法拉家庭背景好，自幼做任何事成績都理想，有好男友又受公司力捧，順風順水，即使轉型做歌手，她都沒給自己太大壓力：「讀書時冇強求過考第一，讀書都唔辛苦，入行係因為鍾意表演，冇諗過要做女主角，有得拍戲就開心，有唔同角色挑戰演技更加好，唱歌亦係冇乜期望，只想盡力做好，希望識我嘅觀眾延伸到鍾意我嘅音樂。」如讀書一樣，法拉做歌手不為成績，只為享受唱歌的過程，但明白必須要面對記者、觀眾帶來的壓力。
法拉不會計較別人的想法，只會專心做好本份。 攝影：陳俊強
諸葛紫岐（左）與陳法拉妯娌屢傳不和，兩人如今進軍樂壇又會有一番角力。
法拉上月錄影《勁歌金曲》唱 live甩嘴，足足錄四次才僅僅及格完成。
分身乏術的法拉，如今進軍樂壇作多線發展，男友薛世恆從沒投訴。資料圖片
走音緊張似初吻
近年歌手唱歌水平被批評得一文不值，杜麗莎說過做歌手易，但未必個個識唱，法拉十分認同。法拉首次上《勁歌金曲》，因太緊張而惹來走音批評，法拉將失準經驗視為得着：「有次商場活動唱 live，唱人哋嘅歌娛樂大眾，係冇咁大壓力，因為嗰時未係歌手，好多時係自己諗法左右表現，同演戲一樣，集中唔到精神入唔到戲就喊唔到，《勁歌》嗰次上咗一課，以後表演要百分百準備，差少少準備上到台就會怯，後來同一星期第二次再唱已經好好多，個心都定啲，哈哈，就好似第一次初吻完，第二次錫錫唔會咁緊張啦！」
法拉上了一課，回去反省再反省，知道自己需時慢慢進步，她笑言：「現實唔允許我好似杜麗莎咁練咗幾十年，我惟有做到自己最好，通過每次表演吸收經驗，每次進步，我相信一個好識唱歌嘅人第一次上台都會好緊張。」法拉有空便跟老師練歌，她明白勤力是成功的重要因素。
法拉坦言得到無綫厚待，但亦因而被人針對。
轉戰樂壇被針對
同是藝員兼做歌手，林峯得到無綫厚愛在《十大勁歌金曲頒獎典禮》屢獲大獎，愛你變成害你，反而被人針對，問到法拉可擔心這情況會發生在自己身上？她笑言：「已經發生緊啦！好似話我上電視特別多，咁我係無綫人，上電視好正常啫，總之最緊要自己唱好首歌先，其他嘢唔使理咁多。林峯真係唱得好，喺紅館開騷啲人會買飛睇佢，我都望唱好歌，控制唔到人哋點諗呢啲政治嘢。」控制不到別人想法，亦難避免被人比較，尤其是她男友薛世恆的弟婦諸葛紫岐也做歌手，法拉笑言：「我只係做好自己本份，其他乜嘢都唔會理。」
法拉多線發展，陪男友的時間更少，男友可有投訴？法拉說：「我好好彩，未遇過任何人叫我唔好做啲乜嘢，所有人都好支持，令我好放心去發展。」
事業愛情冇衝突
好友劉璇早前公開婚訊，既有幸福家庭又可繼續發展事業，法拉是否很羨慕？她說：「好戥佢開心，呢個係 timing問題，唔係一個人係兩個人嘅問題，我唔知結婚對事業會唔會有幫助或者影響，但我唔會將呢兩樣嘢擺埋一齊衡量，我唔會諗拍戲會唔會影響感情，感情會唔會影響做戲或做歌手，好似你要食飯又要瞓覺，兩樣唔同嘅嘢，唔會話食飽唔使瞓，亦唔會瞓飽唔使食。」
服裝： Paule Ka from The Swank
化妝： Mon Cheng@Annie G. Chan
髮型： Dickson TANG@Hair Corner
樂意再剝衫
已得過兩次最佳女配角，還以為法拉下個目標是視后，誰知她完全沒有這個想法，一心只想拍更多好作品，她說：「我想有代表作，做令人記住、印象深刻嘅角色。」
說到令人印象深刻的角色，相信沒有人會忘記她在《師奶兵團》飾演穿上三點式獲郭政鴻推油的千金小姐，還有《有營煮婦》的除衫露 bra女記者，但近年隨着上到一線位置，法拉似惜肉如金，問到是否不再性感？她說：「唔係，劇情需要都會，都係睇劇情需唔需要，我唔係要製造話題、製造新聞，如果套戲需要性感，或拍 MV拍到 Lady GaGa咁，我好樂意，完全冇所謂。」
法拉拍《有營煮婦》除衫露 bra，成為一時熱話。 電視圖片
穿上三點式的法拉，讓郭政鴻推油，令人印象深刻。 劇照
演員本份
法拉認為只要對表演有幫助，很樂意為藝術犧牲，覺得這是做演員的本份：「可能只得一次機會，下次未必有，咁多年都未試過再推油啦，哈哈哈！有時呢啲就係你嘅經歷，做演員嘅成績表，未經歷過就話唔得，咁你有乜嘢做呀？除非件事唔合理至會提出質疑，唔係 sexy，唔係露幾多嘅問題，係要配合番件事。」
Orignal From: 有話兒：陳法拉百毒不侵
沒有留言:
發佈留言