2012年10月26日星期五

《雷霆掃毒》徐子珊玉照變《法證先鋒3》劇照

係,又係徐子珊,又係《雷霆掃毒》數獨時間……搵穿崩。

先唔講徐子珊呢個咁憎毒品嘅人,阿媽同細佬都係俾毒品害死,點解俾人打完毒針之後,都唔係即刻戒毒,而係繼續沉淪。咁違反人物性格,好明顯只係搵戲嚟做。更離奇係係噚晚一集,警方都知徐子珊依家做咗拆家幫威哥運毒,一定會盯緊佢。咁點解噚晚子珊第一次幫威哥出貨,可以係日光日白下之下,將一包二包白粉擺晒落旅行袋度,咁就出發交易?唔驚掃毒組跟蹤拉人封艇嗎?真係邊個高人諗出來的?

前日播出阿Pat(徐子珊)向林峯哭喊一場戲之後,劇情交代阿Pat失蹤,林峯同官恩娜就拎住佢張相,周圍搵佢。但最後都搵唔到。林峯話﹕「佢專登避開我哋,我喍一定搵唔到佢。」

知唔知點解林峯同官恩娜兩個都搵唔到毒后呢?因為,佢哋,拎咗,徐子珊喺《法證先鋒3》,做,madam嗰張劇出嚟,呀嘛﹗

《雷霆掃毒》徐子珊玉照變《法證先鋒3》劇照
林峯前日拎住左圖去搵阿Pat徐子珊。so sad。張相係《法證先鋒3》劇照嚟0架,同《雷霆》個look(右圖)都唔同。
《雷霆掃毒》徐子珊玉照變《法證先鋒3》劇照
留意佢條頸鏈
《雷霆掃毒》徐子珊玉照變《法證先鋒3》劇照
林峯,你究竟想搵《法證3》嘅Madam Ling,定《雷霆》阿Pat呀?
《雷霆掃毒》徐子珊玉照變《法證先鋒3》劇照
呢張係《法證3》徐子珊劇照,頸鏈係一樣架。
《雷霆掃毒》徐子珊玉照變《法證先鋒3》劇照
呢個先至係《雷霆》毒后阿Pat。
《雷霆掃毒》徐子珊玉照變《法證先鋒3》劇照
噚晚阿Pat就係拎住呢個旅行袋,光天化日,載住一袋白粉去交易。
《雷霆掃毒》徐子珊玉照變《法證先鋒3》劇照
唔係呀化?警察呢?

Orignal From: 《雷霆掃毒》徐子珊玉照變《法證先鋒3》劇照

沒有留言:

發佈留言