《雷霆掃毒》又穿崩 徐子珊線人變明星

頭先有睇《雷霆掃毒》嘅觀眾，唔知有冇打爆電視，或者笑爆自己個肚嘅衝動。癮君子原來可以求其淋下水整濕個頭，就可以清醒番。咁容易，個個又使乜咁辛苦接受戒毒治療呢？去洗個頭咪得囉。

其實噚日一集，都好爆趣，但真係要好夠眼力先睇得到。噚晚第17集，講徐子珊（阿Pat）扮線人，混入黑幫幫警方索料（又係好易埋到目標身嗰種）。其中一幕講三哥保護緊飾演歌手嘅樊奕敏，有狂迷向樊施襲淋紅油……唔係重點，重點係一架停咗喺後面嘅巴士，巴士車身廣告，居然係徐子珊幫服裝品牌Veeko拍攝嘅廣告。

唔通劇情之後會舖排阿Pat同明星徐子珊失散姊妹相認？


焦點請放喺巴士車身廣告上，有徐子珊呀﹗咁似劇裡面嘅線人阿Pat嘅？



徐子珊幫服裝品牌Veeko拍攝嘅廣告

---

Orignal From: 《雷霆掃毒》又穿崩 徐子珊線人變明星