有線與無綫、亞視兩間免費電視台連月來就倫敦奧運轉播權問題角力，直至日前無綫和亞視停止跟購得本港獨家播映權的有線談判，由無綫直接與國際奧委會商討轉播權。雖然無綫和亞視能否播倫奧仍是未知之數，但據知無綫對今次爭播映權志在必得，前晚經內部高層會議後，鐵定明晚拉隊到倫敦為奧運節目做準備。
對轉播倫敦奧運胸有成竹的無綫，為與有線打對台，明晚將派出陳芷菁和韓毓霞率隊飛赴倫敦做奧運採訪。
韓毓霞曾在04年雅典奧運訪問荷蘭飛魚賀根賓特，但今年倫敦奧運卻無緣在場內採訪。
陳芷菁08年曾在香港主持奧運相關活動，訪問香港乒乓代表高禮澤和李靜。
「初步留到閉幕」
消息指出，無綫明晚將派出陳芷菁和韓毓霞等一行九人做先頭部隊，若然無綫落實播映倫奧，將考慮加碼再派員採訪。至於香港方面，無綫除安排體育節目主持鍾志光主持大局外，更計劃出動全台藝員輪流擔任奧運節目嘉賓，跟標榜專業評述的有線抗衡。
陳芷菁昨日透過經理人表示未接獲採訪倫奧通知，但韓毓霞昨在電話中承認明晚與芷菁等出發說：「係呀。」記者指無綫未落實播映便派隊出發可算是「博一鋪」，韓毓霞笑說：「可以咁講，公司應該有把握，咁大件盛事，唔派人過去先，到時會唔知乜頭乜路，無論播映權攞到多定少，都應該畀觀眾感受吓個氣氛。」是否在倫敦留守到奧運完結？韓毓霞說：「未知，初步計劃留到閉幕，如果係最壞情況（沒有奧運播），要返嚟嘅話都要返，又或者係做到一半就返嚟，總之見步行步。其實今次我哋係機動部隊，照顧自己之餘仲可以照顧埋其他人，我會負責埋芷菁啲稿，但芷菁本身好叻，識得多國語言，又捱得，之前我都試過同佢去外地做世界盃。不過，以前我哋可以做場內，但今次冇得入場，要喺外面等，做法同以前好唔同，可能啲運動員做完一連串訪問之後好攰，出到場外未必再想講，所以我哋要好有耐性去等，同埋一切睇機緣。」
留守香港的鍾志光昨日在電話中說：「我哋所有同事都喺備戰狀態，派駐海外嘅同事已經預備出發。如果香港個免費電視台播映權解決唔到，國際奧委會係有權將（有線）個免費台播映權收番，然後再發放出嚟。據我印象，如果今次真係咁做，就係世界第一次，以前從未試過。」
兩手準備迎戰
不過，雖然無綫對成功爭取倫奧播映權胸有成竹，但仍會作兩手準備，若未能「迎接」奧運，便改為「迎戰」奧運，安排多部重頭劇和全新綜藝節目在奧運期間播映，當中包括上周一已經推出、由林峯、馬國明和楊怡孭飛的《回到三國》、本月30日播映視帝鄭嘉穎和視后胡杏兒主演的《怒火街頭2》，以及本月23日晚開始逢周一至五播映、出動全台藝員扮嘢的《玩轉三周1/2》等。而後日無綫將罕有地停廠安排全台藝員大晒冷，為暑期特備節目宣傳之餘更順道錄影《玩轉三周1/2》，相當大陣仗。
採訪：林妃
《怒火街頭2》
候命迎戰：強勢節目撼有線
今屆奧運由本月27號開始，至8月12日結束，無綫早已兩手準備，若得不到播映權，就以重頭劇和趕製的綜藝節目對撼有線直播倫奧！
《回到三國》9/7首播 20:30－21:30
《怒火街頭2》30/7首播 21:30－22:30
《玩轉三周1/2》23/7首播 22:30－23:00
《環遊世界明星賽》逢星期日 21:00－22:00
資料來源：《蘋果》資料室
娛樂資料庫
星級主持事多
無綫若播得成奧運，一定出動明星做客席主持，但以往的星級嘉賓水準不濟之餘，又頻頻搞出是非。
《方力申、葉葉璇》
方力申和葉璇04年在雅典做奧運直播，葉璇不停搶說話及打斷小方話柄，小方竟向葉璇說：「跟住你寸我吖嘛！」對話被直播出街。
《許志安》
許志安是04年雅典奧運主持，開幕禮當晚姚明領中國隊選手入場，安仔竟多口指姚明樣貌兇殘，旋即被狂轟。
《鄭裕玲》
鄭裕玲赴北京做08京奧直播主持，其間她與李克勤等對稿，嘟嘟疑因耳筒音量問題，扯火向工作人員鬧：「你又大聲啦！」
《張嘉兒》
港姐張嘉兒主持08北京奧運，但經常說錯話，如將跳水金牌得主火亮講成光亮，因而被減少在直播室報道。
《葉翠翠、丘凱敏》
葉翠翠、丘凱敏主持08北京奧運，有指丘凱敏向監製篤背脊，令翠翠被飛出奧運節目的黃金時段。
話你知
奧運轉播 杰撻撻
有線今年奧運標榜專業評述，還邀來本地運動員做評述。資料圖片
奧運轉播搞到一鑊泡，事緣有線一心以為會獲特區政府批出免費電視牌照，在07年不惜一擲1.2億投得倫奧的獨家播映權，到時就符合國際奧委會200小時賽事須在免費電視播放的規定，又可獨攬廣告，可惜至今仍未獲發牌，令有線失預算。
為保利益，有線開出狠辣條件，以一蚊美金向無綫和亞視象徵收費，但要求原汁原味播放有線的奧運片段之餘，廣告都要照播。無綫固然不肯就範，曾表示連新聞片都不採用，分分鐘令香港人沒免費奧運睇，搞到國際奧委會介入事件。亞視曾表示願意開放國際台轉播有線的奧運片段，但近日聲稱發現國際台有廣東落地的版權問題，卻被傳實與無綫有秘密協議，玩謝有線。
Orignal From: 無綫明拉隊征倫奧 辣招打有線 志在必播
沒有留言:
發佈留言