無綫三位小生黃宗澤、吳卓羲與林峯連日爆出糊塗情債，相關人士齊成輸家！當中最令外界跌眼鏡的是Bosco與杏兒這一對，自日前杏兒承認分手後，外界即揣測Bosco又「作反」，而小三矛頭直指國產佳麗柳岩。不過隨着柳岩發聲明澄清非小三（見另文），本報亦收到黃胡分手內情！
據知，Bosco與杏兒彼此仍有感情，對分手也感到難過，但因桃花爆旺的Bosco多年來緋聞不斷，加上二人近年各自中港兩邊走拍劇，長時間分開，無法好好相處及溝通，導致杏兒情緒受困，對男友緋聞倍感難受及失去安全感，長期處於不開心狀態。故她在個多月前提出要分開冷靜，雙方也沒有給冷靜期一個限期，望他朝若有緣分，不排除會復合。
愁爆赴台灣開工
事實上，無綫高層樂易玲日前力證Bosco沒有小三，又指與黃胡分別深入傾談，明白二人的選擇，又指Bosco為此事十分難過及落淚。自爆出「分訊」後，Bosco昨日首次公開露面，與經理人現身機場出發到台灣拍攝劇集《麵包樹上的女人》，飽受失戀之痛的他愁容滿面，頭耷耷兼黑眼圈，鼻頭及右邊面爆瘡，受訪時更一度強忍淚水！
記：記者 黃：黃宗澤
記：心情好啲未?
黃：都係咁！
記：知唔知柳岩出嚟解釋咗自己唔係小三？
黃：呢兩日真係冇乜留意新聞，同埋都唔好意思，分手係兩個人嘅事，好似牽涉咗好多人，搞到佢哋好似好無辜，真係唔好意思。
記：杏兒受訪時喊晒，好似心情未平復，會唔會追番佢？
黃：呢啲遲啲先講！
記：佢講到好似有小三介入？
黃：（堅定地搖頭否認）唔係！我同杏兒一齊傾過點同大家交代，之前我喺電台講完，唔再講。
記：樂小姐話想你哋復合？又話同你傾時你喊，係唔開心定有鬱結？
黃：希望啦！分手喊都好平常嘅！
記：對杏兒仲有感覺？
黃：（嘆一口長氣，靜默良久才發言）呢啲唔想再講，唔好意思。
記：台慶時杏兒話你難頂？會唔會改？
黃：我性格都幾難頂，但每日都要進步。
記：同柳岩咩關係？有冇約飲嘢同食飯？
黃：同佢唔熟，除咗拍攝兩三日外，冇見過！
記：傳你有好多女？怕唔怕影響形象？
黃：呢個之前交代咗，同杏兒有共識唔會再講，唔好意思，畀少少空間我哋。其實呢件事發生之後有好多揣測，有心理準備，事情應該告一段落。
記：你曾經話杏兒係結婚對象，分手好可惜？
黃：（忍不住眼泛淚光，抿嘴強忍，語帶哽咽）唔想再講。
與杏兒仍有聯絡
記：媽咪有冇問？
黃：冇乜，不過尋日媽咪坐我車出街，有記者跟住，佢差啲跣親，希望大家畀啲空間佢。
記：依家有冇同杏兒聯絡？
黃：用短訊溝通點處理件事。
記：你同林峯、吳卓羲都被指同玩「乳牛」？
黃：其他人嘅事唔想評論。總之唔係咁！
記：同杏兒邊個提出分手？
黃：同杏兒有共識唔想講，希望大家明白。
記：同柳岩仲有冇對手戲？
黃：冇，佢拍嘅完成咗，唔會再同場，今次我留台灣一個月。
記：會唔會少啲北上減是非？
黃：往後再講。
記：去到台灣同杏兒聯絡？
黃：畀番我哋私人去諗啦！
頭耷耷
要飛台灣工作的黃宗澤，昨日現身機場，明顯勁頹！
哽咽
黃宗澤提到與「結婚對象」杏兒分手，即忍不住想喊。
杏兒周三時流下公開講分手的第一滴淚！（資料圖片）
雖受情傷，杏兒早前如常開工拍趣劇。（資料圖片）
（設計對白）
胡杏兒寄情工作 約嘉穎過日神
忍痛斬斷八年情的胡杏兒，自周三公開露面交代情變後，連日來為新劇開工亦已封口不再談「情」。昨日舊愛黃宗澤離港赴台拍劇，與杏兒再次分隔兩地。對於有周刊指杏兒因情傷而患抑鬱症兼服藥，她昨日只透過短訊回覆：「不回應了。」而昨晚播出她於分手期間錄影的節目《玩轉三周1/2》，她於趣劇表現投入，看不出情變痕迹。寄情工作的她，後晚將相約鄭嘉穎及《怒火街頭2》演員看劇集首播，碰巧《怒》劇緊接黃宗澤的《護花危情》播出，這對愛得「難頂」的情侶，即使分手仍緣起緣滅！
杏兒的《怒火2》接黃宗澤的《護花》檔播出，一個來就一個走，認真應景！
黃宗澤的《護花》
柳岩憤怒了不齒做小三
傳因合作劇集《麵包樹上的女人》而與黃宗澤撻着的內地女星柳岩，前晚11時許親撰聲明否認做小三。她表示經過「錯愕、無奈、憤怒、難過」的情緒後，認為傳言為無稽之談，強調與黃從無私交：「以我的人格保證，無論過去現在抑或將來，我都不會、也極端不齒成為介入別人感情世界的第三者，這是原則，更是底線。」她自覺因性感形象而令人誤會她是小三的傳聞，又呼籲外間要對黃胡兩人減少揣測，以示尊重。
《麵》劇官方微博昨日緊接公開發聲明，指黃宗澤拍攝以來一直非常敬業：「對於藝人的個人感情生活，與劇組其他演員都沒有任何關係。」
內地性感女星柳岩，親撰聲明否認介入黃胡戀。
Orignal From: 黃宗澤含淚求胡杏兒復合
沒有留言:
發佈留言