撰文：何永寧
外表粗豪的芬姐既能惡又能搞笑，但她亦有柔情的一面。攝影：林德雄
原名張偉芬的魯芬既是《女子監獄》中被鄭裕玲打到頭破血流的山東婆、又是《九品芝麻官》中嗌輸交頭頂出煙的烈火奶奶，藝名的由來是因為朋輩中都以「老」字相稱而改。她入行的經過很簡單，因為有一個知名的契爺董驃，芬姐記得86年第一次演出是跟熊良錫在觀塘的戶外表演，當時搞的是棟篤笑：「嗰時同熊良錫幫觀塘節做節目搞笑，亞洲電視老闆邱德根睇完叫契爺搵我簽約做演員，我拍過好多劇集都係客串，入電視圈都係當玩，自己仲有份正職，靠亞視份糧，我咁肥點養得起我。」
童年的芬姐討人喜愛，仍不失大家姐風範。
「大聲唔代表冇禮貌」
到88年芬姐經曾志偉介紹拍了人生第一套電影《女子監獄》，當中演的是獄中蝦蝦霸霸的大家姐山東婆，她說：「志偉現在位老婆係同我由細玩到大，志偉哥見角色啱咪搵我幫手。」自此奠定影圈中惡婆娘的地位，現實中的芬姐都很火，化妝期間先後多次見她對着手提電話咆哮，罵的是自己的助手，她說：「我大聲唔代表我冇禮貌，啲人講極都唔明。而且我咁大份講嘢係大聲啲，不過我係有道理嘅大聲，我陰聲細氣同你講嘢你都驚啦。」
她的第一部作品《女子監獄》成就了惡死山東婆形象。
烈火奶奶內地吸客
雖然定位是惡婆，但搞笑亦有一手，早前就曾經在公開活動跟余慕蓮扮BB出場，笑死不少現場觀眾，她覺得要不就不做，要做就要專業，閒角亦有發揮的空間，她說：「人哋搵我係欣賞至搵我、識得尊重我，所以演乜我唔介意，而且我好鍾意玩，我飲醉酒仲好玩，娛樂圈係娛己娛人。最近拍杜Sir（杜琪峯）套《盲探》就最開心，除咗杜Sir搵我拍戲開心，仲住咗四晚靚酒店，唔係個個有呢種待遇，係班製片手足關照我嘅。」人很簡單有時要的只是一份尊重。
魯芬在《九品芝麻官》演的烈火奶奶及《龍咁威2之皇母娘娘呢》中的奀妹都令人印象深刻，亦令她在內地有不少擁躉：「佢哋見到我都係叫我烈火奶奶唔係叫我名，好多人都搵我返內地登台。接頭人會話『芬姐個場就麻麻，希望你唔會介意』，我話你搵我咁識貨有乜介意。」
芬姐是元朗青少年粵劇團副主席，唱時代曲及粵曲都有一手。
「陳法拉贏我少少咋」
識貨的還有一班高登的網友，近日在高登網站搞了個高登女神選舉，芬姐亦榜上有名，跟謝安琪、劉心悠、苟芸慧等高登BB齊名，被稱為魯芬BB。芬姐只從姪仔口中得知此事：「我都唔知乜事，話我係高登女神喎，係我個肥仔姪仔話我知。佢同我講『姑媽你唔好理佢哋啦，佢哋笑你咋，點會輪到你』，好似今次訪問佢都叫我唔好嚟，話啲人搵你去笑。我話怕乜嘢呀？搞笑搞到我咁都唔錯，有時牡丹都要綠葉襯吓。而且我都唔錯，女神榜排第八名，陳法拉都係贏我少少咋。」自言不是紅人，有人記得已經很開心，她笑言有機會會跟網友玩埋一份。
芬姐對於事業沒有特別要求，但對演出仍有一團火，遲些會到北京簽經理人合約拍劇，跟一眾阿哥阿姐看齊，不求大富大貴就只要有人賞識。閒時會跟三五知己在元朗她稱為Happy House的私竇聚會，別小覷她外形粗豪，能煮得一手好上海菜，試過的朋友都讚不絕口，她指契爺驃叔生前就最喜歡吃：「契爺最鍾意食，佢生日就一定要我煮佢食，煮嘢係我興趣唔想變成生意。」
山東婆靠惡搵食
高登女神魯芬，原名張偉芬，擁有典型山東人的骨架。她和曾志偉的現任妻子由細玩到大，88年獲志偉邀請加入娛樂圈。首部作品是電影《女子監獄》，也是她從影以來的代表作。她在片中扮演監躉「山東婆」，恃着龐大身軀在獄中蝦蝦霸霸，其中與夏文汐、鄭裕玲互毆的場面令人印象深刻。魯芬後來拍攝的大多是喜劇，專演醜女角色，其中包括《九品芝麻官》裏的烈火奶奶和《整蠱專家》的大白鯊等等。
搞笑的烈火奶奶令她為內地人認識，增加很多登台機會。劇照
跟周星馳合作的《整蠱專家》中的大白鯊惡死得來又抵死。劇照
貪靚女神
魯芬自言年齡不是自己的秘密，跟成龍同年同月同日生，訪問的地點由原本的中上環臨時移到她的主場元朗，都是芬姐的主意。本身不是圍村人，因為弟弟娶了一位圍村姑娘，所以搬入元朗跟弟弟、弟婦及姪仔、女同住，還有一位妹妹已移居荷蘭。
自言貪靚的魯芬，化妝出鏡就花了大半小時。
17歲初戀
取景的圍村古舊大屋亦是靠芬姐的關係借來，她自豪地說：「呢度拍過好多戲，《龍咁威2》都喺度拍，好多時TVB都係叫我幫佢搵景。」不是大紅大紫，但芬姐的優點是認真，除了場地旗袍是私伙外，化妝師都是御用那位，為求最好效果，妝一化就大半小時，還不計期間對着電話鬧人的時間。問到她是否貪靚？芬姐直認不諱說：「我貪靚㗎！都有用護膚品，但都係純天然用品。」拍拖已經是很遙遠的事，她說：「我未結婚都冇初戀，邊有咁多嘢，後生咪拍吓啲puppy love嗰時得17歲。」
Orignal From: 我主場：魯芬的故事
沒有留言:
發佈留言