陳松伶14歲在葉蒨文模仿大賽奪得冠軍，翌年獲高志森邀拍首部電影《鬼馬校園》，雖然當年只是配角，毫無演戲經驗，但松松卻幸運地獲無綫賞識，與當年力捧新人黎明孭飛主演劇集《天涯歌女》，一炮而紅，穩坐無綫一線花旦地位。
陳松伶曾罕有地和江華在《金玉滿堂》拍接吻鏡頭。電視圖片
婚後的陳松伶大部份時間留在北京，但近日回港復出樂壇。攝影：林德雄 服裝：M+W、大豆
陳松伶走紅後一劇接一劇，其中她和古天樂（後）曾合演《天地男兒》。劇照
松松初出道時以拍劇為先，試過跟鄭伊健演出《月兒彎彎照九州》。劇照
意外住院蕭笙賞識
首次拍劇便當女主角，松松自覺十分幸運：「好感恩，喺我呢個年紀畀我睇多咗好多嘢，可以接觸到呢個令人好有興趣嘅圈子。」原來，當年《天》劇監製蕭笙千揀萬揀揀中松松，竟全憑一次家居意外帶挈。
松松說：「當日我喺屋企用個大瓦煲煲雞腳湯，點知一揪起個煲成個底穿咗，啲滾湯淥到對腳，係一級燙傷，瓦片又插晒落腳，家仲有疤痕，我瞓咗一個月醫院，要瞓太空床，真係好慘。嗰陣時娛樂唱片老闆娘劉太帶蕭笙叔去醫院探我，可能我個樣比較細個，瞓喺病床個樣好慘，蕭笙叔覺得夠慘情，好適合拍《天涯歌女》，所以就決定搵我做，都算因禍得福。」
首次拍劇便擔正做女主角，松松坦言終日戰戰兢兢：「嗰陣我完全唔識嘢，好驚青，唔知應該點樣做，嗰陣我同黎明演技都好幼嫩，大家唔識遷就camera，成日擋住對方，激到監製同導演死死吓。」
昔日跟松松合作過的男主角，今日大都變成當紅小生，除《天》劇的黎明外，還有《月兒彎彎照九州》的鄭伊健及《天地男兒》的古天樂等，單是跟伊健合作的起碼有七套，松松說：「同伊健第一部係《月兒彎彎照九州》，當年大家都好細個，我剛剛上大學，佢成日叫我：『唔好返嚟啦，你快啲返學啦。』但當年我半工讀，要賺錢。我哋日日夜夜開工，成日連踩30個鐘，搞到成日唔夠瞓，去到邊瞓到邊。拍《蜀山奇俠之仙侶奇緣》，拍到正午12點，我哋攰到一張榻榻米男男女女一齊瞓低，對住日光啲雀斑咪出晒囉。」
蕭笙監製由陳松伶和黎明主演的《天涯歌女》，成功捧紅兩人。劇照
松松嫁給內地小生張鐸，雖然姊弟戀年紀相差九年，依然幸福。
一向密實乖乖女示人的松松，曾在電影《鬼馬校園》罕有以泳衣look示人。
完成學業破戒錫錫
多年來一直有指松松堅拒跟對手拍接吻戲，就算拍錫錫也是借位，松松解釋說：「嗰時我只係中學生，你見到中學生着住校服喺港鐵度錫，你都會鬧啦！唔想做啲越軌嘅嘢，但大家講下講下就變咗一個守則。我讀完書有拍過接吻戲，好似《金玉滿堂》同江華，內地劇《星星、月亮、太陽》就同李亞鵬。」
在香港消失了好一段時間的松松，坦言有興趣接拍一部很有誠意的劇集。比她年輕九年的老公張鐸是否贊成？松松說：「老公係一個藝術家，唔係一個演員，佢覺得你唔做就對唔住個工作，但當然如果畀佢可以選擇，最好留喺屋企照顧屋企人，佢覺得結咗婚就係男主外女主內，佢唔贊成我咁辛苦，但如果我鍾意，佢亦會好尊重。」
昔日松松灌錄的兒歌《烏卒卒》和《相聚一刻》唱到街知巷聞，而《天涯歌女》銷量更高達六白金（30萬張），有傳90年IFPI最佳唱片銷量大獎得主本是《天涯歌女》，但最後因為政治因素敗給譚詠麟。
投資有道身家逾億
松松說：「我淨係知道當年《天涯歌女》好快已經六白金，而《月兒彎彎照九州》就去到八白金。嗰陣時自己乜嘢都唔識，只係一個細路女，唔明白大人世界嘅遊戲規則。」久未演唱的松松近日正忙於錄新歌，不過今次她錄的是發燒碟《我與Ta的成長》，一些80、90年代的經典金曲。
松松多年來與老公在內地投資房地產，現時物業全部升值，保守估計兩口子身家逾億。對此松松未有否認，只笑說：「多謝老公，係佢教我點計數，佢眼光比我更加好。」其實松松揀老公的眼光也相當好。
Orignal From: 都是那些年：陳松伶蛻變億萬人妻
沒有留言:
發佈留言