李詩韻早前跟朋友組個歐洲豪華自由行，盡情享受自由自在感覺之餘，也一試荷李活明星的玩樂滋味，勁花近六位數字，享受過後，荷包消瘦，詩韻回來即努力工作賺錢，滋潤荷包之餘也籌下次享樂團費。
撰文：汪芷寧
李詩韻與朋友一行八人到西班牙、意大利、法國及蘇格蘭旅遊，但所到之處都是些非熱門旅遊地點，沒中國人到的地方，詩韻全程零化妝，過了個無添加、無拘無束的假期。今次豪華團行程由詩韻朋友策劃，她說：「我哋去咗法國一個荷李活明星、名人都會去嘅度假勝地Saint Tropez，里安納度狄卡比奧、Paris Hilton都去過，有好多法國狗仔隊喺嗰度，我哋就係要試吓大明星嘅度假生活，嘩！食一餐飯都要成千五港元一個人。」
李詩韻在法國享受陽光海灘，無拘無束連擺甫士都大膽過人。
在法國期間，包船出大海過的四日三夜最令詩韻難忘，原來遊船泊岸需半年前預約，他們沒預約惟有用小型駁艇，一行人拿着行李上落駁艇時最為狼狽，詩韻說：「因為要駁艇，補給比較麻煩，我哋連水都要慳住用，一日只可以冲一次凉咋。」
在法國船上過了四日三夜，雖然要適應暈浪，但詩韻與朋友都能盡興。
本來只愛紅酒的詩韻，參觀完蘇格蘭酒莊，忍不住買了威士忌珍藏。
蘇格蘭的鐵甲武士吸引住詩韻，可惜未有真正艷遇。
花近十萬旅費
詩韻去蘇格蘭參觀了不少城堡，又去了釀製威士忌嘅酒莊參觀，令原本只愛紅酒的她也懂得欣賞威士忌，忍不住買了些來珍藏：「今次歐遊用咗差唔多六位數字，個人食肥咗，但荷包瘦咗，好在遲啲拍廣告同登台搵番啲，希望可以搵埋下次嘅團費啦！」
去邊度：意大利、西班牙、法國、蘇格蘭
玩幾耐：十三日
Orignal From: 李詩韻歐遊扮巨星
沒有留言:
發佈留言