2012年10月31日星期三

靠《名媛望族》重口味 江美儀正氣邪花彈起

色誘劉松仁 再嗒吳卓羲 靠《名媛望族》重口味 江美儀正氣邪花彈起

江美儀近期憑《名媛望族》中,穿黑色絲襪大跳艷舞色誘劉松仁重口味戲份,而成為網友熱烈追捧對象,雖然有人投訴戲份意識大膽,應該放在較夜時段播出,但演繹「邪花」的美儀,未有被觀眾指責,證明「三太太」演出得到觀眾認同,她一直的正氣形象,亦深得觀眾歡心。對於被外界認同演邪花唔過火,堪稱「正氣邪花」,她大讚觀眾有眼光,亦證明她為該劇付出沒有白費,至於有沒有信心在頒獎禮爭獎,美儀就希望網友繼續支持,「咁就要靠啲網友,佢哋多多支持去投票啦!」

撰文:杜淑霞 攝影:吳君豪 化妝:Ivan Lee 髮型:Ivan Lee@Headquarters
服裝:Vivienne Tam 場地:KUKA HOME(皇室堡)

江美儀由亞視過檔無綫4年,一直備受重用,但她亦不負厚望,每次均演出稱職,前年已憑《女人最痛》中乞人憎上司「Angela Auntie」入型入格演出,而被受激讚,去年她更憑《九江十二坊》獲提名「最佳女主角」及憑《潛行狙擊》獲提名「最佳女配角」,證明努力有回報。

松哥功不可沒

對於今次憑「三太太」彈起,美儀當然興奮,但她不敢邀功,認為拍檔松哥劉松仁對她幫助很大,「事前松哥搵咗十條片畀我參考,佢仲話『表情你就睇第一條,動作你就睇第四條,造型就睇第六條』,佢畀咗好多意見我,監製亦專登搵咗排舞老師幫我練咗幾日,本來可以跳得好啲,但係之前拍搶米戲拗柴,搞到練唔到,如果畀我做多次我諗會仲好啲。」

被迫做邪花

對於「三太太」這個角色,美儀覺得很值得同情,就算之後紅杏出牆偷嗒吳卓羲,做「邪花」都是迫不得已,「其實佢都好陰功豬,無人天生想做邪花嘅,佢本身係有錢女又識英文,只係畀鍾卓萬(劉松仁飾)搞大咗肚先嫁畀佢,佢哋根本無愛情,明知個老公鍾意二太太(陳玉蓮飾)多啲,唔跳艷舞色誘佢,點留得住個男人,之後同金木水(吳卓羲飾)係互相慰藉啫!不過佢都唔風騷得幾耐,遲啲佢就知㗎啦!」

同伍姑娘少芸無得比

演完「Angela Auntie」和「三太太」這些「邪花」角色,難得美儀無令觀眾討厭,反而認為她很正氣,更有人拿她和同戲路的伍姑娘伍詠薇和郭少芸比較,認為她比起伍姑娘的癲得和少芸的過火,拿揑得更恰到好處,她都感到意外,「?家啲觀眾真係好叻,以前琴姐演西宮出街差啲俾人打,?家反而會讚你,可能我平時真係少負面新聞啦!伍姑娘同少芸都係好出色嘅演員,我覺得無得比較,但好多謝大家咁支持,我會繼續努力。」

邪花愛猛男

有人認為該戲重口味,因為松哥年紀太大,跟女角年齡距離大,但美儀卻不認同,認為角色有此需要。不過有哪個邪花不愛猛男,對於近期後起幾名猛男,美儀都讚不絕口。

羅仲謙 論身形當然係謙仔啦!佢o依家咁多女冧,如果再高啲更加殺唔少,我哋《飛虎》做過兩姊弟,佢做戲係好勤力。

梁烈唯 我喺《五味人生》做佢後母,佢把口好識 人,真係會俾佢 到好開心,我睇好佢嚟緊喺電影度做古惑仔,個角色口多多應該好啱佢。

王浩信(左) 我哋合作過幾次,佢表面好似好公子,但係佢個人好認真好堅持,喺呢行係好難得。

江美儀今年先後有《當旺爸爸》、《飛虎》、《怒火街頭》及《名媛望族》推出,她有信心提名「最佳女配角」。
美儀今年先後有《當旺爸爸》、《飛虎》、《怒火街頭》及《名媛望族》推出,她有信心提名「最佳女配角」。
江美儀
美儀表示「三太太」是個悲劇人物,但現實生活中,她一定不會喜歡一個有幾個老婆的男人。

「三太太」後期會因芳心寂寞,跟「金木水」大玩一夜情。
「三太太」後期會因芳心寂寞,跟「金木水」大玩一夜情。

Orignal From: 靠《名媛望族》重口味 江美儀正氣邪花彈起

沒有留言:

發佈留言