《雷霆掃毒》爆大結局 林峯射死苗僑偉 徐子珊中槍亡

《雷霆掃毒》雖然下月頭先大結局，不過結局已經畀人率先爆咗，林峯飾演嘅世樂暗中調查，發現苗僑偉係黑警，最後更同手足圍捕佢。

而三哥做咗黑警之後，亦知道自己冇得番轉頭，佢又下唔到決心殺死調查佢嘅林峯，最後更畀對方射殺，死喺老友手下。

而變成毒后嘅徐子珊，最後都冇好結局，佢心灰意冷之下假意攻擊警方，最後中多槍身亡。同樣喺黑警嘅郭政鴻，一樣喺圍捕過程被射殺。結局最好嘅就係官恩娜，喺圍捕過程幫一直暗戀嘅林峯擋子彈，兩個人最後仲發展成為情侶。


《雷霆掃毒》結局，壞角色個個冇好下場

---

Orignal From: 《雷霆掃毒》爆大結局 林峯射死苗僑偉 徐子珊中槍亡