣Shopping，日前黃宗澤透露意外遺失鑽石耳環，杏兒直認是她所送的禮物。
今年初，二人拍拖shopping，已不再遮遮掩掩。
徐子珊：希望佢哋結婚
徐子珊與黃宗澤在劇集《潛行狙擊》連場「肉搏」而傳出緋聞，但「山寨女友」徐子珊實情與「正印」胡杏兒稔熟，不但沒有心存芥蒂，見面時更會拿緋聞來開玩笑。對於黃宗澤與胡杏兒的「七年長跑」，徐子珊笑說：「好戥佢哋開心，雖然佢哋又好似認、又好似唔認，但係佢哋咁耐以嚟都相處得好好，好開心嘅，真係好希望見到佢哋結婚。」
Orignal From: 黃宗澤：要癢幾時都可以
沒有留言:
發佈留言